মথি লেখ্যে গম্ হবর্ 19:23 - Chakma Bible

²³ সেক্কে যীশু তা শিচ্চ্যগুনোরে কলঅ, “মুই তমারে ঘেচ্চেকগুরি কঙর্, থাগোইয়্যে মান্‌জ্যর্ পক্ষে স্বর্গ-রেজ্যত্ সমানা আঘাত্যে অবঅ।

মথি লেখ্যে গম্ হবর্ 19:23 ပူးပေါင်းရင်းမြစ်များ

গম্ উপদেজ্ 11:28

যে তার ধন উগুরে বিশ্বেজ্ গরে তার পতন্ অবঅ, মাত্তর্ গোজেন ভক্ত মানুচ্চুনে য়েল্ গাজ পাদা ধোক্ক্যেন ফোত্‌ফোত্যে থেবাক্।

মথি লেখ্যে গম্ হবর্ 13:22

কাদা ঝুবো ভিদিরে পোজ্যে বীজিগুনো মাধ্যমে তারা পৌইদ্যেনে কুয়ো ওইয়্যে যিগুনে সে কধানি শুনোন্, মাত্তর্ সংসারর্ চিন্তে-ভাবনা আর ধন-সোম্বোত্তির্ মেয়্যেলোই সেই কধাগানরে চাপি রাগায়। সেনত্তে সেক্কে কনঅ ফল ন-অয়।

মথি লেখ্যে গম্ হবর্ 18:3

মুই তমারে ঘেচ্চেক্‌গুরি কঙর্, যুনি তুমি মনানি ফিরেইনে চিগোন্ গুরোগুনো ধোক্ক্যেন্ ন-অ সালে কনবাবদে স্বর্গ-রেজ্যত্ সোমেই ন-পারিবা।

মথি লেখ্যে গম্ হবর্ 19:22

যেক্কেনে এ কধাগান গাবুর্ মরত্তো শুনিলো, তে দুঘ্ পেইনে গেলগোই, কিয়া তে ভারী থাগোইয়্যে মানুচ্ এলঅ।

মথি লেখ্যে গম্ হবর্ 21:31

এই দ্বিজন ভিদিরে কন্না বাব আওজ্‌চান পালন গল্ল?” সেক্কে ধর্ম-নেতাগুনে জোব্ দিলাক্, “পত্তম্ মানুচ্চো।” যীশু তারারে কলঅ, মুই তমারে ঘেচ্চেকগুরি কঙর্, খাজানা-দিয়্যেগুনে আর বেশ্যেগুনে তমা আগেদি গোজেন রেজ্যত্ সমদন্,

মথি লেখ্যে গম্ হবর্ 5:20

মুই তমারে কঙর্, ধর্ম-মাষ্টর আর ফরীশীগুনোর ধার্মিকতাগানত্তুন্ তমার যুনি বেশ্ কিজু ন-থায় সালে তুমি কনবাবদে স্বর্গ-রেজ্যত্ সোমেই ন-পারিবা।

মার্ক 10:23

সেক্কে যীশু চেরোকিত্তে রিনি চেইনে তা শিচ্চ্যগুনোরে কলঅ, “থাগোইয়্যে মান্‌জ্যর্ পক্ষে গোজেন রেজ্যত্ সমানা কত্তমান্ আগাত্ত্যে!”

লূকে লেখ্যে গম্ হবর্ 18:24

সেই নেতাবো ইন্দি রিনি চেইনে যীশু কলঅ, “থাগোইয়্যে মানুচ্চুনোর্ পক্ষে গোজেন রেজ্যত্ সমানা কত্তমান্ আগাত্ত্যে!

যোহন 3:3

যীশু নীকদীমরে কলঅ, “মুই তমারে ঘেচ্চেক্‌গুরি কঙর্, নুয়ো গুরিনে জর্ম ন-অলে কেঅ গোজেন রেজ্যগান চেই ন-পায়।”

যোহন 3:5

জোবত্ যীশু কলঅ, “মুই তরে ঘেচ্চেক্‌গুরি কঙর্, পানি আর পবিত্র আত্মাত্তুন্ জর্ম ন-অলে কনজনে গোজেন রেজ্যত্ সোমেই ন-পারে।

১ করিন্হীয় 1:26

ভেইলগ্, তমারে যেক্কে ডাগা ওইয়্যে সেক্কে তুমি কিবাবোত্যে মানুচ্‌ এলা সে কধাগান ভাবি চঅ। মান্‌জ্যর্ বিচেরত্ তমা ভিদিরে ভালোক্ জনে যে জ্ঞানী বা খেমতাবলা বা উচ্চ বংশর্ সিয়েন নয়।

যাকোব 2:6

অদচ সেই নাঢা মানুচ্চুনোরে তুমি অগমান গোজ্জ্য। মাত্তর্ তাগোয়্যে মানুচ্চুনে কি তমারে দুঘ্ ন-দুয়োন্ আর আদালদত্ টানি ন-নেযান্?