মথি লেখ্যে গম্ হবর্ 19:20 - Chakma Bible

²⁰ সে গাবুজ্যে মরত্তো যীশুরে কলঅ, “মুই ইয়েনি বেক্কানি পালেই এজঙর্, মাত্তর্ মত্তুন্ আর কি গরা পড়িবো?”

মথি লেখ্যে গম্ হবর্ 19:20 ပူးပေါင်းရင်းမြစ်များ

মথি লেখ্যে গম্ হবর্ 19:19

মা-বাবরে সর্মান গর্ আর তঅ আদাম্মেগুনোরে নিজো ধোক্ক্যেন্ কোচ্‌পেজ্।”

মথি লেখ্যে গম্ হবর্ 19:21

যীশু তারে কলঅ, “যুনি তুই পুরোপুরি খাটি অবাত্তে চাজ্ সালে যেইনে তর্ বেক্ সোম্বোত্তিগানি বিজিনে নাঢা মানুচ্চুনোরে দান্ গর্। সেক্কে তুই স্বর্গত্ ধন পেবে। সে পরেদি এইনে মঅ শিচ্চ্য অগি।”

লূকে লেখ্যে গম্ হবর্ 15:29

তে তা বাবরে কলঅ, চাহ্, এদক্ বজর্ ধুরিনে মুই তরে সেবা-যত্তন্ গুরি এজঙর্; একবার্-অ মুই তর্ অবাধ্য ন-অং। তো মঅ সমাজ্যেগুনো সমারে ফুত্তি গুরিবাত্যে তুই কনদিন্অ মরে ছাগলর্ এক্কো ছয়ো ন-দুয়োচ্।

লূকে লেখ্যে গম্ হবর্ 15:7

একই সময়োত্, মুই তরে কঙর্, ঠিগ্ সেবাবোত্যেগুরি যিগুনে পাপত্তুন্ মনানি ফিরেবার্ দরকার্ মনে ন-গরন্ সেবাবোত্যেগুরি নিরেনব্বইজন ধার্মিক্ মান্‌জ্যত্তুন্ বরং এক্কো পাপী পাপত্তুন্ মনান্ ফিরেলে স্বর্গত্ আরঅ বেশ্ হুজি অয়।

যোহন 8:7

মাত্তর্ তারা যেক্কে কধাগান্ বার্‌বার্ তারে পুযোর্ গরা ধুরিলাক্ সেক্কে তে উদিনে তারারে কলঅ, “তমাত্তুন্ যে পাপ ন-গরে তেয়ই পৌইল্যা তারে পাত্তর্ মারোক্।”

রোমীয় 7:9

মঅ জিংকানিত্ রীতি-সুদোম এবার্ আগেদি মুই বাঁজি এলুং, মাত্তর্ সেই উগুমান্ এজানার্ সমারে সমারে পাপ্ জিনিস্‌চান্অ জেই উদিলো,

গালাতীয় 3:24

সালে দেগা যায়, খ্রীষ্ট ইধু আনিবাত্যে এই রীতি-সুদোমানি আমার পরিচালনাগুরিয়্যে, যেন বিশ্বেজর্ মাধ্যমে আমারে নিদ্দুজি বিলিনে মানি লুয়ো অয়।

ফিলিপীয় 3:6

ধর্ম পৌইদ্যেনে মুই এমন্‌ একবুচ্চ্যে এলুং, খ্রীষ্ট মন্ডলী উগুরে মুই অত্যেচার্ গত্তুং; আর গোজেনর্ মানি লোইয়্যে অবার্ আজায় মোশির আইন-কানুন্ পালানা পৌইদ্যেনে কেঅ মরে বদ্‌নাঙ্ গুরি ন-পাত্তাক্।