মথি লেখ্যে গম্ হবর্ 19:19 - Chakma Bible

¹⁹ মা-বাবরে সর্মান গর্ আর তঅ আদাম্মেগুনোরে নিজো ধোক্ক্যেন্ কোচ্‌পেজ্।”

মথি লেখ্যে গম্ হবর্ 19:19 ပူးပေါင်းရင်းမြစ်များ

লেবীয় 19:18

হেনা চুযোনা ন-চলিবো, বা কারঅ‌ বিপক্ষে মন ভিদিরে ইংসের্‌ মনভাব পুযি রাগানা ন-চলিবো। বেক্‌ মানুচ্চুনোরে নিজো ধোক্ক্যেন গুরি কোচ্‌পা-পুরিবো। মুই লগেপ্রভু।

মথি লেখ্যে গম্ হবর্ 22:39

সে পরেদি দরকারী উগুমান্ পত্তমান ধোক্ক্যেন্- ‘তমা পাড়াল্যেগুনোরে নিজো ধোক্ক্যেন্ কোচ্‌পেবা।’

দ্বি’লম্বর বিররণ 5:16

তমা গোজেন লগেপ্রভুর্ উগুমানি মানিনে তুমি তমার্‌ মা-বাবরে সর্মান গুরি চলিবা। সেক্কে তমা গোজেন লগেপ্রভুর দিয়্যে দেজত্‌ তুমি ভালোক্‌ দিন বাঁজি থেবা আর তমার্‌ ভালেদি অবঅ।

যাত্রা 20:12

তমার মা-বাবরে সর্মান গুরিনে চুলিবা। সেক্কে তমার গোজেন লগেপ্রভুর্‌ দিয়্যে দেজত্‌ তুমি ভালোক্‌ দিন বাঁজি থেবা।

যাকোব 2:8

পবিত্র বোইবোত্ লেগা আঘে, “তঅ পাড়াল্ল্যেগুনোরে নিজো ধোক্ক্যেন কোচ্‌পেবে।” তুমি যুনি সত্য গুরিনে খ্রীষ্ট রেজ্যর্ এ সুদোমান মানি চলঅ সালে গম গরর্।

গালাতীয় 5:14

কিয়া বেক্‌ রীতি-সুদোমানি মিলিনে এক কধায় কুয়ো ওইয়্যে, “তর্ পাড়াল্ল্যেগুনোরে নিজো ধোক্ক্যেন কোচ্‌পেবে।”

লূকে লেখ্যে গম্ হবর্ 10:27

সেই ধর্ম-মাষ্টর্‌বো যীশুরে জোব্ দিলো, “তুমি পত্তিজনে তমার্ বেক্ রিবেঙান্, বেক্ পরাণান্, বেক্ বলান্ আর বেক্ মনান্ দিইনে তমা প্রভু গোজেনরে কোচ্‌পেবা; আর তমা পাড়াল্যেগুনোরে নিজো ধোক্ক্যেন্ কোচ্‌পেবা।”

গম্ উপদেজ্ 30:17

যে চোগ্‌‌কুনে বাবরে ঠাট্টা গরন্ আর মাবোর বাধ্য অবাত্তে ঈচ্ গুরিনে অস্বিগের্ গরন্, সে চোগ্‌‌কুন কলগ কবাগুনে কুদি কাদায় নিগিলে দিবাক্, আর শকুন ছঅগুনে সিগুন হেই ফেলেবাক্।

লেবীয় 19:3

তুমি তমার মা-বাবরে ভোক্তি গুরিবা আর মর্‌ জিরেবার্‌ দিন্নো পালন্‌ গুরিবা। মুই লগেপ্রভু তমার গোজেন।

রোমীয় 13:9

উগুম আঘে, “সিনেলী ন-গোজ্জ্য, খুন্ ন-গোজ্জ্য, চুর্ ন-গোজ্জ্য, লুভ্ ন-গোজ্জ্য।” ইয়েনি বেক্কানি আর এবাবোত্যে আরঅ অন্যান্য উগুমানি মিলিনে এক কধায় কুয়ো ওইয়্যেদে, “তুমি পাড়াল্ল্যেগুনোরে নিজো ধোক্ক্যেন্ কোচ্‌পেইয়ো।”

মথি লেখ্যে গম্ হবর্ 5:43

তুমি শুন্ন্যদে, কুয়ো ওইয়্যে, তঅ পাড়াল্ল্যেগুনোরে কোচ্‌পেবে আর শত্রুরে ঘিনেবে।

মথি লেখ্যে গম্ হবর্ 19:20

সে গাবুজ্যে মরত্তো যীশুরে কলঅ, “মুই ইয়েনি বেক্কানি পালেই এজঙর্, মাত্তর্ মত্তুন্ আর কি গরা পড়িবো?”