মথি লেখ্যে গম্ হবর্ 18:9 - Chakma Bible

⁹ তঅ চোগ্‌কুনে যুনি তঅ বিশ্বেজ্‌চানরে আরেই দে সালে সিগুন উগুরেনে ফেলেই দে। দ্বি'বে চোগ্‌কোই নরগ আগুনোত্ পড়ানাত্তুন্ বরং চোখ কান্ ওইনে জিংকানিত্ সমানা তঅ পক্ষে গম্।

মথি লেখ্যে গম্ হবর্ 18:9 ပူးပေါင်းရင်းမြစ်များ

মথি লেখ্যে গম্ হবর্ 16:26

যুনি তুই পুরো পিত্‌থিমীগান পেইনেয়ো সিয়েনর বদলে আজল্ জিংকানিগান্ আরাস্ সালে সিয়েনর্ কি লাভ্ অলঅ? নিশ্চই নয়! সালে কেধোক্ক্যেন গুরি এক্কো মান্‌জ্যে তা জিংকানিগান ফিরি পেবঅ?

মথি লেখ্যে গম্ হবর্ 18:8

তঅ আঢ্‌তানি বা টেঙানিয়ে যুনি তঅ বিশ্বেজ্‌চান আরেই দে সালে সিয়েনি কাবিনে ফেলেই দে। দ্বিয়েন্ আঢ্ আর দ্বিয়েন্ টেঙোই জনমত্তে আগুনোত্ পড়ানাত্তুন্ বরং লেং বা আঢুড়্ ওইনে জিংকানিত্ সমানা তত্যেই গম্।

মথি লেখ্যে গম্ হবর্ 19:17

যীশু তারে কলঅ, “গম্ কি জিনিস সে পৌইদ্যেনে কিত্তে মরে পুযোর্ গরর্? গম্ বানা একজনে আঘে। যুনি তুই উমর জিংকানি পেবাত্তে চাজ্ সালে তার্ বেক্ উগুমানি পালা।”

মথি লেখ্যে গম্ হবর্ 5:22

মাত্তর্ মুই তমারে কঙর্, যে কনজনে তা ভেইয়ো উগুরে রাগ্ গরে তে বিচেরর্ দায়ত্ পড়িবো। যে কনজনে তা ভেইয়োরে কয়, তুই বেকুব্, তে দাঙর্ তেম্মাঙর্ বিচেরর্ দায়ত্ পড়িবো। আর যে তা ভেইবোরে কয়, তুই বিবেক্ নেইয়্যে, তে নরগ আগুনো দায়ত্ পড়িবো।

মথি লেখ্যে গম্ হবর্ 5:29

তঅ ডেন্ চোগ্‌কো যুনি তরে পাপ পধেদি টানে সালে সিবে নিগিলেইনে দূরোত্ ফেলেই দে। তর্ গোদা কিয়্যেগান নরগত্ পড়ানাত্তুন্ বরং সিগুনোর্ এক্কো বর্‍‍‍বাদ্ অনা তঅ পক্ষে গম্।

মার্ক 9:47

তঅ চোগ্‌‌কো যুনি তরে পাপ পধেদি টানে সালে সিবে নিগিলেইনে ফেলা। দ্বিবে চোগ্‌‌‍কোই নরগত্ পড়ানাত্তুন্ বরং কানা ওইনে গোজেন রেজ্যত্ সমানা তঅ পক্ষে গম্।

ইব্রীয় 4:11

ইয়েনত্যে এজঅ, আমি সেই জিরেন্ পেবাত্যে গমেডালে আয়োজি ওই। কেঅ যেন সেই অবাধ্য ইস্রায়েলীগুনো ধোক্ক্যেন গোজেনরে অমান্য গুরিনে তার্ দিয়্যে জিরেনত্তুন্ বাদ ন-পড়ন্।

ফগদাং পেইয়্যে 21:27

অসিজি কনঅ কিজু বা জঘন্য কাম গরে বা মিজে কধা কয় এমন কনঅ মানুচ্ সিয়েনত্ সোমেই ন-পারিবাক্; যিগুনোর নাঙানি ভেড়া-ছবোর্ জিংকানি বোইবোত্ লেগা আঘে তারা বানা সিয়েনত্ সোমেই পারিবাক্।