মথি লেখ্যে গম্ হবর্ 18:31 - Chakma Bible

³¹ এই বেক্ ঘটনাগানি দেগিনে তার্ অন্য সমাজ্যে-চাগরুনে অমকদ মনত্ দুঘ্ পেলাক্। তারা যেইনে তারার্ গিরোজ্‌সো ইধু বেক্ কধানি জানেলাক্।

মথি লেখ্যে গম্ হবর্ 18:31 ပူးပေါင်းရင်းမြစ်များ

পত্থম 37:2

ইয়েন্‌ অলঅ যাকোব পরিবার হিত্যে। যোষেফে তা ভেইয়ুনো লগে ছাগল আর ভেড়া ছাগল ঝাক্ চোরেদ। তার্‌ এ ভেইয়ুন এলাক তার্‌ সাদাঙা মা বিল্‌হা আর সিল্পার পুয়ো। তা বয়জ্‌ছান যেক্কে সতর বজর্‌ সেক্কে তে তার্‌ এ ভেইয়ুনো বজং বেবহার কধানি তা বাবরে জানেল।

গীতসংহিতা 119:136

মঅ চোগো পানিগান গঙার ধোক্ক্যেন বেঈ যার্, কিত্তে মান্‌জ্যে তঅ উগুমান ন-মানন্।

গীতসংহিতা 119:158

কুজুরোমিগুনোরে রিনি চেলে মত্তুন্ ঘিন্ লাগে, কিত্তে তারা তঅ কধামজিম্ ন-চলন্।

যিরমিয় 9:1

হায়, মঅ মাঢাবো যুনি পানির ঝুর্‌ঝুরি অদঅ, আর মঅ চোগ্‌কো অদঅ পানির পয়নালা! সালে মঅ জাদর্ যে মানুচ্চুনোরে মারে ফেলা ওইয়্যে তারাত্তে মুই দিনে রেদে কানিদুং।‌‌‌

মথি লেখ্যে গম্ হবর্ 14:9

সেক্কে রাজা হেরোদে মনত্ দুঘ্ পেলঅ, মাত্তর্ যিগুনে তা সমারে হেবাত্তে বোচ্চ্যন্ তারা মুজুঙোত্ শমক্ হেইয়্যে বিলিনে তে সিবে দিবাত্তে উগুম গুরিলো।

মথি লেখ্যে গম্ হবর্ 18:28

পরেদি সে চাগর্‌বো বারেদি যেইনে তার্ এক্কো সমাজ্যে-চাগররে দেগিলো। তাইধু সে সমাজ্যে-চাগর্‌বোর প্রায় একশ দীনার্ কজ্জ এলঅ। সে চাগর্‌বো তা সমাজ্যেবোর্ তদাবো চিবি ধুরিনে কলঅ, তুই যে টেঙাগুন্ উদোর্ লোইয়োচ্ সিগুন শুজ্।

মথি লেখ্যে গম্ হবর্ 18:30

মাত্তর্ তে রাজি ন-অলঅ বরং কজ্জ ন-শুজোনা সং তারে জেলোত্ রাগেল।

মথি লেখ্যে গম্ হবর্ 18:32

সেক্কে গিরোজ্‌সো সে চাগর্‌বোরে ডাগিনে কলঅ, পাজি চাগর্‌বো! তুই মরে কোজোলী গোজ্যস্ বিলি মুই তর্ বেক কজ্জগুন্ খেমা গোজ্যং।

মার্ক 3:5

সেক্কে যীশু বিরক্ত ওইনে তারা ইন্দি রিনি চেলঅ আর তারার্ মনানি দরঅ বিলিনে অমকদ দুঘে সেই মানুচ্চুনোরে কলঅ, “তঅ আঢ্‌‌তান্ বাবেই দে।” মানুচ্চো আঢ্‌‌তান বাবেই দেনার্ পরেদি তা আঢ্‌‌তান এক্কুবারে গম্ ওই গেলঅ।

লূকে লেখ্যে গম্ হবর্ 14:21

“সেই চাগর্‌বো ফিরি যেইনে তা গিরোজ্‌‌‌সোরে ইয়েনি বেক্কানি কলঅ। সেক্কে ঘর গিরোজ্‌সো রাগ্ উদিনে তা চাগর্‌বোরে কলঅ, ‘তুই যাদিমাদি শঅরর্ পধে পধে আর গলিয়ে গলিয়ে যেইনে নাঢা, লুলো, কানা আর লেংউনরে ইধু আন্।’

লূকে লেখ্যে গম্ হবর্ 19:41

তারা যেক্কে যিরূশালেম ইধু এলাক্ সেক্কে যীশু শঅরান্ দেগিনে কানিলো ।

রোমীয় 12:15

যিগুনে ফুত্তি গরন্ তারা সমারে হুজি অ; যিগুনে কানন্ তারা সমারে কানঅ।

২ করিন্হীয় 11:21

মুই লাজেইনে হাম্ কাঙর্, ইয়েনি বেক্কানি পৌইদ্যেনে আমি তমা উগুরে দর্ দর্ ভাব এলং। যিয়েনিলোই অন্যগুনে বাড়্ গরদে সাহস গরন্ মুইও সিয়েনিলোই বাড়্ গরদে সাহস গরং; এ কধাগান মুই বেদমা ধোক্ক্যেন কঙর্।

ইব্রীয় 13:17

তমা নেতাগুনোর্ কধানি মানি চোল্ল্য আর তারার্ বাধ্য ওইয়ো, কিয়া যিগুনে গোজেন ইধু ইজেব দিবাক্ সেবাবোত্যে মানুচ্‌ ইজেবে দঅ তারা তমারে দেগাশুনো গরন্। তারার্ বাধ্য ওইয়ো যেনে তারা তারার্ কামানি হুজি গুরিনে গুরি পারন, দুঘ্ পেইনে নয়। যুনি দুঘ্ পেইনে গরা পরে সালে সিয়েনত্যে তমার কনঅ লাভ্ ন-অবঅ।

ইব্রীয় 13:3

যিগুনে জেলোত্ আঘন্ তারা সমারে যেন তুমিয়ো বন্দী ওইয়ো, আর যিগুনে অত্যেচারিত্ অদন্ তারা সমারে যেন তুমিয়ো অত্যেচারিত অর্, এবাবোত্যে গুরি তারা কধানি ইদোত্ তুলো।