মথি লেখ্যে গম্ হবর্ 18:3 - Chakma Bible

³ মুই তমারে ঘেচ্চেক্‌গুরি কঙর্, যুনি তুমি মনানি ফিরেইনে চিগোন্ গুরোগুনো ধোক্ক্যেন্ ন-অ সালে কনবাবদে স্বর্গ-রেজ্যত্ সোমেই ন-পারিবা।

মথি লেখ্যে গম্ হবর্ 18:3 ပူးပေါင်းရင်းမြစ်များ

গীতসংহিতা 131:2

মুই মঅ মনানরে অলর্ গুরি রাগেয়োং; দুধ ইরিদিয়্যে চিগোন চিজিগুনে যেধোক্ক্যেন মাবো ইদু গেলে অলর্ গুরি থান, সেধোক্ক্যেনগুরি মইদু মঅ মনানেয়ো অলর্ গুরি আঘে।

যিশাইয় 6:10

সে পরেদি তে মরে আরঅ কলঅ, “তুই এ মানুচ্চুনোর্ মনানি বাজে বাবোত্যে গুরি দে, তারার্ কানানি নাঢি দে, আর তারার চোগ্‌‌‌‌‌কুনো নাঢি দে। সিয়েন ন-গুরিলে তারা চোগেদি দেগিবাক্, কানেদি শুনিবাক্, মনেদি বুঝিবাক্ আর পাপত্তুন্ মনানি ফিরেইনে গম্ অবাক্। ”

মথি লেখ্যে গম্ হবর্ 13:15

এই বেক্ মানুচ্চুনোর মনানি বাজে আর কানানি নাঢা যেইয়্যে, আর তারা তারার্ চোগ্‌কুন নাঢি রাগেয়োন, যেন তারা চোগেদি ন-দেগন্, কানদি ন-শুনোন্ আর মনানদি ন-বুঝোন্, আর গম্ অবাত্তে মইদু ফিরি ন-এজন্।

মথি লেখ্যে গম্ হবর্ 18:2

সেক্কে যীশু এক্কো চিগোন্ গুড়োরে ডাগিলো আর তারা মুজুঙোত্ থিয়্যেই রাগেল,

মথি লেখ্যে গম্ হবর্ 18:4

যে কনজনে এ চিগোন গুরোগুনো ধোক্ক্যেন্ নিজোরে চিগোন গরন্ তেয়ই স্বর্গ-রেজ্য ভিদিরে বেগত্তুন্ দাঙর্।

মথি লেখ্যে গম্ হবর্ 19:14

সেক্কে যীশু কলঅ, “চিগোন্ গুরোগুনোরে মইধু এবাত্তে দুয়ো, মানা ন-গোজ্য; কিয়া স্বর্গ-রেজ্যগান্ ইগুনো ধোক্ক্যেন্ মানুচ্চুনোত্যে।”

মথি লেখ্যে গম্ হবর্ 19:23

সেক্কে যীশু তা শিচ্চ্যগুনোরে কলঅ, “মুই তমারে ঘেচ্চেকগুরি কঙর্, থাগোইয়্যে মান্‌জ্যর্ পক্ষে স্বর্গ-রেজ্যত্ সমানা আঘাত্যে অবঅ।

মথি লেখ্যে গম্ হবর্ 5:18

মুই তমারে ঘেচ্চেক্‌‌গুরি কঙর্, আগাজ্ আর পিত্‌থিমীগান্ শেজ্ ন-অনা সং, যেদক্ বিলোন্ সং রীদি-সুদোমর্ বেক্ কধানি ন-ফলে সেদক্ বিলোন সং সেই রীদি-সুদোমর্ এক ফুদো কি এক্কেনায়ো বাদ্ ন-যেবঅ।

মথি লেখ্যে গম্ হবর্ 5:20

মুই তমারে কঙর্, ধর্ম-মাষ্টর আর ফরীশীগুনোর ধার্মিকতাগানত্তুন্ তমার যুনি বেশ্ কিজু ন-থায় সালে তুমি কনবাবদে স্বর্গ-রেজ্যত্ সোমেই ন-পারিবা।

মথি লেখ্যে গম্ হবর্ 6:16

তুমি যেক্কে উবোস্ থাগঅ সেক্কে ফক্করুনো ধোক্ক্যেন্ মুয়োন্ কালা গুরি ন-রাগেয়ো। তারা যে উবোস্ থাদন্ সিয়েন মান্‌জ্যরে দেগেবাত্তে তারা মাঢাবোত্ আর মুয়োনত্ ছেই গুলিনে বেড়ান্। মুই তমারে ঘেচ্চেকগুরি কঙর্, তারা তারার্ বক্‌শিজ্‌চানি পেইয়োন।

মথি লেখ্যে গম্ হবর্ 6:2

ইয়েনত্তে যেক্কে তুই নাঢা মানুচ্চুনোরে কিজু দুয়োচ্ সেক্কে ভন্ডগুনো ধোক্ক্যেন্ ন-গুরিচ্। তারা দঅ মান্‌জ্যর্ বাঈনী পেবাত্তে সমাজ-ঘরত্ আর পধে পধে ঢাক্-ঢুল্ বাজেইনে ভিক্ষ্যে দুয়োন্। মুই তমারে ঘেচ্চেকগুরি কঙর্, তারা তারার্ বক্‌শিজ্ পেইয়োন।

মথি লেখ্যে গম্ হবর্ 6:5

তুমি যেক্কে তবনা গরঅ সেক্কে ভন্ডগুনো ধোক্ক্যেন্ ন-গোজ্য, কিয়া তারা মান্‌জ্য ইধু নিজোরে দেগেবাত্তে সমাজ-ঘরত্ আর পদ মুয়োত্ থিয়্যেইনে তবনা গত্তে গম্ পান্। মুই তমারে ঘেচ্চেকগুরি কঙর্, তারা তারার্ বক্‌শিজ্ পেইয়োন।

মার্ক 4:12

যেন তারা রিনি চান্ আর রিনি চান, যেদক্কন সং ন-দেগন; তারা শুনোদে থাদোক্ আর শুনোদোক্, যেদ্ক্কন ন-বুঝোন। সিয়েন ন-অলে তারা অয়ত গোজেন ইন্দি ফিরিবাক্ আর খেমা পেবাক্। ”

লূকে লেখ্যে গম্ হবর্ 13:24

চিগোন্ দুয়োরদি সুমিবাত্যে জদবদে চেষ্টা গরঅ। মুই তমারে কঙর্, ভালোক্‌জনে সুমিবাত্যে চেষ্টা গুরিবাক্ মাত্তর্ ন-পারিবাক্।

লূকে লেখ্যে গম্ হবর্ 22:32

মাত্তর্ মুই তত্যে তবনা গোজ্যং যেন তঅ বিশ্বেজত্ ভাঙন্ ন-ধরে। তুই যেক্কে মইধু ফিরি এবে সেক্কে তর্ এই ভেইয়ুনোরে খেমতাবলা গুরি তুল্।”

যোহন 1:51

পরেদি যীশু কলঅ, “মুই তমারে ঘেচ্চ্যেক্‌গুরি কঙর্, তুমি স্বর্গগান্ খুলো দেগিবা, আর দেগিবা গোজেনর্ দূত্তুনে মান্‌জ্য পুয়োবোর্ কায় কুরেত্তুন্ উদোদন্ আর তা কায়কুরে লামদন্।”

যোহন 3:3

যীশু নীকদীমরে কলঅ, “মুই তমারে ঘেচ্চেক্‌গুরি কঙর্, নুয়ো গুরিনে জর্ম ন-অলে কেঅ গোজেন রেজ্যগান চেই ন-পায়।”

যোহন 3:5

জোবত্ যীশু কলঅ, “মুই তরে ঘেচ্চেক্‌গুরি কঙর্, পানি আর পবিত্র আত্মাত্তুন্ জর্ম ন-অলে কনজনে গোজেন রেজ্যত্ সোমেই ন-পারে।

প্রেরিত্‌ 28:27

এ বাবোত্যে মানুচ্চুনোর্ মনানি বাজে আর কানানি নাঢা যেইয়্যে, আর তারা তারার্ চোগ্‌‌কুন্অ নাঢি রাগেয়োন, যেন তারা চোগেদি ন-দেগন্, কানেদি ন-শুনোন্ আর মনানদি ন-বুঝোন্, আহ্ গম্ অবাত্তে মইধু ফিরি ন-এজন।

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

১ করিন্হীয় 14:20

ভেইলগ্, চিগোন গুরো ধোক্ক্যেন আর চিন্তে ন-গোজ্জ্য। ভান্ন্যেয় পৌইদ্যেনে তমা মনানি চিগোন গুরো ধোক্ক্যেন সরল ওক্, মাত্তর্ চিন্তেলোই তুমি বুড়ো মান্‌জ্য ধোক্ক্যেন্ অ।

১ পিতর 2:2

এই ইক্কিনে জোর্মেয়্যেদে চিগোন্ গুরো ধোক্ক্যেন তমার্ আধ্যাত্মিকভাবে বাড়িবাত্যে খাটি দুধ পেবাত্যে তুমি ভারী আওজি অ, যেন সিয়েন্দোই বাড়দে বাড়দে তুমি পুরোপুরি উদ্ধোরর্ ইন্দি উজেই যেই পারঅ।

২ পিতর 1:11

ইয়েন্দোই আমা প্রভু আর উদ্দোর্ গুরিয়্যে যীশু খ্রীষ্টর্ উমরর্ রেজ্যগান আওজ্ গুরিনে মানি ল-পরিবো।