মথি লেখ্যে গম্ হবর্ 18:16 - Chakma Bible

¹⁶ মাত্তর্ যুনি তে ন-শুনে সালে অন্য দ্বিএকজনরে তমা লগে নেযেয়ো, যেন দুই বা তিনজন সাক্ষীর্ কধালোই এ বেপারানি সত্য বিলিনে প্রমান্ অয়।

মথি লেখ্যে গম্ হবর্ 18:16 ပူးပေါင်းရင်းမြစ်များ

১ রাজাবলী 21:13

সে পরেন্দি দ্বিজন বজং মানুচ্‌ এইনে নাবোতর্‌ মুজুঙোত্‌ বজিনে মানুচ্চুনোর্‌ ইদু তা বিরুদ্ধে এ সাক্ষীগান্‌ দিলাক্‌, তে গোজেন্‌ আর রাজার বিরুদ্ধে অগমানর্‌ কধা কোইয়্যে। সে পরেন্দি মানুচ্চুনে তারে শঅরর্‌ বারেন্দি নেযেইনে পাত্তর্‌ মেলাহ্ মারিনে মারে ফেলেলাক্‌।

গণাণা 35:30

“সাক্ষীর কধা উগুরে নির্ভর গুরিনে খুনিবোরে মারে ফেলেই পারিবো। মাত্তর্‌ বানা এক্কো সাক্ষীর কধা উগুরে নির্ভর গুরিনে কনজনরে মারেই ফেলেই ন-পারিবো।

যোহন 8:17

তমা আইন-কানুনোত্ লেগা আঘে, দ্বিজনে যুনি একই সাক্ষ্য দুয়োন্ সালে সিয়েন্ সত্য।

২ করিন্হীয় 13:1

মুই এই তিন বার্ তমা ইধু এজঙর্‌। পবিত্র বোইবোত্ লেগা আঘে, “দুই বা তিনজন সাক্ষীর্ কধালোই এই বেক্ বেপারানি সত্য বিলিনে প্রমাণ অয়।”

দ্বি’লম্বর বিররণ 17:6

কনঅ মান্‌জ্যরে মারে ফেলাদে দ্বিজন বা তিনজন সাক্ষীর কধা উগুরে নির্ভর গুরিনে সিয়েনি গরা পুরিবো; বানা একজন সাক্ষীর কধা উগুরে নির্ভর গুরিনে সিয়েনি গুরি ন-পারিবো।

দ্বি’লম্বর বিররণ 19:15

যুনি কারঅ বিরুদ্ধে দুষ বা অন্যায় গরানার আবিত্তি আনা হয়, সালে বানা এক্কো সাক্ষী থিয়্যেলে ন চলিবো; দুই বা তিনজন সাক্ষীর কধা বাদে কনঅ বিষয় সত্য বিলিনে প্রমাণ ওই ন পারিবো।

১ তীমথিয় 5:19

দুই বা তিনজন সাক্ষীর্ সাক্ষ্য বাদে মন্ডলীর কনঅ আজল্ নেতার বিরুদ্ধে কনঅ দুষোর্ কধালোই কান ন-দুয়ো।

ইব্রীয় 10:28

কেঅ মোশির রীদি-সুদোমানি অস্বিগের্ গুরিলে কনঅ মেয়্যে ন-পেইনে দ্বিজন বা তিনজন সাক্ষীর সাক্ষ্যর্ কারনে তাত্তুন্ মরা পরে।

ফগদাং পেইয়্যে 11:3

মাত্তর্ মুই মর্ দ্বিজন সাক্ষীরে এন্‌ খেমতা দিম যে কারনে তারা বস্তা পিনিনে এক আজার দ্বিশ ষায়েট দিন সং ভাববাদী ইজেবে কধা কবাক্।”