মথি লেখ্যে গম্ হবর্ 18:15 - Chakma Bible

¹⁵ তঅ ভেইবো যুনি তঅ বিরুদ্ধে অন্যেয় গরে সালে তাইধু যেইনে যেক্কে আর্ কনজন ন-থেবাক্ সেক্কে তা দুষ্‌চান দেগেই দে। যুনি তে তঅ কধানি শুনে সালে তুই দঅ তঅ ভেইবোরে ফিরি পেলে।

মথি লেখ্যে গম্ হবর্ 18:15 ပူးပေါင်းရင်းမြစ်များ

লেবীয় 19:17

অন্য উগুরে মন ভিদিরে ঘিনাইদে মনোভাব রাগানা ন-চলিবো। অন্য মান্‌জ্যর্‌ দুষ্‌চান্‌ হামাক্কায়্‌ দেগেই দিয়া পড়িবো যেনে তার্‌ কারনে তুমি নিজে দুষি ন-অ।

কলসীয় 3:13

একজন আরেক জনরে সোজ্জ্য গরঅ আর যুনি কারঅ বিরুদ্ধে তমার কনঅ দুচ্‌ দিবার থায় সালে তারে ক্ষেমা গরঅ। প্রভু যেধোক্ক্যেন গুরি তমারে ক্ষেমা গোজ্জ্যে সেধোক্ক্যেন গুরি তুমিয়ো একজন আরেকজনরে খেমা গরানা উচিত।

গালাতীয় 6:1

ভেইলগ্, তমাত্তুন্ যুনি কেঅ অঢাদত্ কনঅ পাপত্ পড়ে, সালে তুমি যিগুনে পবিত্র আত্মার্ অধীনোত্ আঢাউদো গরর্ তুমি তারে তুলি আন্ন্য। মাত্তর্ ভারী নরম মনভাব্‌পোই তুমি এ কামান্ গোজ্জ্য আর নিজো পৌইদ্যেনে উজিয়ার্ থেয়ো, যেন তুমিয়ো পাপত্ ন-পড়।

২ থিষলনীকীয় 3:15

মাত্তর্ তারে শত্রু বিলিনেয়ো মনে ন-গোজ্জ্য, বরং ভেই ইজেবে তারে উজিয়ার্ গরঅ।

মথি লেখ্যে গম্ হবর্ 18:35

“ঠিগ্ সেবাবোত্যেগুরি, তুমি পত্তিজনে যুনি তমা ভেইয়ুনোরে মনেদি খেমা ন-গরঅ সালে মর্ স্বর্গর্ বাপ্পোয়ো তমা উগুরে এবাবোত্যে গুরিবো।”

গীতসংহিতা 141:5

এক্কো গোজেনভক্ত মান্‌জ্যে মরে আঘাত্ গোরোক্, সিয়েন অবঅ বিশ্বেজর্ কাম। তে মরে গেইল্ দোক্, সিয়েন অবঅ মঅ মাঢাত্ তেল দেদে ধোক্ক্যেন্; মঅ মাঢাবো সিয়েনরে এলাফেলা ন-গোরোক্। তো মর্ তবনাগানি নিত্য অন্যেইগুরিয়্যেগুনো কামানির বিরুদ্ধে থেবঅ।

রোমীয় 12:21

ভান্ন্যেয় ইধু উদিই ন-যেচ্, বরং গমান্দোই ভান্ন্যেয়ানরে জিদি লবে।

১ পিতর 3:1

সেবাবোত্যে তুমি যিগুনে মোক্, তুমি পত্তিজনে নেগর্ অধীনতা মানি লঅ, যেন তারা ভিদিরে কেঅ কেঅ গোজেনর্ কধানি বিশ্বেজ্ ন-গুরিলেয়ো তমা চালচলন্ খ্রীষ্ট ইন্দি তারারে টানে। ইয়েনত্ তমার এক্কান কধায়ো কুয়ো ন-পড়িবো,

১ করিন্হীয় 8:12

এবাবোত্যেগুরি তুমি তমা ভেইয়ুনো বিরুদ্ধে পাপ গুরিনে যেক্কে তারার নরম বিবেগত্ আঘাত দুয়ো সেক্কে তুমি আজলে খ্রীষ্টর্ বিরুদ্ধে পাপ গরঅ।

গম্ উপদেজ্ 11:30

গোজেন ভক্ত মানুচ্ অন্যগুনো ইদু জিংকানি গাজ ধোক্ক্যেন্; যে অন্যগুনোর মনানি জিদি লয় তে জ্ঞানি।

২ করিন্হীয় 7:12

মুই সেই চিধিয়ান লেক্ক্যং সত্য, মাত্তর্ যে অন্যেয় গোজ্জ্যে বা যিবে উগুরে অন্যেয় গরা ওইয়্যে তাত্যে ন-লেগং, বরং লেক্ক্যংগে যেন গোজেন মুজুঙোত্ তমা ইধু ফগদাং অয় যে, তুমি ঘেচ্চ্যেকগুরি আমারে কোচ্‌পঅ।

১ থিষলনীকীয় 4:6

এ পৌইদ্যেনে অন্যেয় গুরিনে কেঅ যেন কনঅ ভেইয়োরে ন-থগান্। আমি আগে তমারে কোইয়্যেই আর উজিয়ার্ গুরি দিয়্যেই, এ বেক্‌ অন্যেয়ানিত্যে প্রভুই সাজা দিবো,

মথি লেখ্যে গম্ হবর্ 18:14

ঠিগ্ সেবাবোত্যেগুরি, তমা স্বর্গর্ বাপ্পোর্ আওজ্ নয় যে, এ চিগোন্ গুরোগুনো ভিদিরে একজন্অ বর্‌বাত্ যায়।

মথি লেখ্যে গম্ হবর্ 18:21

সেক্কে পিতরে এইনে যীশুরে কলঅ, “প্রভু, মঅ ভেইবো মঅ বিরুদ্ধে অন্যেয় গুরিলে মুই কয়বার্ তারে খেমা গুরিম? সাত বার্ নাকি?”

তীত 3:10

যে মানুচ্‌ ভুল্ শিক্ষ্যে দিইনে দলাদলির্ সৃট্টি গরে তারে পত্তমে একবার, যেরেদি আর একবার উজিয়ার্ গুরিচ্। ইয়েন্দোই কাম ন-অলে তা সমারে মিলেনা এক্কুবারে বন্ধ গুরি দে।