মথি লেখ্যে গম্ হবর্ 18:12 - Chakma Bible

¹² ধোজ্য, এক্কো মান্‌জ্যর্ একশত্তো ভেড়া আঘন্। সিগুনো ভিদিরেত্তুন্ যুনি এক্কো ভুল্ পধেদি যায় সালে তে কি নিরেনব্বইবো মুড়ো কাজাত্ থোইনে সে ভেড়াবো তোগেবাত্তে ন-যায়?

মথি লেখ্যে গম্ হবর্ 18:12 ပူးပေါင်းရင်းမြစ်များ

১ রাজাবলী 21:17

সেক্কে তিশ্‌বীয় এলিয়োর্‌ ইদু লগেপ্রভুর এ কধাগান্‌ ফগদাং অলঅ,

গীতসংহিতা 119:176

আরি যেইয়্যে ভেড়া ধোক্ক্যেন্ মুই বজং পধেন্দি যেয়োং; তঅ চাগর্‌বোরে তুই তোগেই লঅ, কিত্তে তঅ উগুমানি মুই ভুলি ন-যাং।

যিশাইয় 53:6

আমি বেক্কুনে ভেড়া ধোক্ক্যেন গুরি ভান্ন্যেই পধেদি যেইয়্যেই; আমি বেক্কুনে যার্ যার্ পধেদি ফিজ্যেই। লগেপ্রভু আমার বেক্কুনোর অন্যেয়ানি তা উগুরে চাপি দিয়্যে।

যিরমিয় 50:6

মঅ মানুচ্চুন আড়েয়্যে ভেড়া ধোক্ক্যেন্ ওইয়োন; তারার গরগ্‌‌কো তারারে ভান্ন্যেই পধেদি নেযেয়্যে। সে গরগ্‌‌কুনোর কারনে তারা মুড়ো-মুড়ি ঘুরি বেড়েয়োন আর নিজো জিরেবার জাগান কধা ভুলি যেইয়োন।

যিহিষ্কেল 34:12

গরগে যেবাবোত্যেগুরি তার ছিদি পোজ্যে পালরে তগায় সেবাবোত্যেগুরি মুই মর্ ভেড়াগুনোরে তোগেম্। মেঘ আর আন্ধার দিনোত্ তারা যেদক্কানি জাগাত্ ছিদি পোজ্যন্ মুই সিয়েনিত্তুন্ তারারে উদ্ধোর্ গুরিম।

যিহিষ্কেল 34:16

যিগুনে আজি যেইয়োন্ মুই তারারে তোগেম্ আর যিগুনে ভান্ন্যেই পধেদি যেইয়োন তারারে ফিরেই আনিম। মুই আহতগুনোরে ঘা-গানি বানি দিম্ আর বল্‌‌পোজ্যেগুনোরে সবল্ গুরিম্, মাত্তর্ পক্তামক্তা আর বোলিবন্দগুনোরে মুই ভস্ত গুরিম, কিত্যে মুই ন্যায়বিচেরর্ মাধ্যমে মর্ পালুনোরে দেগাশুনো গুরিম।

যিহিষ্কেল 34:28

তারা আর জাদ্‌‌‌‌তুনোর্ লুদেয়্যে জিনিসপাদি ন-অবাক্ বা ঝার য়েমানুনেয়ো তারারে ন-হেবাক্। তারা গমেডালে বজত্তি গুরিবাক্ আর কনজনে তারারে দর্‌‌‌‌বুক ন-লাগেবাক্।

যিহিষ্কেল 34:4

তুমি বল্‌‌‌‌‌‌‌‌পোজ্যেগুনোরে সবল ন-গরঅ, অসুখ্যেগুনোরে গম্ ন-গরঅ, আহতগুনোরে ঘা-গানি বানি ন-দুয়ো। যিগুনে ভান্ন্যেই পধেদি যেইয়োন তারারে তুমি ফিরেই ন-আন বা আজি যেইয়্যে মানুচ্চুনোরে ন-তগঅ, বরং কড়া আর চিৎনপুজ্যেগুরি তারারে শাজন্ গোজ্য।

যিহিষ্কেল 34:6

মর্ ভেড়াগুন বেক মুড়ো-মুড়িগুনোত্ ঘুরি বেড়াদন্। তারা পুরো পিথ্‌তিমীগানত্ ছিদি পোজ্যন; কনজনে তারারে ন-তগান্।

মথি লেখ্যে গম্ হবর্ 12:11

যীশু জোব্ দিলো, “ধোজ্য, তমার কারর্ এক্কো ভেড়া আঘে আর সে ভেড়াবো যুনি জিরেবার্ দিনোত্ গাঢত্ পড়ে সালে কি তুমি তারে ধুরিনে ন-তুলিবা?

মথি লেখ্যে গম্ হবর্ 18:13

মুই তমারে ঘেচ্চ্যেকগুরি কঙর্, যুনি তে সিবে পায় সালে যে নিরেনব্বইবো ভুল্ পধেদি ন-যান্, তারাত্তুন্ যিবে ভুল্ পধেদি যেইয়্যে সিবেত্তে তে আরঅ বেশ্ হুজি অয়।

মথি লেখ্যে গম্ হবর্ 21:28

সে পরেদি যীশু কলঅ, “আচ্ছা, তুমি কি মনে গরঅ? ধোজ্জ্য, এক্কো মান্‌জ্যর্ দ্বিবে পুয়ো এলঅ। মানুচ্চো তার্ দাঙর্ পুয়োবো ইধু যেইনে কলঅ, ‘এইচ্চ্যে তুই আংগুর খেদত্ যেইনে কাম্ গর্।’

মথি লেখ্যে গম্ হবর্ 22:42

“তুমি মশীহ পৌইদ্যেনে কি মনে গরঅ? তে কাহ্ বংশধর্?” তারা কলাক্, “তে দায়ূদ বংশধর্।”

১ করিন্হীয় 10:15

তমারে বুদ্ধিবলা কোই পারিনে মুই এ বেক্ কধানি কঙর্। মুই যিয়েনি কং সিয়েনি তুমি নিজেই বিচের্ গুরি চঅ।

১ পিতর 2:25

ভুল পধত্ যেইয়্যে ভেড়া ধোক্ক্যেন তুমিয়ো ভুল পধেদি যর্, মাত্তর্ যে পালক তমা মন ভিদিরে দেগাশুনো গরে তুমি তা ইধু ফিরি এচ্চ্য।