মথি লেখ্যে গম্ হবর্ 17:4 - Chakma Bible

⁴ সেক্কে পিতর যীশুরে কলঅ, “প্রভু, গম্ ওইয়্যে দঅ, আমি ইয়োত্ আগিই। তুই যুনি চাজ্ সালে মুই ইয়েনত্ তিনেন্ তাম্বুল ঘর বানেম্, এক্কান তর্, এক্কান মোশির আর এক্কান এলিয়ত্তে।”

মথি লেখ্যে গম্ হবর্ 17:4 ပူးပေါင်းရင်းမြစ်များ

গীতসংহিতা 16:11

জিংকানির পথ্‌তান্ তুই মরে জানেয়োচ্; তইদু থানা মানে পুরোপুরি হুজিয়ে থানা আর তর্ ডেনেদি রোইয়্যেদে উমরর্ সুখ।

গীতসংহিতা 4:6

ভালোক্জনে কন্, “কন্না আমারে ভালেদি গুরি পারে?” ও লগেপ্রভু, তর্ দোয়্যের্ চোগেদি রিনি চানাগান পহ্‌র ধোক্ক্যেন্ গুরি আমা উগুরে পোড়োক্।

যিশাইয় 33:17

তঅ চোগ্‌কুনে রাজারে তার সয়সাগর ভিদিরে দেগিবাক্, আর দেগিবাক্ এমন্ এক্কান দেজ্ যিয়েনর দুযি বোউত্ দাঙর্।‌‌‌

সখরিয় 9:17

তারার্ চেঙারাগান কত্তমান গম্ অবঅ, কত্তমান দোল্ অবঅ! শোজ্য হেইনে গাবুজ্যেগুনে আর নুয়ো আংগুর-রস হেইনে গাবুজ্যে মিলেগুনে তাজা ওই উদিবাক্।

লূকে লেখ্যে গম্ হবর্ 9:33

সেই দ্বিজনে যেক্কে যীশু কায়কুরেত্তুন্ যাদন্ সেক্কে পিতর যীশুরে কলঅ, “প্রভু, গম্ ওইয়্যে, আমি ইয়েনত্ আগিই। আমি ইয়েনত্ তিনেন্ তাম্বুল-ঘর্ বানেই-এক্কান্ তর্, এক্কান্ মোশির আর এক্কান্ এলিয়ত্তে।” তে আজলে নয়ো বুঝে তে কি কোইয়্যে।

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।

যোহন 7:2

সেক্কে যিহূদীগুনোর্ তাম্বুল-ঘর পরবর্ অক্‌ত প্রায় ওইয়েগি।

ফিলিপীয় 1:23

দ্বিয়োকিত্ত্যেদি মরে টানদন্। মুই মুরি যেইনে খ্রীষ্ট সমারে থেবাত্যে চাং, কিয়া সিয়েন বোউত্ গম।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।

ফগদাং পেইয়্যে 21:23

সেই শঅরানরে পহ্‌র দিবাত্যে বেলান্ বা চানানর্ কনঅ দরকার নেই, কিয়া গোজেনর্ মহিমাই সিয়েনত্ পহ্‌র দে আর ভেড়া-ছবো সিয়েনত্ চেরাগ;