মথি লেখ্যে গম্ হবর্ 17:12 - Chakma Bible

¹² মাত্তর্ মুই তমারে কঙর্, এলিয় লুম্মেগি আর মান্‌জ্যে তারে চিনি ন-পারন্। মানুচ্চুনে তা উগুরে যিয়েন আওজ্ সিয়েনই বেবহার গোজ্যন্। এবাবোত্যেগুরি মান্‌জ্য পুয়োবোরেয়ো মানুচ্চুনো আঢত্ দুঘ্ ভুগো পড়িবো।”

মথি লেখ্যে গম্ হবর্ 17:12 ပူးပေါင်းရင်းမြစ်များ

মথি লেখ্যে গম্ হবর্ 11:2

বাপ্তিষ্মদিয়্যে যোহনে জেলোত্ থেইনে যেক্কে যীশু খ্রীষ্টর কামর্ কধা শুনিলো সেক্কে তা শিচ্চ্যগুনোরে দিইনে যীশুরে পুজোর্ গুরিবাত্তে পাধেল,

মথি লেখ্যে গম্ হবর্ 16:21

সে অক্তত্তুন্ ধুরি যীশু তা শিচ্চ্যগুনোরে গমেডালে কুয়ো ধুরিলো, মত্তুন্ হামাক্কায় যিরূশালেমত্ যাহ্ পড়িবো আর বুড়ো নেতাগুনো ইধু, আজল্ ধর্মগুরুগুনো ইধু আর ধর্ম-মাষ্টরুনোত্তুন্ বোউত্ দুঘ্ পাহ্ পড়িবো। মত্তুন্ মরা পড়িবো আর তিন দিনোত্ মরণত্তুন্ জেঈ উদো পড়িবো।

মথি লেখ্যে গম্ হবর্ 17:11

যীশু তারারে জোব্ দিলো, “ঘেচ্চেকগুরি এলিয় পত্তমে এবঅ আর বেক্কানি আগঅ অবস্থায় ফিরেই আনিবো।

মথি লেখ্যে গম্ হবর্ 17:13

সেক্কে শিচ্চ্যগুনে বুঝি পারিলাক্ যে, তে তারা ইধু বাপ্তিস্মদিয়্যে যোহন পৌইদ্যেনে কর্।

মথি লেখ্যে গম্ হবর্ 17:22

যেক্কে গালীলোত্ বেক শিচ্চ্যগুনে এগত্তর্ ওইয়োন, যীশু তারারে কলঅ, “মান্‌জ্য পুয়োবোরে মান্‌জ্য আঢত্ ধুরি দিয়্যে অবঅ।

মথি লেখ্যে গম্ হবর্ 17:9

যেক্কে তারা সেই মুড়োবোত্তুন্ লামি এত্তন্ সেক্কে যীশু তারারে এ উগুমান দিলো, “তুমি যিয়েন্ দেগিলে, মান্‌জ্যপুয়োবো মরণত্তুন্ জেঈ ন-উদোনা সং সিয়েন কাররে ন-কোইয়ো।”

মথি লেখ্যে গম্ হবর্ 21:32

কিয়া যোহনে গোজেনর্ আওজ্ মজিম আঢিবার্ পথ্‌তান দেগেবাত্তে তমা ইধু এইচ্চ্যে, আর তুমি তারে বিশ্বেজ্ ন-গরঅ। মাত্তর্ খাজানা-তুলিয়্যেগুনে আর বেশ্যেগুনে তারে বিশ্বেজ্ গোজ্যন্। ইয়েন্ দেগিনেয়ো তুমি মনানি ফিরেইনে তারে বিশ্বেজ্ ন-গরঅ।

মথি লেখ্যে গম্ হবর্ 8:20

যীশু তারে কলঅ, “শিয়েলর্ গাঢ্ আঘে আর পেগোর্ পেগোবা আঘে, মাত্তর্ মান্‌জ্য পুয়োবোর্ মাঢা থবার্ জাগা কনমিক্ক্যে নেই।”

লূকে লেখ্যে গম্ হবর্ 7:33

বাপ্তিস্মদিয়্যে যোহনে এইনে রুটি বা আংগুর-রস ন-হেলঅ বিলি তুমি কত্তে, তারে অসিজি আত্মায় পেইয়্যে।

যোহন 1:11

তে নিজো দেজত্ এলঅ, মাত্তর্ তা নিজো মানুচ্চুনে তারে মানি ন-ললাক্।

প্রেরিত্‌ 2:23

গোজেন, যিবে আগে-বাগে বেক্কানি কোই পারে, যীশুরে তমা আঢত্ দিয়্যে অবঅ। আর তুমিয়ো দঅ পাজি মানুচ্চুনোরে দিইনে তারে ক্রুশোত্ দিইনে মারে ফেলেয়ো।

প্রেরিত্‌ 4:10

সালে তুমি আর বেক্‌ ইস্রায়েলীগুন এ কধাগান ইদোত্ রাগঅ, নাসরতর সেই যীশু খ্রীষ্ট, যিবেরে তুমি ক্রুশোত্ দুয়ো আর যিবেরে গোজেনে মরণত্তুন্ জেদা গুরি তুল্ল্যে, তা বল্লোই এ মানুচ্চো পুরোপুরি গম্ ওইনে তমা মুজুঙোত্ থিয়্যেই আঘে।

প্রেরিত্‌ 7:52

এমন্‌ কনঅ ভাববাদী আঘে কি, যিবেরে তমা পূরোণি মানুচ্চুনে অত্যেচার্ ন-গরন্? এমন্‌ কি, যিগুনে সেই গম্ মান্‌‌জ্যর্, অত্তাৎ খ্রীষ্ট এবার্ কধাগান আগে কোইয়োন তারারেয়ো তারা মারে ফেল্ল্যন্। আর ইক্কিনে তুমি যীশুরে শত্রুগুনো আঢত্ ধুরি দিইনে তারে খুন্ গোরেইয়ো।