মথি লেখ্যে গম্ হবর্ 16:4 - Chakma Bible

⁴ এ কালর্ পাজি আর অবিশ্বেজি মানুচ্চুনে চিহ্নো তগান্, মাত্তর্ যোনার চিহ্নো বাদে আর কনঅ চিহ্নো তারারে দেগা ন-অবঅ।” ইয়েনর্ পরেদি যীশু তারারে ফেলেই গেলঅ।

মথি লেখ্যে গম্ হবর্ 16:4 ပူးပေါင်းရင်းမြစ်များ

পত্থম 6:3

এ অবস্থা দেগিনে লগেপ্রভু কলঅ, “মর্ আত্মাগানে জনম্‌ ভুরি মানুচ্চুনো ইধু ন-থেবঅ, কিত্তে মানুচ্‌ মরনর্‌ অধীন। মুই তারারে একশঅ কুড়ি বজর সময় দোঙর্।”

যিশাইয় 57:3

লগেপ্রভু কত্তে, ও যাদুগুরিয়্যে মিলেবোর পুয়োগুন্, সিনেলী আর বেশ্যে মিলেবোর পুয়োগুন্, তুমি ইদু এজঅ।

হোশেয় 4:17

ইফ্রয়িমে মূত্তিগুনো লগে মিজেয়্যেগোই; তারে সিয়েনই গুরিবাত্তে দুয়ো।

হোশেয় 9:12

যুনি বা কনজনে পুয়ো-ছা পালান্ তো সেই পুয়ো-ছাগুনোরে মুই মারে ফেলেম; তারার্ একজনঅ ন-থেবাক্। অভিশাব্ পোড়োক্ তারার্, যেক্কেনে মুই তারাত্তুন্ যেম্বোই।

যোনা 1:1

লগেপ্রভুর এ কধাগান অমিত্তয়র পুয়ো যোনা ইধু ফগদাং অলঅ, “তুই সে দাঙর্ শঅর্ নীনবীত্ যেইনে তা বিরুদ্ধে ফগদাং গর্, কিত্যেই তা মানুচ্চুনোর ভান্ন্যেয়ানি মুই দেখ্যং।”

যোনা 1:17

ইন্দি যোনারে গিলি ফেলেবাত্তে লগেপ্রভু এক্কো দাঙর্ মাছ ঠিগ্ গুরি রাগেয়্যে। যোনা সেই মাছ পেদত্ তিন দিন তিন রেত্ রলঅ।

মথি লেখ্যে গম্ হবর্ 15:14

তারাত্যে চিদে ন-গোজ্জ্য! তারা দঅ কান্ মানুচ্চুনোর কানা নেতা; কান্ মান্‌জ্যে কানরে পথ্ দেগেবাত্তে গেলে দ্বি'জনে গাঢত্ পড়ন্।”

মথি লেখ্যে গম্ হবর্ 16:5

সাগর উইপারত্ যেবার সময় শিচ্চ্যগুনে রুটি নেযেবাত্তে ভুলি যেইয়োন্।

মার্ক 8:12

সেক্কে যীশু ভঅ নিজেস্ ফেলেইনে কলঅ, “এই কালর্ মানুচ্চুনে কিত্যে আমক্ অবার চিহ্নো তগান্? না, মুই তমারে কঙর্, কনঅ প্রমাণ ইগুনোরে দেগা ন-অবঅ।”

মার্ক 8:38

এই কালর্ অবিশ্বেজি আর পাপী মানুচ্চুনো ভিদিরে যুনি কেঅ মরে নিইনে আর মঅ কধানিলোই লাজান্, সালে মান্‌‌জ্য পুয়োবো যেক্কে পবিত্র দূত্‌‌তুনো সমারে গুরি তা বাব মহিমালোই এবঅ, সেক্কে তেয়ো সেই মানুচ্চুনো পৌইদ্যেনে লাজেব।”

প্রেরিত্‌ 18:6

মাত্তর্ যিহূদীগুনে যেক্কে পৌল বিরুদ্ধে কধা কোইনে তারে অগমান্ গরা ধুরিলাক্ সেক্কে পৌলে তারা বিরুদ্ধে তা কাবড়-চুগোড়ানি ঝাড়ি ফেলেল আর কলঅ, “তমা লো-গানির্ দায় তমা নিজো মাধা উগুরে থোক্। এ পৌইদ্যেনে মর্ কনঅ দুষ্ নেই। ইক্কেত্তুন্ ধুরি মুই অযিহূদীগুনো ইধু যেম্।”

প্রেরিত্‌ 2:40

ইয়েন বাদে আরঅ ভালোক্কানি কধা কোইনে পিতরে সাক্ষি দিয়্যে ধোল্ল্য। তে তারারে ইয়েন কোইনে বুঝেবার চেষ্টা গল্ল, “এ যুগোর বিবেক্ নেইয়্যে মানুচ্চুনোত্তুন্ নিজোরে রোক্ষ্যে গরঅ।”