মথি লেখ্যে গম্ হবর্ 16:21 - Chakma Bible

²¹ সে অক্তত্তুন্ ধুরি যীশু তা শিচ্চ্যগুনোরে গমেডালে কুয়ো ধুরিলো, মত্তুন্ হামাক্কায় যিরূশালেমত্ যাহ্ পড়িবো আর বুড়ো নেতাগুনো ইধু, আজল্ ধর্মগুরুগুনো ইধু আর ধর্ম-মাষ্টরুনোত্তুন্ বোউত্ দুঘ্ পাহ্ পড়িবো। মত্তুন্ মরা পড়িবো আর তিন দিনোত্ মরণত্তুন্ জেঈ উদো পড়িবো।

মথি লেখ্যে গম্ হবর্ 16:21 ပူးပေါင်းရင်းမြစ်များ

নহিমিয় 12:7

সল্লু, আমোক, হিল্কিয় আর যিদয়িয়। যেশূয়োর সময়োত্‌ ইগুনে এলাক্‌ ধর্মগুরুগুনোর আর তারার্‌ বংশর মানুচ্চুনো ভিদিরে আজল্‌।

মথি লেখ্যে গম্ হবর্ 12:40

যোনা যেবাবোত্যেগুরি সেই মাছ পেদত্ তিন দিন আর তিন রেত্ এলঅ মান্‌‌জ্য পুয়োবোয়ো সেবাবোত্যেগুরি তিন দিন আর তিন রেত্ মাদিত্ তলে থেবঅ।

মথি লেখ্যে গম্ হবর্ 16:22

সেক্কে পিতরে তারে এককিত্তেদি নেযেইনে আবিত্তি গুরিনে কলঅ, “প্রভু, ইয়েন্ দূর ওক্। তঅ উগুরে কনদিন্অ এবাবোত্যে ন-অবঅ।”

মথি লেখ্যে গম্ হবর্ 16:28

মুই তমারে ঘেচ্চেকগুরি কঙর্, ইয়োত্ এমন কয়েকজন আগন্ যিগুনো ইধু মান্‌জ্য পুয়োবোরে রাজা ইজেবে রাজাগিরি গরানা ন-দেগানা সং তারা কনমতে মুরি ন-যেবাক্।”

মথি লেখ্যে গম্ হবর্ 17:12

মাত্তর্ মুই তমারে কঙর্, এলিয় লুম্মেগি আর মান্‌জ্যে তারে চিনি ন-পারন্। মানুচ্চুনে তা উগুরে যিয়েন আওজ্ সিয়েনই বেবহার গোজ্যন্। এবাবোত্যেগুরি মান্‌জ্য পুয়োবোরেয়ো মানুচ্চুনো আঢত্ দুঘ্ ভুগো পড়িবো।”

মথি লেখ্যে গম্ হবর্ 17:9

যেক্কে তারা সেই মুড়োবোত্তুন্ লামি এত্তন্ সেক্কে যীশু তারারে এ উগুমান দিলো, “তুমি যিয়েন্ দেগিলে, মান্‌জ্যপুয়োবো মরণত্তুন্ জেঈ ন-উদোনা সং সিয়েন কাররে ন-কোইয়ো।”

মথি লেখ্যে গম্ হবর্ 20:28

ইদোত্ রাগেয়ো, মান্‌জ্যপুয়োবো সেবা পেবাত্তে ন-এজে বরং সেবা গুরিবাত্তে এচ্চ্যে আর ভালোক্কুন্ মান্‌জ্যর্ উদ্ধোরর্ দাম্ ইজেবে তারা পরাণানির্ বদলে নিজো পরাণান্ দিবাত্তে এচ্চ্যে।”

মথি লেখ্যে গম্ হবর্ 26:2

“তুমি দঅ হবর্ পঅ আর দ্বিদিন্ পরেদি উদ্ধোর-পরব্, আর মান্‌জ্য পুয়োবোরে ক্রুশোত্ দিবাত্তে ধুরি দিয়্যে অবঅ।”

মথি লেখ্যে গম্ হবর্ 26:47

যীশু সেক্কেয়ো কধা কর্, এমন্ সময়োত্ যিহূদা সিয়েনত্ এলঅ। তে সেই বারজন শিচ্চ্য ভিদিরে একজন এলঅ। তা সমারে বোউত্ মানুচ্ ছুরি আর মুগোর্‌লোই এলাক্। আজল্ ধর্মগুরুগুনে আর বুড়ো নেতাগুনে ইগুনোরে পাধেয়োন।

মথি লেখ্যে গম্ হবর্ 27:12

আজল্ ধর্মগুরুগুনে আর বুড়ো নেতাগুনে তারে ভালোক্কানি দুষ্ দিলাক্ মাত্তর্ তে কনঅ জোব্ ন-দিলো।

মথি লেখ্যে গম্ হবর্ 27:63

“বাবু, আমাত্তুন্ ইদোত্ উদের্, সেই ঠোগেয়্যেবো বাঁজি থাগদে কোইয়্যেদে, ‘মুই তিন্ দিন পরেদি জেদা ওই উদিম্।’

মথি লেখ্যে গম্ হবর্ 28:6

তে ইয়েনত্ নেই। তে যেবাবোত্যেগুরি কোইয়্যে সেবাবোত্যেগুরি জেদা ওই উঠ্যে। এজঅ, তে যিয়েনত্ পড়ি এলঅ সে জাগায়ান্ চগি।

মার্ক 8:31

পরেদি যীশু তা শিচ্চ্যগুনোরে ইয়েন কোইনে শিক্ষ্যে দিয়্যে ধুরিলো, মান্‌জ্য পুয়োবোত্তুন্ বোউত্ দুঘ্ পাহ্ পুড়িবো। বুড়ো নেতাগুনে, বেগ দাঙর্ ধর্মগুরুগুনে আর ধর্ম মাষ্টরুনে তারে এলাফেলা গুরিবাক্। তারে মারে ফেলা অবঅ আর তিন দিন পরে তারে মরণত্তুন্ আরঅ জেঈ উদো পুড়িবো।

মার্ক 9:12

তা জোব্পান্ অলদে, “এ কধাগান্ ঘেচ্চেকগুরি এলিয় পত্তমে এইনে বেক্কানি আগঅ ধোক্ক্যেন ফিরেই আনিবো। মাত্তর্ মান্‌‌জ্যপুয়োবো পৌইদ্যেনে কিবাবোত্যে গুরি পবিত্র বোইয়োত্ লেগা আঘে যে, তাত্তুন্ অমকদ দুঘ্‌‌‌‌ পাহ্ পুড়িবো আর মান্‌‌জ্যে তারে এলাফেলা গুরিবাক্?

লূকে লেখ্যে গম্ হবর্ 17:25

মাত্তর্ পত্তমে তাত্তুন্ বোউত্ দুঘ্ ভুগো পুরিবো। সিয়েন বাদে একালর্ মানুচ্চুনে তারে এলাফেলা গুরিবাক্।

লূকে লেখ্যে গম্ হবর্ 9:31

তারা মহিমার্ লগে দেগা দিলাক্। যিরূশালেমত্ যে মরণ মুজুঙোত্ যীশু আজির্ অবাত্তে যার্ তারা সে পৌইদ্যেনে কধাবাত্তা কদন্।