মথি লেখ্যে গম্ হবর্ 16:17 - Chakma Bible

¹⁷ জোবত্ যীশু তারে কলঅ, “শিমোন বাপ-যোনা, তুই বর্‌পেইয়্যে, কিয়া কনঅ মানুচ্ তইধু ইয়েন্ ফগদাং ন-গরে; মঅ স্বর্গর্ বাপ্পো ফগদাং গোজ্যে।

মথি লেখ্যে গম্ হবর্ 16:17 ပူးပေါင်းရင်းမြစ်များ

যিশাইয় 54:13

তর্ বেক পুয়োগুন্ লগেপ্রভুর শিচ্চ্য অবাক্ আর তঅ পুয়োগুনোর্ জদবদে ভালেদি অবঅ।

লূকে লেখ্যে গম্ হবর্ 22:32

মাত্তর্ মুই তত্যে তবনা গোজ্যং যেন তঅ বিশ্বেজত্ ভাঙন্ ন-ধরে। তুই যেক্কে মইধু ফিরি এবে সেক্কে তর্ এই ভেইয়ুনোরে খেমতাবলা গুরি তুল্।”

যোহন 1:42

আন্দ্রিয় শিমোনরে যীশু ইধু আনিলো। যীশু শিমোন ইন্দি রিনি চেইনে কলঅ, “তুই যোহন পুয়ো শিমোন, মাত্তর্ তরে কৈফা বিলি ডাগা অবঅ।” এ নাঙানর্ অত্ত পিতর, অত্তাৎ পাত্তর্।

যোহন 6:45

ভাববাদীগুনোর্ বোইবোত্ লেগা আঘে, ‘তারা বেক্কুনে গোজেনত্তুন্ শিক্ষ্যে পেবাক্।’ যে কেঅ বাবত্তুন্ শুনিনে শিক্ষ্যে পেইয়্যে তেয়ই মইধু এজে।

১ করিন্হীয় 15:50

ভেইলগ্, মুই যিয়েন কঙর্ সিয়েন এই-মানুচ্‌ তার্ লুয়ো-য়েরা কিয়্যেলোই গোজেন রেজ্যর্ অধিকারী ওই ন-পারে। যিয়েন বর্‌বাদ ওই যেবঅ সিয়েন এমন কিজুর্ অধিকারি ওই ন-পারে যিয়েন বর্‌বাদ ন-অবঅ।

গালাতীয় 1:16

মুই যেন অযিহূদীগুনো ইধু খ্রীষ্ট পৌইদ্যেনে গম হবর্ প্রচার গরং, ইয়েনত্যে গোজেনে যেক্কে তার্ আওজ্ মজিম তা পুয়োবোরে মইধু ফগদাং গুরিলো সেক্কে মুই কনঅ মান্‌জ্য লগে সল্লা ন-গরং।

ইফিষীয় 2:8

গোজেনর্ দোয়্যেই বিশ্বেজর্ মাধ্যমে তুমি পাপত্তুন্ উদ্ধোর্ পেয়ো। ইয়েন তমার্ নিজোর্ মাধ্যমে ন-অয়, সিয়েন গোজেনর্ দান।

ইফিষীয় 3:5

সেই গুমুরো উদ্দেচ্চ্যগান পবিত্র আত্মালোই ইক্কিনে যেবাবোত্যেগুরি তার্ পবিত্র প্রচারক আর ভাববাদীগুনো ইধু ফগদাং ওইয়্যে, আগদি বেক্‌ যুগোর্ মানুচ্চুনো ইধু সেবাবোত্যেগুরি ফগদাং ন-অয়।

ইফিষীয় 6:12

আমার্ এ যুদ্ধোগান দঅ কনঅ মান্‌জ্যর বিরুদ্ধে নয়, বরং সিয়েন আন্ধার রেজ্যর্ বেক শাসনগুরিয়্যে আর খেমতার্ অধিকারীগুনোর বিরুদ্ধে, আন্ধার জগদর্ খেমতাবলা আত্মাগুনোর্ বিরুদ্ধে, আর আগাজর্ বেক ভান্ন্যেই আত্মাগুনোর বিরুদ্ধে।

ইব্রীয় 2:14

সেই পুয়োগুনে অলাক্ লো-য়েরাবলা মানুচ্‌। সেনত্যে যীশু নিজেয়ো লো-য়েরাবলা মানুচ্‌ অলঅ, যেনে মরণর খেমতাগান যিবে আঢত্ আঘে সেই শদানরে তে নিজোর মরণানরে দিইনে বল্‌‌পোজ্যে গরে,

১ পিতর 5:1

মুই খ্রীষ্টর্ দুঘ্ ভুগোনার সাক্ষী আর খ্রীষ্টর্ যে মহিমা ফগদাং অবঅ সিয়েনর্ ভাগী। সেনত্যে তমা ভিদিরে যিগুনে মন্ডলীর আজল্ নেতা তারারে মুই আর এক্কো আজল্ নেতা ইজেবে এ উপদেচ্‌‌চান দোঙর্-

১ যোহন 4:15

যে কেঅ স্বীগের্ গরে যীশু গোজেনর্ পুয়ো, গোজেনে তা ভিদিরে থায় আর তেয়ো গোজেন সমারে থায়।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।