মথি লেখ্যে গম্ হবর্ 15:3 - Chakma Bible

³ জোবত্ যীশু কলঅ, যে সুদোমান্ পালেই এজর্ সিয়েনত্তে তুমিই বা কিত্তে গোজেনর্ উগুমান্ অমান্য গরর্?

মথি লেখ্যে গম্ হবর্ 15:3 ပူးပေါင်းရင်းမြစ်များ

মথি লেখ্যে গম্ হবর্ 15:2

“পুরোণি দিনোর্ ধর্ম-মাষ্টরুনোরে দিয়্যে যে সুদোমানি চলি এজের্ তঅ শিচ্চ্যগুনে সিয়েনি মানি ন-চলদন্ কিত্তে? হেবার্ আগেদি তারা গমেডালে আঢ্ ন-ঢন্।”

মথি লেখ্যে গম্ হবর্ 15:4

গোজেনে কোইয়্যেদে, মা-বাবরে সর্মান গরঅ আর যিবের্ কধালোই মা-বাবঅ উগুরে অশ্রদ্ধা থায় তারে হামাক্কায় মারে ফেলা পড়িবো।

মার্ক 7:13

এবাবোত্যেগুরি তুমি তমার চলেত্তে সুদোমান্ শিক্ষ্যে দিইনে গোজেনর্ কধানি বাদ্ দুয়ো। ইয়েনি বাদেয়ো তুমি আরঅ এবাবোত্যে বোউত্ কাম গুরি থাগঅ।”

কলসীয় 2:23

এ সুদোমানি চাহ্‌দে মনে অয় বেশ্ জ্ঞানে ভরা, কিয়া কেধোক্ক্যেন গুরি উবোসনা গরা যায়, কেধোক্ক্যেন গুরি নিজোরে নিজো গরা যায়, কেধোক্ক্যেন গুরি নিজোর্ কিয়্যেগানরে দুঘ্ দিয়্যে যায়, সিয়েনি এই সুদোমানি মানুচ্চুনোরে জানায়, মাত্তর্ পাপ-খাচ্চ্যদ্‌তানরে দঙানা পৌইদ্যেনে ইয়েনির্ কনঅ দাম্ নেই।

কলসীয় 2:8

তুমি উজিয়ার্ অ, যেন কেঅ মান্‌জ্যর পাম্‌দিয়্যে ছলনাবলা দর্শনর্ শিক্ষ্যেলোই তমারে বন্দী ইজেবে টানি নেযেই ন-পারে। খ্রীষ্ট লগে সেই শিক্ষ্যের্ কনঅ মিল্ নেই; মান্‌জ্যর্ বানেইয়্যে সুদোম আর জগদর্ নানান্ রীতিনীতি উগুরে সিয়েনি নির্ভর গরে।

তীত 1:14

আর যিহূদীগুনোর্ হিত্যে-কধালোই আর যিগুনে গোজেনর্ সত্যত্তুন্ ফিরি যেইয়োন তারার্ উগুমে কান ন-পাদন্।