মথি লেখ্যে গম্ হবর্ 15:24 - Chakma Bible

²⁴ জোবত্ যীশু কলঅ, “মরে বানা ইস্রায়েল-গুট্টির আরেয়্যে ভেড়াগুনো ইধু পাধা ওইয়্যে।”

মথি লেখ্যে গম্ হবর্ 15:24 ပူးပေါင်းရင်းမြစ်များ

যিশাইয় 53:6

আমি বেক্কুনে ভেড়া ধোক্ক্যেন গুরি ভান্ন্যেই পধেদি যেইয়্যেই; আমি বেক্কুনে যার্ যার্ পধেদি ফিজ্যেই। লগেপ্রভু আমার বেক্কুনোর অন্যেয়ানি তা উগুরে চাপি দিয়্যে।

যিহিষ্কেল 34:16

যিগুনে আজি যেইয়োন্ মুই তারারে তোগেম্ আর যিগুনে ভান্ন্যেই পধেদি যেইয়োন তারারে ফিরেই আনিম। মুই আহতগুনোরে ঘা-গানি বানি দিম্ আর বল্‌‌পোজ্যেগুনোরে সবল্ গুরিম্, মাত্তর্ পক্তামক্তা আর বোলিবন্দগুনোরে মুই ভস্ত গুরিম, কিত্যে মুই ন্যায়বিচেরর্ মাধ্যমে মর্ পালুনোরে দেগাশুনো গুরিম।

যিহিষ্কেল 34:23

মুই তারা উগুরে এক্কো গরগরে, অত্তাৎ মর্ চাগর্ দায়ূদোরে নেযেম; তে নিজেই তারারে দেগাশুনো গুরিবো আর তারার্ গরগ্ অবঅ।

মথি লেখ্যে গম্ হবর্ 15:23

মাত্তর্ যীশু তারে এক্কান্ কধায়ো ন-কলঅ। সেক্কে তা শিচ্চ্যগুনে এইনে তারে কোজোলী গুরি কলাক্, “তারে বিদেয় গুরি দুয়ো, কিয়া তে আমা পিজে পিজে রঅ ছাড়ের্।”

মথি লেখ্যে গম্ হবর্ 18:11

যিয়েনি আযি যেইয়্যে সিয়েনি উদ্ধোর্ গুরিবাত্তে মান্‌জ্য পুয়োবো এচ্চ্যে। তুমি কি মনে গরঅ?

মথি লেখ্যে গম্ হবর্ 9:36

মানুচ্চুনোর গেজাঘেস্যে দেগিনে তারাত্তে তার্ মেয়্যে অলঅ, কিয়া তারা গরক্ নেইয়্যে ভেড়া ধোক্ক্যেন্ অরান্ আর অসহায় এলাক্।

প্রেরিত্‌ 13:46

সেক্কে পৌল আর বার্ণবা সাহচ্ গুরিনে তারারে এ জোব্‌পান দিলাক্, “গোজেনর্ কধা পত্তমে তমা ইধু কনা আমার দরকার এলঅ, মাত্তর্ তুমি যেক্কে সিয়েন এলাফেলা গোজ্জ্য আর উমর্‌অ জিংকানি পেবার্ যগাজ্যে বিলি নিজোরে মনে ন-গরঅ সেক্কে অযিহূদীগুনো ইন্দি আমি ফিরির্,

রোমীয় 15:8

ইদোত্ রাগেচ্, গোজেন কধাগান যে সত্য সিয়েন ফগদাং গুরিবাত্তে খ্রীষ্ট যিহূদীগুনোর্ সেবাগুরিয়্যে ওইয়্যে। ইয়েনর্ উদ্দেশ্যগান্ এলঅ, পূরোণি মানুচ্চুনো ইধু গোজেনে যেদক্কানি এগেম্ গোজ্জ্যে সিয়েন যেন পুরোয় আর তার্ দোয়্যে-মেয়্যের্ কারনে অযিহূদীগুনে তারে বাঈনী গরন্। এ পৌইদ্যেনে পবিত্র বোইবোত্ লেগা আঘে, ইয়েনত্যে অন্য জাদ্‌তুনো ইধু মুই তর্ বাঈনী গুরিম আর তরে নাঙ্ গিনিম্।