মথি লেখ্যে গম্ হবর্ 15:18 - Chakma Bible

¹⁸ মাত্তর্ যিয়েনি মুয়ো ভিদিরেত্তুন্ নিগিলি এজে সিয়েনি মনত্তুন্ এজে, আর সিয়েনিয়ে মান্‌জ্যরে অসিজি গরে।

মথি লেখ্যে গম্ হবর্ 15:18 ပူးပေါင်းရင်းမြစ်များ

গীতসংহিতা 36:3

তারার্ মুয়ো কধানি বজং আর ছলনালোই ভরা; বুদ্ধিবলা ধোক্ক্যেন চলানা তারা বাদ দুয়োন্, আর বাদ দুয়োন্দে গম্ কাম গরানা।

গম্ উপদেজ্ 10:32

গোজেন ভক্তগুনোর্ মুয়োনিয়ে যোগাজ্যেগুরি কধা কোই জানে, মাত্তর্ পাজিগুনোর মুয়োনিয়ে বানা বেঙা বেঙা কধা কয়।

গম্ উপদেজ্ 15:2

জ্ঞানী মান্‌জ্যর মুয়োনে জ্ঞানান্ গমেডালে বেবহার গরে, মাত্তর্ জ্ঞাননেইয়্যে মুয়োনিত্তুন্ ভুল্-বেদমা গঙার ধোক্ক্যেন নিগিলি এজে।

গম্ উপদেজ্ 15:28

গোজেন ভক্ত মান্‌জ্যর মনানিয়ে চিন্তে গুরিনে জোব্ দে, মাত্তর্ পাজিগুনোর মুয়োনিত্তুন্ ভান্ন্যেই কধানি নিগিলি এজে।

গম্ উপদেজ্ 4:23

বেক্কানিত্তুন্ তঅ মনানরে বেশ্ চুগি দিইনে রাগেচ্, কিত্তে মনত্তুন্ তঅ জিংকানিগানর বেক্কানি নিগিলি এজে।

গম্ উপদেজ্ 6:12

যে মানুচ্চো জঘন্য আর পাজি তে ভান্ন্যেই কধা মুয়োত্ গুরিনে ঘুরি ঘুরি বেড়ায়;

মথি লেখ্যে গম্ হবর্ 12:34

সাপ গুট্টিগুন! নিজে ভান্ন্যেই ওইনে কেধোক্ক্যেন্ গুরি তুমি গম্ কধা কোই পারঅ? মান্‌জ্যর্ মনানি যিয়েনিলোই ভরা থায় মুয়োনে দঅ সে কধানি কয়।

মথি লেখ্যে গম্ হবর্ 15:11

মুয়ো ভিদিরে যিয়েনি যায় সিয়েনি মান্‌জ্যরে অসিজি ন-গরে, মাত্তর্ মুয়ো ভিদিরেত্তুন্ যিয়েনি নিগিলি এজে সিয়েনি মান্‌জ্যরে অসিজি গরে।”

মার্ক 7:20

যীশু আরঅ কলঅ, “মান্‌জ্য ভিদিরেত্তুন্ যিয়েনি নিগিলি এজে সিয়েনিই মান্‌জ্যরে অসিজি গরে,

লূকে লেখ্যে গম্ হবর্ 19:22

সেক্কে তে তারে কলঅ, তুই পাজি চাগর্ ! তঅ মুয়ো কধালোই মুই তর্ বিচের্ গুরিম্। তুই দঅ কোই পারচ্, মুই আঘাত্যে মানুচ্; যিয়েন্ ন-থুবাং সিয়েন লোই থাং আর যিয়েন ন-লাগাং সিয়েন্ কাবং।

১ শমূয়েল 24:13

পুরোণি মানুচ্চুনোর্ ঢাগঅ কধাত্‌ আগেদে, পাজির্ ভিদিরেত্তুন এজেদে পাজি কামানি, সেনত্যেই মুই তর্‌ বিরুদ্ধে আঢ্ তুলিবাত্তে ন-যেম্‌।