মথি লেখ্যে গম্ হবর্ 15:14 - Chakma Bible

¹⁴ তারাত্যে চিদে ন-গোজ্জ্য! তারা দঅ কান্ মানুচ্চুনোর কানা নেতা; কান্ মান্‌জ্যে কানরে পথ্ দেগেবাত্তে গেলে দ্বি'জনে গাঢত্ পড়ন্।”

মথি লেখ্যে গম্ হবর্ 15:14 ပူးပေါင်းရင်းမြစ်များ

যিশাইয় 31:3

মিসরীয়গুনে দঅ মানুচ্, তারা গোজেন নয়; তারার্ ঘোড়াগুন য়েরাবলা, সিগুন আত্মা নয়। লগেপ্রভু যেক্কে তা আঢ্‌তান তুলিবো সেক্কে সাহায্যগুরিয়্যেগুনে উজোত্ হেবাক্ আর যিগুনে সাহায্য পান্ তারা পড়িবাক্; তারা বেক্কুনে একসমারে ভস্ত ওই যেবাক্।

যিশাইয় 42:19

মঅ চাগরুন বাদে কান্ আর কন্না? মর্ পাদেয়্যে দূত্‌তুনো ধোক্ক্যেন বহ্‌রা আর কন্না? মঅ উগুরে বিশ্বেজ্ গুরিয়্যে ধোক্ক্যেন কান্ আর কন্না? লগেপ্রভুর্ চাগরুনো ধোক্ক্যেন কান্ কন্না?‌‌

যিশাইয় 56:10

ইস্রায়েল চুগিদারুন চোগ কান্, তারার্ কনঅ জ্ঞিয়েন নেই। তারা বেক্কুন্ ববা কুগুরো ধোক্ক্যেন, তারা বুগিই ন-পারন্। তারা পড়ি থেইনে স্ববন্ দেগন আর ঘুমাদে গম্ পান।

যিশাইয় 9:16

যিগুনে এ জাদ মানুচ্চুনোরে পথ দেগান্ তারা তারার্ ভুল্ পধেদি নেযান্; যিগুনে তারার্ পিজেদি চলন্ তারা বুঝি ন-পারন্ তারা কুদু যাদন্।

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

যিরমিয় 6:15

তারা কি তারার সেই জঘন্য কামানিত্তে লাজ্ ন-পান? না, তারার কনঅ লাজ্ নেই; তারা লাজে রাঙা ওই ন-জানন্। সেনত্তে তারা সিগুনো ভিদিরে পড়িবাক্ যিগুনে যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্।”

যিরমিয় 8:12

তারা কি তারার সেই জঘন্য কামানিত্তে লাজান্? না, তারার কনঅ লাজ্ নেই; তারা লাজে রাঙা অবাত্তে ন-জানন্। সেনত্তে তারা সিগুনো ভিদিরে পড়িবাক্ যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্। ”

হোশেয় 4:17

ইফ্রয়িমে মূত্তিগুনো লগে মিজেয়্যেগোই; তারে সিয়েনই গুরিবাত্তে দুয়ো।

মালাখি 2:8

মাত্তর্ তুমি ঠিগ্ পধত্তুন্ সুরি যেইয়ো আর তমা শিক্ষ্যেলোই বোউত্ মান্‌‌‌‌‌জ্যরে উজোত্ হাবেয়ো। এবাবোত্যেগুরি লেবির বংশত্তে থিদেবর্ গোজ্যে সুদোমান্ তুমি বাদ দুয়ো। মুই বেগত্তুন্ খেমতাবলা লগেপ্রভু কঙর্।

লূকে লেখ্যে গম্ হবর্ 6:39

যীশু তা শিচ্চ্যগুনোরে এ উপমাগান্ দিলো: এক্কো কান্ মান্‌‌জ্যে কি অন্য আর এক্কো কান্ মান্‌‌জ্যরে পথ দেগেই পারে? সালে কি তারা দ্বিজনে গাঢত্ ন-পড়িবাক্?

যোহন 9:39

যীশু কলঅ, “মুই এ পিত্‌থিমীত্ বিচের্ গুরিবাত্যে এচ্চ্যং, যেন যিগুনে ন-দেগন্ তারা দেগন্ আর যিগুনে দেগন্ তারা কানা অন্।”

১ তীমথিয় 6:5

আর চিগোন মনা মানুচ্চুনো ভিদিরে নিত্য যাগুলুগ্। এ মানুচ্চুনো ভিদিরে গোজেনর্ সত্য নেই; তারা খ্রীষ্টীয় ধর্ম-বিশ্বেজ্‌চানরে এক্কান জগদর্ লাভর্ উপায় বিলিনে মনে গরন্।

২ পিতর 2:1

মাত্তর্ ইস্রায়েলীয়গুনো ভিদিরে যেধোক্ক্যেন ফক্কর্ ভাববাদী এলাক্ সেধোক্ক্যেন তমা ভিদিরেয়ো ফক্কর্ মাষ্টর থেবাক্। তারা চুবেচুবে এন্‌ ভুল শিক্ষ্যে আনিবাক্ যিয়েনি মান্‌জ্যরে ভস্ত গুরি দিবো; এন্‌ কি, যিবে তারারে কিন্ন্যে সেই প্রভুরেয়ো তারা অস্বীগের্ গুরিবাক্। এবাবোত্যে গুরি তারা যাদিমাদি নিজো উগুরে ভস্ত অনাগান ডাগি আনিবাক্।

২ পিতর 2:17

এই মানুচ্চুনে শুগেই যেয়্যে পয়নালা ধোক্ক্যেন আর ঝর আবাত্ বেঈ নেযেয়্যে কুয়ো ধোক্ক্যেন। ঘুর্‌ঘুজ্জ্যে আন্ধার্ তারাত্যে থুবেই রাগা ওইয়্যে।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।