মথি লেখ্যে গম্ হবর্ 14:6 - Chakma Bible

⁶ হেরোদ জর্মদিনোত্ হেরোদিয়ার ঝিবো তুবেয়্যে বেক্ মানুচ্চুনো মুজুঙোত্ নাজিনে হেরোদরে হুজি গুরিলো।

মথি লেখ্যে গম্ হবর্ 14:6 ပူးပေါင်းရင်းမြစ်များ

পত্থম 40:20

এই তিন্‌ দিনোত্‌ ফরৌণে তা তলেদি যে মানুচ্চুনে কাম্‌ গুরিদাক্‌ তারারে এক্কো হানা হাবেল। সেদিন্যে এলঅ তার্‌ জর্মদিন। ফরৌণে সেদিন্যে তার্‌ পানীয় ভাগগুরি দিয়্যেগুনোর নেতাবোরে আর রুটি বানেয়্যেগুনোর নেতাবোরে নিগিলেনে সে মানুচ্চুনো মুজুঙোত্ আনিলো।

ইষ্টের 2:18

সে পরেন্দি রাজা তার্‌ দাঙর্‌ পোজিশনর্‌ মানুচ্চুনোরে আর তার্‌ কামর্‌ সদ্দারুনোত্তেই ইষ্টেরর্ হানা নাঙে এক্কো দাঙর্‌ হানা দিলো। তে বেক্‌ জাগানির্‌ মানুচ্চুনোত্তে ছুটি ফগদাং গুরি দিলো আর খুলো আত্তোই বোউত্‌ দান গুরিলো।

মথি লেখ্যে গম্ হবর্ 14:3

হেরোদে নিজোর্ ভেই ফিলিপ মোক্কো হেরোদিয়ার কারনে যোহনরে বন্দী গুরিনে নেযেইনে জেল্‌খানাত্ রাগেল,

মথি লেখ্যে গম্ হবর্ 14:7

সেনত্তে হেরোদে এদক্ হুজি ওইয়্যেদে যে তা ঝিবো ইধু শমক্ হেলদে, তুই যিয়েন্ চাজ্ সিয়েনই মুই তরে দিম।

মথি লেখ্যে গম্ হবর্ 22:24

ইয়েনত্তে তারা যীশুরে পুজোর্ গুরিলাক্, “মাষ্টরবাবু, মোশি কোইয়্যেদে, যুনি কনঅ মানুচ্ পুয়ো-ছা নেই গুরি মুরি যায় সালে তা ভেইবো তা মোক্কোরে লোইনে ভেইয়োর্ ওইনে তা বংশবো রোক্ষ্যে গুরিবো।

মার্ক 6:14

যীশুর সুনাঙ্ চেরোকিত্তে ছিদি পড়িলো বিলিনে রাজা হেরোদে যীশুর কধা শুনিলো। কয়েক্কো মান্‌জ্যে কোইয়োন, “বাপ্তিস্মদিয়্যে যোহনে মরণত্তুন্ জেই ওই উঠ্যে, সেনত্যে আমক্ অবার্ কামানি গরের্।”

মার্ক 6:17

হেরোদে নিজে যোহনরে বন্দী গুরিবাত্যে উগুম দিলো আর তারে বানিনে জেলোত্ রাগেল। হেরোদে তার্ ভেই ফিলিপ মোক্কো হেরোদিয়াত্তে ইয়েন্ গোজ্যে। হেরোদ হেরোদিয়ারে লোইয়্যে বিলি যোহনে বার্‌বার্ হেরোদরে কদঅ, “তর্ ভেইয়ো মোক্কোরে লনা তর্ উচিত্ ন-অয়।”

মার্ক 6:19

ইয়েনত্তে যোহন উগুরে হেরোদিয়ার্ খুব্ রাগ্ এলঅ। তে যোহনরে মারে ফেলেবাত্তে চেইয়্যে,

মার্ক 8:15

এ সময়োত্ যীশু কলঅ, “তুমি উজিয়ার থাগঅ, ফরীশীগুনোর্ আর হেরোদ সদাগানিত্তুন্ উজিয়ার্ অ।”

লূকে লেখ্যে গম্ হবর্ 13:31

সেক্কে কয়েক্কো ফরীশী যীশু ইধু এইনে কলাক্, “তুই ইত্তুন্ যাগোই, কিয়া হেরোদে তরে মারে ফেলেবাত্তে চার্।”

লূকে লেখ্যে গম্ হবর্ 23:11

সেক্কে হেরোদ যীশুরে অগমান্ আর ঠাট্টা গুরিলো, আর তা সৈন্যগুনেয়ো সেবাবোত্যে গুরিলাক্। সে পরেদি যীশুরে রাজগীয় এক্কান পজাক্ উরেইনে তে তারে পীলাত ইধু পাধেই দিলো।

লূকে লেখ্যে গম্ হবর্ 23:7

শাসনগুরিয়্যে হেরোদ শাসন অধীনোত্ যে রেজ্যগান্ আঘে, যীশু সে জাগার্ মানুচ্‌ কোই পারিনে পীলাতে তারে হেরোদ ইধু পাধেই দিলো। সে অক্তত্ হেরোদেয়ো যিরূশালেমত্ এলঅ।

লূকে লেখ্যে গম্ হবর্ 3:1

রোম-সম্রাট তিবিরিয় কৈসরর্ রাজাগিরির্ পনর বজরত্ যিহূদিয়া রেজ্যর্ আজল্ শাসনগুরিয়্যে এলদে পন্তীয় পীলাত। সেক্কে হেরোদে গালীল রেজ্যত্ আর তা ভেই ফিলিপে যিতূরিয়া রেজ্যত্ আর ত্রাখোনীতিয়াত্ শাসন গুরিদাক্। লুষানিয়া এলদে অবিলীনীর শাসনগুরিয়্যে,

লূকে লেখ্যে গম্ হবর্ 3:19

শাসনগুরিয়্যে হেরোদর্ ভেইয়ো মোগ্‌কো হেরোদিয়ার লগে হেরোদর্ মিলেনার্ কারনে আর তার্ ভালোক্কানি ভান্ন্যেই কামর্ কারনে যোহনে তা দুষ্‌চানি দেগেই দিয়্যে।

লূকে লেখ্যে গম্ হবর্ 8:3

রাজা হেরোদ চাগর্ কূষর মোগ্ যোহানা; শোশন্না আহ্ আরঅ বোউত্ মিলে। যীশু আর তা শিচ্চ্যগুনোরে সেবা-যত্তন্ গুরিবাত্তে ইগুনে বেক্কুনে নিজো টেঙা-পৌইজ্যেত্তুন্ খরচ্ গুরিদাক্।

প্রেরিত্‌ 12:1

সে অক্তত্ রাজা হেরোদে অত্যেচার্ গুরিবাত্যে খ্রীষ্টীয় মন্ডলীর কয়েক্কো মান্‌জ্যরে ধুরি আনিলো।

প্রেরিত্‌ 4:27

“তর্ পবিত্র চাগর্ যীশু, যিবেরে তুই মশীহ ইজেবে বেঈ লোইয়োচ্, রাজা হেরোদ আর পন্তীয় পীলাতে এ শঅরত্ তা বিরুদ্ধে অযিহূদীগুনো সমারে আর ইস্রায়েলীগুনো সমারে ঘেচ্চ্যেক্ গুরি আঢ্ মিলেয়োন।