মথি লেখ্যে গম্ হবর্ 14:3 - Chakma Bible

³ হেরোদে নিজোর্ ভেই ফিলিপ মোক্কো হেরোদিয়ার কারনে যোহনরে বন্দী গুরিনে নেযেইনে জেল্‌খানাত্ রাগেল,

মথি লেখ্যে গম্ হবর্ 14:3 ပူးပေါင်းရင်းမြစ်များ

মথি লেখ্যে গম্ হবর্ 11:2

বাপ্তিষ্মদিয়্যে যোহনে জেলোত্ থেইনে যেক্কে যীশু খ্রীষ্টর কামর্ কধা শুনিলো সেক্কে তা শিচ্চ্যগুনোরে দিইনে যীশুরে পুজোর্ গুরিবাত্তে পাধেল,

মথি লেখ্যে গম্ হবর্ 14:6

হেরোদ জর্মদিনোত্ হেরোদিয়ার ঝিবো তুবেয়্যে বেক্ মানুচ্চুনো মুজুঙোত্ নাজিনে হেরোদরে হুজি গুরিলো।

মথি লেখ্যে গম্ হবর্ 4:12

পরেদি যীশু শুনিলো যোহনরে জেলখানাত্ বন্দী গুরি রাগা ওইয়্যে। সেক্কে তে গালীলোত্ গেলগোই আর নাসরত্ আদামান্ ফেলেইনে সবূলূন আর নপ্তালি চাগালা ভিদিরে সাগর পারর্ কফরনাহূম শঅরত্ যেইনে রলঅ।

মার্ক 6:14

যীশুর সুনাঙ্ চেরোকিত্তে ছিদি পড়িলো বিলিনে রাজা হেরোদে যীশুর কধা শুনিলো। কয়েক্কো মান্‌জ্যে কোইয়োন, “বাপ্তিস্মদিয়্যে যোহনে মরণত্তুন্ জেই ওই উঠ্যে, সেনত্যে আমক্ অবার্ কামানি গরের্।”

মার্ক 6:17

হেরোদে নিজে যোহনরে বন্দী গুরিবাত্যে উগুম দিলো আর তারে বানিনে জেলোত্ রাগেল। হেরোদে তার্ ভেই ফিলিপ মোক্কো হেরোদিয়াত্তে ইয়েন্ গোজ্যে। হেরোদ হেরোদিয়ারে লোইয়্যে বিলি যোহনে বার্‌বার্ হেরোদরে কদঅ, “তর্ ভেইয়ো মোক্কোরে লনা তর্ উচিত্ ন-অয়।”

মার্ক 6:19

ইয়েনত্তে যোহন উগুরে হেরোদিয়ার্ খুব্ রাগ্ এলঅ। তে যোহনরে মারে ফেলেবাত্তে চেইয়্যে,

মার্ক 6:22

হেরোদিয়ার ঝিবো সেই হানা সভাবোত্ নাচ্ দেগেইনে হেরোদরে আর হানাত্ ভাত্যেয়্যে গর্বাগুনোরে হুজি গুরিলো। সেক্কে রাজা ঝিবোরে কলঅ, “তুই যিয়েন চাজ্ মুই তরে সিয়েনই দিম্।”

মার্ক 8:15

এ সময়োত্ যীশু কলঅ, “তুমি উজিয়ার থাগঅ, ফরীশীগুনোর্ আর হেরোদ সদাগানিত্তুন্ উজিয়ার্ অ।”

লূকে লেখ্যে গম্ হবর্ 13:1

সে অক্তত্ সিধু থেইয়্যে কয়েক্কো মান্‌জ্যে যীশুরে গালীল রেজ্যর্ কয়েকজন মান্‌জ্য পৌইদ্যেনে কলাক্। সিগুনে কলাক্, রোমীয় শাসনগুরিয়্যে পীলাতে এই গালীলীয়গুনোরে কাবিনে তারার্ উৎসর্ব-গোজ্যে য়েমান লো সমারে তারার্ লো-গানিয়ো মিযেয়্যে।

লূকে লেখ্যে গম্ হবর্ 13:31

সেক্কে কয়েক্কো ফরীশী যীশু ইধু এইনে কলাক্, “তুই ইত্তুন্ যাগোই, কিয়া হেরোদে তরে মারে ফেলেবাত্তে চার্।”

লূকে লেখ্যে গম্ হবর্ 23:11

সেক্কে হেরোদ যীশুরে অগমান্ আর ঠাট্টা গুরিলো, আর তা সৈন্যগুনেয়ো সেবাবোত্যে গুরিলাক্। সে পরেদি যীশুরে রাজগীয় এক্কান পজাক্ উরেইনে তে তারে পীলাত ইধু পাধেই দিলো।

লূকে লেখ্যে গম্ হবর্ 23:7

শাসনগুরিয়্যে হেরোদ শাসন অধীনোত্ যে রেজ্যগান্ আঘে, যীশু সে জাগার্ মানুচ্‌ কোই পারিনে পীলাতে তারে হেরোদ ইধু পাধেই দিলো। সে অক্তত্ হেরোদেয়ো যিরূশালেমত্ এলঅ।

লূকে লেখ্যে গম্ হবর্ 3:1

রোম-সম্রাট তিবিরিয় কৈসরর্ রাজাগিরির্ পনর বজরত্ যিহূদিয়া রেজ্যর্ আজল্ শাসনগুরিয়্যে এলদে পন্তীয় পীলাত। সেক্কে হেরোদে গালীল রেজ্যত্ আর তা ভেই ফিলিপে যিতূরিয়া রেজ্যত্ আর ত্রাখোনীতিয়াত্ শাসন গুরিদাক্। লুষানিয়া এলদে অবিলীনীর শাসনগুরিয়্যে,

লূকে লেখ্যে গম্ হবর্ 8:3

রাজা হেরোদ চাগর্ কূষর মোগ্ যোহানা; শোশন্না আহ্ আরঅ বোউত্ মিলে। যীশু আর তা শিচ্চ্যগুনোরে সেবা-যত্তন্ গুরিবাত্তে ইগুনে বেক্কুনে নিজো টেঙা-পৌইজ্যেত্তুন্ খরচ্ গুরিদাক্।

প্রেরিত্‌ 12:1

সে অক্তত্ রাজা হেরোদে অত্যেচার্ গুরিবাত্যে খ্রীষ্টীয় মন্ডলীর কয়েক্কো মান্‌জ্যরে ধুরি আনিলো।

প্রেরিত্‌ 4:27

“তর্ পবিত্র চাগর্ যীশু, যিবেরে তুই মশীহ ইজেবে বেঈ লোইয়োচ্, রাজা হেরোদ আর পন্তীয় পীলাতে এ শঅরত্ তা বিরুদ্ধে অযিহূদীগুনো সমারে আর ইস্রায়েলীগুনো সমারে ঘেচ্চ্যেক্ গুরি আঢ্ মিলেয়োন।