মথি লেখ্যে গম্ হবর্ 14:29 - Chakma Bible

²⁹ যীশু কলঅ, “আয়।” সেক্কে পিতরে নৌকত্তুন্ লামিনে পানি উগুরেদি আঢিনে যীশু ইধু যাহ্ ধুরিলো।

মথি লেখ্যে গম্ হবর্ 14:29 ပူးပေါင်းရင်းမြစ်များ

মথি লেখ্যে গম্ হবর্ 14:28

পিতরে তারে কলঅ, “প্রভু, যুনি তুই অচ্ সালে পানি উগুরেদি তইধু যেবাত্তে মরে উগুম্ দে।”

মথি লেখ্যে গম্ হবর্ 14:30

মাত্তর্ জোর্ বোইয়্যের্ দেগিনে তে দোরেইনে ডুবি যাহ্ ধুরিলো আর রঅ ছাড়িনে কলঅ, “প্রভু, মরে বাজা।”

মথি লেখ্যে গম্ হবর্ 17:20

যীশু তারারে কলঅ, তমার কম্ বিশ্বেজর কারনে ন-পারিলা। মুই তমারে ঘেচ্চেকগুরি কঙর্, যুনি এক্কো সোজ্য বীজি ধোক্ক্যেন্ বিশ্বেজ্অ তমার্ থেদঅ সালে তুমি এ মুড়োবোরে কধা, ইয়োত্তুন সুরিনে উবোত্ যাহ্, আর সেক্কে সিবে সুরি যেবঅ। তমার পক্ষে কিচ্চু আগাত্যে ন-অবঅ।

মথি লেখ্যে গম্ হবর্ 21:21

জোবত্ যীশু তারারে কলঅ, “মুই তমারে ঘেচ্চেকগুরি কঙর্, তুমি সন্দেহ ন গুরিনে যুনি বিশ্বেজ্ গরঅ সালে ডোমোর্ গাজ্‌সো উগুরে মুই যিয়েন্ গোজ্যং তুমিয়ো সিয়েন্ গুরি পারিবা। বানা সিয়েন নয়, মাত্তর্ যুনি এই মুড়োবোরে কঅ, ‘উদিনে সাগরত্ যেইনে পড়্,’ সালে সিয়েন্অ অবঅ।

মার্ক 9:23

যীশু তারে কলঅ, “ ‘যুনি গুরি পারচ্,’ এ কধাগানর অত্তগান্ কি? যে বিশ্বেজ্ গরে তাত্তেই বেক্কানি সম্ভব।”

লূকে লেখ্যে গম্ হবর্ 17:6

প্রভু কলঅ, এক্কো সোজ্য-বিজি ধোক্ক্যেন্অ যুনি তমার্ বিশ্বেজ্ থায় সালে তুমি এই তুত গাচ্চোরে কোই পারিবা, শিঙোর্ সমত্ উদি যেইনে নিজোরে সাগরত্ গারেই থঅ; আর সে গাচ্চো তমা কধা শুনিবো।

প্রেরিত্‌ 3:16

এই যে মানুচ্চোরে তুমি দেগর্ আর যিবেরে তুমি চিনো, যীশু উগুরে বিশ্বেজর্ কারনে, যীশু নাঙর্ গুণে সে খেমতাগান পেইয়্যে। যীশুর মাধ্যমে যে বিশ্বেজ্‌চান এজে সেই বিশ্বেজ্‌চানই তমা বেক্কুনো মুজুঙোত্ তারে পুরোপুরি গুরি গম্ গুরি তুল্ল্যে।

রোমীয় 4:19

যুনিয়ো প্রায় একশত্ বজরর্ বুড়ো অব্রাহামে বুঝি পাজ্জ্যেদে যে, তা কিয়্যেগান্ অকেজো ওই যেইয়্যে আর সারার্‌অ পুয়ো-ছা অবার্ বয়জ্ আর নেই, তো অব্রাহামর্ বিশ্বেজ্‌চান মন্ মরা ন-এলঅ।

ফিলিপীয় 4:13

যে মরে বল্ দান গরে তার্ মাধ্যমে মুই বেক্কানি গুরি পারং।