মথি লেখ্যে গম্ হবর্ 14:25 - Chakma Bible

²⁵ শেজ্ রেদোত্ যীশু সাগর উগুরেদি আঢিনে শিচ্চ্যগুনো ইধু এজের্।

মথি লেখ্যে গম্ হবর্ 14:25 ပူးပေါင်းရင်းမြစ်များ

ইয়োব 9:8

তেয়ই দাঙর্‌ আগাজ্‌ছানরে ছিদি দিয়্যে, আর সাগরর্‌ তুবোল উগুরে আঢে।

গীতসংহিতা 104:3

তর্ স্বর্গর থেবার জাগানর গড়াগান্ তুই দেবাবো পানিগান উগুরে থিদেবর্ গোজ্যস্; তুই মেঘ্‌কানরে গোজ্যস্ তর্ রথ; তুই বোইয়্যের ডুয়োগানিলোই ভর্ গুরিনে আঢাউদো গরচ্।

মথি লেখ্যে গম্ হবর্ 24:43

ঘর গিরোজ্‌সো যুনি হবর্ পেদঅ কন্ সময় চুর্ এবঅ সালে তে জাগি থেদঅ, নিজো ঘরত্ তে চুর্ সোমেবাত্তে ন-দিদো।

মার্ক 13:35

“তুমি সজাগ্ থাগঅ, কিয়া ঘর গিরোজ্‌‌সো কন্ সময়োত্ এবঅ তুমি হবর্ ন-পঅ-সিবে সাজোন্যে ওই পারে বা রেত্ সম্মাগত্ ওই পারে বা বেন্যে পোত্যেয়ো ওই পারে।

মার্ক 6:48

যীশু দেগিলো শিচ্চ্যগুনে খুব্ দুগে পাঙেই টানদন্, কিয়া বৌইয়্যেরান্ তারার্ উল্লো মোক্ক্যে এলঅ। পেরায় শেজ্ রেদো ইন্দি যীশু সাগর উগুরেদি আঢিনে শিচ্চ্যগুনো ইধু এলঅ আর তারারে ফেলেইনে উজেই যার্।

লূকে লেখ্যে গম্ হবর্ 12:38

বর্‌পেইয়্যে সেই বেক্‌ চাগর্‌‌‌বো, যিগুনোরে তে এইনে জাগি থাগদে দেগিবো, সিবে রেত্ সংভাগত্ ওক্ বা শেচ্‌-রেদোত্ ওক্‌।

যোহন 6:19

পাঁচ-ছয় কিলোমিটার নৌকোগান্ বেই যানার্ পরেদি তারা দেগিলাক্, যীশু সাগর উগুরেদি আঢিনে তারা নৌকোগান ইন্দি এজের্। ইয়েন দেগিনে শিচ্চ্যগুনে অমকদ দোরেলাক্।

ফগদাং পেইয়্যে 10:2

তা আঢত্ এক্কো মেল্ল্যে চিগোন বোই এলঅ। তে তার্ ডেন্ টেঙান দোজ্জ্যে সাগর উগুরে আর বাঙ্ টেঙান মাদি উগুরে থোইনে সিংহ গুজুরোনি ধোক্ক্যেন দাঙর্ গুরি রঅ ছাড়িলো। তার্ রঅ ছাড়ানার্ লগে লগে সাত্‌টো দেবা পেরাগ্ পড়েদে ধোক্ক্যেন রঅ অলঅ।

ফগদাং পেইয়্যে 10:5

যে স্বর্গদূত্‌তোরে মুই দোজ্জ্যে সাগর আর মাদি উগুরে থিয়্যেই থাগদে দেক্ক্যং তে তার্ ডেন্ আঢ্‌তান স্বর্গর্ ইন্দি তুলিলো।

ফগদাং পেইয়্যে 10:8

যিবেরে মুই স্বর্গত্তুন্ কধা কধে শুন্ন্যং তে আরঅ মরে কলঅ, “যে স্বর্গদূত্‌তো দোজ্জ্যে সাগর আর মাদি উগুরে থিয়্যেই আঘে তাইধু যেইনে তা আঢত্তুন্ মেল্ল্যে বোইবো লঅ।”