মথি লেখ্যে গম্ হবর্ 14:14 - Chakma Bible

¹⁴ যীশু নৌকোত্তুন্ লামিনে সয়-সাগোজ্যে মানুচ্ দেগিলো আর মেয়্যে লাগিনে তারা ভিদিরে যিগুনে অসুগ্ এলাক্ তারারে গম্ গুরিলো।

মথি লেখ্যে গম্ হবর্ 14:14 ပူးပေါင်းရင်းမြစ်များ

মথি লেখ্যে গম্ হবর্ 14:15

সাজোন্যে অক্তত্ তা শিচ্চ্যগুনে তাইধু এইনে কলাক্, “অমকদ দেরি ওইয়্যে, জাগায়ান্ নিরিবিলি। মানুচ্চুনোরে পাধেই দে যেন তারা কায়কুরে আদামত্ যেইনে নিজোত্তে হানা কিনি পারন্।”

মথি লেখ্যে গম্ হবর্ 4:23

গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো।

মথি লেখ্যে গম্ হবর্ 9:36

মানুচ্চুনোর গেজাঘেস্যে দেগিনে তারাত্তে তার্ মেয়্যে অলঅ, কিয়া তারা গরক্ নেইয়্যে ভেড়া ধোক্ক্যেন্ অরান্ আর অসহায় এলাক্।

মার্ক 6:34

যীশু নৌকোত্তুন্ লামিনে সয়-সাগোজ্যে মানুচ্ দেগিলো। এ মানুচ্চুনোত্তে যীশুর ভারী মেয়্যে অলঅ কিয়া ইগুনোর দশাগান গরক্ নেইয়্যে ভেড়া ধোক্ক্যেন এলঅ। যীশু তারারে ভালোক্কানি পৌইদ্যেনে শিক্ষ্যে দিয়্যে ধুরিলো।

মার্ক 9:22

এ আত্মাবো তারে মারে ফেলেবাত্তে পেরায় আগুনোত্ আর পানিত্ ফেলে দিদো। মাত্তর্ তুই যুনি আমারে কনঅ উপকার্ গুরি পারচ্ সালে দোয়্যে গুরিনে সিয়েন গর্।”

লূকে লেখ্যে গম্ হবর্ 19:41

তারা যেক্কে যিরূশালেম ইধু এলাক্ সেক্কে যীশু শঅরান্ দেগিনে কানিলো ।

লূকে লেখ্যে গম্ হবর্ 7:13

সেই রানী মিলেবোরে দেগিনে প্রভু চিত্ পুরিনে কলঅ, “আর ন-কানিচ্।”

ইব্রীয় 2:17

সেনত্যে যীশুত্তুন্ বেক্কানিন্দি তা ভেইয়ুনো ধোক্ক্যেন উয়ো পল্ল, যেনে তে এক্কো দোয়্যেলু আর বিশ্বেজি দাঙর্ ধর্মগুরু ইজেবে গোজেনর্ সেবা গুরি পারে। ইয়েনর উদ্দেচ্চ্যগান অলঅ, তে যেন নিজোর্ মরণানরে দিইনে মান্‌জ্যর পাপ্পানি দূর্ গুরিনে গোজেনরে হুজি গরে।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।

ইব্রীয় 5:2

যিগুনে কোই ন-পারিনে পাপ গরন্ আর ভান্ন্যেই পধেদি যান্ তারা সমারে তে নরম বেবহার গুরি পারে, কিয়া তা ভিদিরেয়ো লবাদোচ্চ্যে আঘে।