মথি লেখ্যে গম্ হবর্ 14:13 - Chakma Bible

¹³ যোহনর্ মরাণার্ হবর্ শুনিনে যীশু গায় গায় সিয়েনত্তুন্ নৌকোত্ গুরিনে মানুচ্ নেইয়্যে জাগাত্ গেলঅ। মানুচ্চুনে সে কধাগান্ শুনিনে নানান্ আদামত্তুন্ টেঙোই আঢিনে তা পিজে পিজে যাহ্ ধুরিলাক্।

মথি লেখ্যে গম্ হবর্ 14:13 ပူးပေါင်းရင်းမြစ်များ

মথি লেখ্যে গম্ হবর্ 10:23

কনঅ আদাম মান্‌জ্যে যেক্কে তমা উগুরে অত্যেচার গুরিবাক্ সেক্কে অন্য আদামত্ ধেই যেয়ো। মুই তমারে ঘেচ্চেকগুরি কঙর্, ইস্রায়েল দেজর্ শঅর আর আদামত্ তমা কামানি থুম্ অবার্ আগেদি মান্‌জ্যপুয়োবো এবঅ।

মথি লেখ্যে গম্ হবর্ 12:15

সেই সল্লাগান পৌইদ্যেনে হবর্ পেইনে যীশু সিয়েনত্তুন গেলগোই। সেক্কে বোউত্ মানুচ্ তা পিজে পিজে গেলাক্।

মথি লেখ্যে গম্ হবর্ 14:12

ইয়েনর্ পরেদি যোহন শিচ্চ্যগুনে এইনে তার্ মরা কিয়্যেগান্ নেযেইনে গোরত্ দিলাক্ আর সেই হবরান্ যীশুরে যেইনে দিলাক্।

মার্ক 1:35

তার কেল্যে বেন্যেপোত্যে আন্ধার্ থাগদে যীশু উদিলো আর ঘরত্তুন্ নিগিলিনে এক্কান্ নিরিবিলি জাগাত্ যেইনে তবনা গরা ধুরিলো।

লূকে লেখ্যে গম্ হবর্ 4:42

বেন্যেমাদান্ যীশু সে জাগায়ান্ ফেলেইনে এক্কান মানুচ্ জন নেইয়্যে জাগাত্ গেলঅ। মানুচ্চুনে তারে তগাদে তগাদে তাইধু গেলাক্ আর যাতে তে তারাত্তুন্ ন-যায় সেনত্তে তারে তারা ইধু ধুরি রাগেবাত্তে চেষ্টা গুরিলাক্।