মথি লেখ্যে গম্ হবর্ 13:54 - Chakma Bible

⁵⁴ সে পরেদি নিজো আদামত্ যেইনে তে সমাজ-ঘর মানুচ্চুনোরে শিক্ষ্যে দিয়্যে ধুরিলো। তা কধা শুনিনে মানুচ্চুনে আমক্ ওইনে কলাক্, “এই জ্ঞানান্ আর এই বেক্ আমক্ কামানি গুরিবার খেমতা তে কুত্তুন্ পেলঅ?

মথি লেখ্যে গম্ হবর্ 13:54 ပူးပေါင်းရင်းမြစ်များ

গীতসংহিতা 22:22

ভেইয়ুনো ইদু মুই তঅ পৌইদ্যেনে ফগদাং গুরিম আর আদাম্মেগুনো ইদু তরে নাঙ্ গিনিম।

মথি লেখ্যে গম্ হবর্ 2:23

আর নাসরত্ নাঙে এক্কান আদামত্ যেইনে বজত্তি গরা ধুরিলো। ইয়েন ঘুদিলো যেনে ভাববাদীগুনোরে দিইনে এই যে কধানি কুয়ো ওইয়্যে সিয়েনি পরিপূরোন্ অয়: “তারে নাসরতীয় বিলি ডাগা অবঅ।”

মথি লেখ্যে গম্ হবর্ 4:23

গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো।

মথি লেখ্যে গম্ হবর্ 7:28

যীশু যেক্কে কধা কনা থুম্ গুরিলো সেক্কে মানুচ্চুনে তা শিক্ষ্যেলোই আমক্ ওই গেলাক্,

লূকে লেখ্যে গম্ হবর্ 2:47

যিগুনে যীশুর্ কধা শুনোদন্ তারা বেক্কুনে তা বুদ্ধিগান্ দেগিনে আর তা জোব্‌পানি শুনিনে আমক্ ওইয়োন্।

যোহন 1:11

তে নিজো দেজত্ এলঅ, মাত্তর্ তা নিজো মানুচ্চুনে তারে মানি ন-ললাক্।

প্রেরিত্‌ 13:46

সেক্কে পৌল আর বার্ণবা সাহচ্ গুরিনে তারারে এ জোব্‌পান দিলাক্, “গোজেনর্ কধা পত্তমে তমা ইধু কনা আমার দরকার এলঅ, মাত্তর্ তুমি যেক্কে সিয়েন এলাফেলা গোজ্জ্য আর উমর্‌অ জিংকানি পেবার্ যগাজ্যে বিলি নিজোরে মনে ন-গরঅ সেক্কে অযিহূদীগুনো ইন্দি আমি ফিরির্,

প্রেরিত্‌ 4:13

পিতর আর যোহনর সাহচ্‌ দেগিনে আর তারা যে অশিক্ষিত আহ্ সাধারণ মানুচ্‌ সিয়েন হবর্ পেইনে সেই নেতাগুনে আমক্ ওই গেলাক্, আর তারা যে যীশুর সমাজ্যে এলাক্ সিয়েন্অ বুঝিলাক্।

১ শমূয়েল 10:11

যিগুনে শৌলরে আগেত্তুন্‌ ধুরি চিনিদাক্ তারা তারে ভাববাদীগুনো সমারে গোজেনর দিয়্যে কধা কদে দেগিনে একজন আরেকজনরে কুয়া ধুরিলাক্, “কীশর পূঅবোর ইয়েন কি অলঅ? শৌলেয়ো কি সালে ভাববাদীগুনো ভিদিরে একজন?”