মথি লেখ্যে গম্ হবর্ 13:52 - Chakma Bible

⁵² সেক্কে যীশু তারারে কলঅ, “স্বর্গ-রেজ্যেগান পৌইদ্যেনে যিদুক্কুন ধর্ম মাষ্টরে শিক্ষ্যে পেইয়োন তারা বেক্কুন এমন্ এক্কো গিরোজ ধোক্ক্যেন্ যিবে তা ভান্ডালত্তুন্ নুয়ো আর পূরোণ জিনিস নিগিলায়।”

মথি লেখ্যে গম্ হবর্ 13:52 ပူးပေါင်းရင်းမြစ်များ

ইষ্রা 7:10

ইষ্রা লগেপ্রভুর রীদি-সুদোম পড়িবার, সিয়েনি পালেবার আর তার্ সুদোম আহ্ উগুম ইস্রায়েল দেশত্ শিক্ষ্যে দিবাত্তে নিজোরে গোজেই দিলো।

ইষ্রা 7:21

ইক্কিনে মুই রাজা অর্তক্ষস্ত ইউফ্রেটিস গাঙর্ পোজিম্ পারর্ বেক ধনভান্ডালর্ চুগিদারুনোরে এই উগুমান দুয়োঙর্, স্বর্গর গোজেনর্ রীদি-সুদোমর্ মাষ্টর ধর্মগুরু ইষ্রা তমা ইধু যিয়েনি চেবঅ সিয়েনি তুমি গমেডালে দিবা।

ইষ্রা 7:6

ইষ্রা এলদে এক্কো ধর্ম-মাষ্টর্। ইস্রায়েলর গোজেন লগেপ্রভুর দিয়্যে মোশির রীদি-সুদোম বেপারে তার দোল্ জ্ঞান এলঅ। তার গোজেন লগেপ্রভুর আঢ্‌‌তানি তা উগুরে এলঅ বিলিনে তে যাহ্ চেদঅ রাজা তারে সিয়েনি দিদো। রাজা অর্তক্ষস্তর রাজাগিরির্ সাত বজরত্ যেক্কে ইষ্রা যিরূশালেমত্ এচ্চ্যে সেক্কে তা সমারে কিজু ইস্রায়েলীয় এচ্চ্যন্। তারা ভিদিরে এলাক্ ধর্মগুরু, লেবীয়, গানগেইয়্যে আর উবোসনা-ঘরর্ চুগিদার আর সেবাগুরিয়্যে।

গম্ উপদেজ্ 11:30

গোজেন ভক্ত মানুচ্ অন্যগুনো ইদু জিংকানি গাজ ধোক্ক্যেন্; যে অন্যগুনোর মনানি জিদি লয় তে জ্ঞানি।

গম্ উপদেজ্ 15:7

জ্ঞানীগুনোর্ মুয়োনিয়ে জ্ঞান ছিদি দে, মাত্তর্ জ্ঞাননেইয়্যেগুনোর মনানি সিয়েনি ন-গরে।

গম্ উপদেজ্ 18:4

মান্‌জ্যর মুয়ো কধানি যেন মাদি গভিনোত্ থেইয়্যে পানি, মাত্তর্ জ্ঞানি মান্‌জ্যর মুয়ো কধানি যেন পয়নালাত্তুন্ নিগিলি এচ্চ্যে গঙার পানি।

পরমগীত 7:13

দূদাফলুনে তা তুম্বাজ্‌ছান ছিদি দেদন্; তাজা আর পাগানা নানান্ বাবোত্যে গম্ গম্ ফল আমা দোরান কায়-কুরে আগন্। মর্ পরাণ্যে, মুই তত্তেই ইয়েনি রাগেয়োং।

মথি লেখ্যে গম্ হবর্ 12:35

গম্ মানুচ্ তা মনত্তুন্ গম্ কধা নিগিলেই, আর বজং মানুচ্ তা মনত্তুন্ ভান্ন্যেই কধা নিগিলেই।

মথি লেখ্যে গম্ হবর্ 13:51

ইয়েনর পরেদি যীশু তা শিচ্চ্যগুনোরে পুযোর্ গুরিলো, “তুমি কি ইয়েনি বেক্কানি বুঝি পাজ্জ্য?”

মথি লেখ্যে গম্ হবর্ 13:53

শিক্ষ্যে দিবাত্তে এই বেক্ হিত্ত্যবো কনা থুম্ গুরিনে যীশু সিয়েনত্তুন্ নিজো শঅরত্ গেলগোই।

মথি লেখ্যে গম্ হবর্ 23:34

সেনত্যে মুই তমারে কঙর্, মুই তমা ইধু ভাববাদী, জ্ঞানী মানুচ্ আর ধর্ম-মাষ্টরুনোরে পাদাঙর্। তুমি তারাত্তুন্ কয়েকজনরে খুন্ গুরিবা আর কয়েকজনরে ক্রুশোত্ দিবা। কয়েকজনরে তমা সমাজ-ঘরত্ চাবুক্ মারিবা আর এক আদামত্তুন্ অন্য আদামত্ লোড়েইনে বেড়েবা।

মথি লেখ্যে গম্ হবর্ 28:19

ইয়েনত্তে তুমি যেইনে বেক্ জাদ মানুচ্চুনোরে মর্ শিচ্চ্য বানঅ। বাব্‌‌‌পো, পুয়োবো আর পবিত্র আত্মার্ নাঙে তারারে বাপ্তিস্ম দুয়ো।

লূকে লেখ্যে গম্ হবর্ 11:49

সেনত্তে জ্ঞানী গোজেনে কোইয়্যেদে, মুই তারা ইধু ভাববাদীগুনোরে আর হবর্ কোইয়্যেগুনোরে পাধেই দিম্। তারাত্তুন্ কয়েকজনরে তারা খুন্ গুরিবাক্ আর অন্যগুনো উগুরে অত্যেচার্ গুরিবাক্।

যোহন 13:34

এক্কান্ নুয়ো উগুম্ মুই তমারে দোঙর্-তুমি একজন আরেকজনরে কোচ্‌পেইয়ো। মুই যেধোক্ক্যেন্ তমারে কোচ্‌পেইয়োং সেধোক্ক্যেন্ তুমিয়ো একজন আরেকজনরে কোচ্‌পেইয়ো।

২ করিন্হীয় 6:10

আমি বোউত্ দুঘ্ পেইর্, তো আমার মনানি নিত্য হুজীয়ে ভরা। আমি নিজে নাঢা, তো আমি ভালোক্ জনরে থাগোইয়্যে গুরির্। আমার কিচ্চু নেই, তো আমি বেক্কানির্ অধিকারী। এবাবোত্যেগুরি আমি প্রমাণ গুরির্ যে, আমি গোজেনর্ সেবা গুরিয়্যে।

ইফিষীয় 3:4

তুমি সিয়েন পড়িলে বুঝি পারিবা, খ্রীষ্টর্ পৌইদ্যেনে সেই গুমুরো উদ্দেচ্চ্যগান মত্তুন্ বুঝিবার খেমতা আঘে।

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

কলসীয় 1:7

সেই গম হবরানর্ কধা তুমি আমার কোচ্‌পেইয়্যে সমাজ্জ্যে ইপাফ্রাত্তুন্ শুন্ন্য। তে তমা পক্ষত্তুন্ খ্রীষ্টর এক্কো বিশ্বেজি সেবাগুরিয়্যে।

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

১ তীমথিয় 3:6

মন্ডলীর পরিচালক্‌কো যেন নুয়ো বিশ্বেজি ন-অয়, কিয়া নুয়ো বিশ্বেজি অলে তে অয়ত দেমাগে ফুলি উদিবো আর শদানরে দিয়্যে সাজার যগাজ্জ্যে অবঅ।

তীত 1:9

গোজেনর্ বিশ্বেজবলা কধানি, যিয়েনি মুই শিক্ষ্যে দুয়োং, তাত্তুন্ সিয়েনি দরমর গুরি ধুরি থা পরিবো, যেন সত্য শিক্ষ্যে পৌইদ্যেনে তে প্রচার গুরি পারে আর যিগুনে বিরুদ্ধে যান্ তারারে ভুলানি দেগেই দি পারে।