মথি লেখ্যে গম্ হবর্ 13:47 - Chakma Bible

⁴⁷ “আরঅ, স্বর্গ-রেজ্যগান্ এমন্ এক্কো দাঙর্ জাল ধোক্ক্যেন্ যিয়েন সাগরত্ ফেলা অলঅ আর নানান্ বাবোত্যে মাছ ধরা পড়িলাক্।

মথি লেখ্যে গম্ হবর্ 13:47 ပူးပေါင်းရင်းမြစ်များ

যিহিষ্কেল 47:10

জাল্যেগুন গাঙ পারত্ থিয়্যেবাক্; ঐন্-গদীত্তুন্ ঐন্-ইগ্লয়িম সং জাল মিলি দিবার্ জাগা অবঅ। ভূমধ্য-সাগরর মাছ ধোক্ক্যেন সিয়েনতঅ নানান্ বাবোত্যে বোউত্ মাছ পাহ্ যেবঅ।

মথি লেখ্যে গম্ হবর্ 13:44

স্বর্গ-রেজ্যগান্ ভূইয়ো ভিদিরে লুগেই রাগেয়্যে ধন ধোক্ক্যেন্। এক্কো মান্‌জ্যে সিয়েন্ তোগেই পেইনে আরঅ লুগেই রাগেল। সে পরেদি তে হুজি মনে গেলঅ আর তার যেদক্কানি এলঅ বেক্কানি বিজিনে সে ভূইয়ান কিনিলো।

মথি লেখ্যে গম্ হবর্ 13:46

এক্কো মংগা মুক্তা তোগেই পেইনে তে যেইনে তার্ যিয়েনি এলঅ বেক্কানি বিজিনে সেই মুক্তাবো কিনিলো।

মথি লেখ্যে গম্ হবর্ 13:48

জালান্ পূরেলে পরেদি মানুচ্চুনে সিয়েন্ পারত্ টানি তুলিলাক্। পরেদি তারা বুজিনে গম্ মাছ্‌চুন বেঈনে লেইয়োত্ রাগেলাক্ আর বজঙুন্ ফেলে দিলাক্।

মথি লেখ্যে গম্ হবর্ 4:19

যীশু তারারে কলঅ, “মঅ সমারে এজঅ, মুই তমারে মানুচ্-ধরা জাল্যে বানেম্।”

মার্ক 1:17

যীশু তারারে কলঅ, “মঅ লগে এজঅ। মুই তমারে মানুচ্-ধরা জাল্যে বানেম্।”

লূকে লেখ্যে গম্ হবর্ 5:10

শিমোন বেবসার্ ভাগীদার্ যাকোব আর যোহন নাঙে সিবদিয়র্ দ্বিবে পুয়োও আমক্ অলাক্। সেক্কে যীশু শিমোনরে কলঅ, “ন-দোরেস্; ইক্কিনেত্তুন্ ধুরি তুই গোজেনত্তে মানুচ্ ধুরিবে।”

যোহন 15:2

মর্ যিদুক্কুন্ ডেলাত্ গুলো ন-ধরন্ সিগুন তে কাবি ফেলায়, আর যিদুক্কুন্ ডেলাত্ গুলো ধরন্ সিগুন তে ছাজিনে সাব্ গরে যেন আরঅ ভালোক্কুন্ গুলো ধুরি পারন্।

যোহন 15:6

যুনি কেঅ মঅ সমারে ন-থায় সালে কাপ্প্যে ডেলা ধোক্ক্যেন্ তারে বারেদি ফেলেই দিয়্যে অয় আর সিবে শুগেই যায়। সেক্কে সেই ডেলাগুন্ কুড়েইনে আগুনোত্ ফেলে দিয়্যে অয় আর সিগুন পুড়ি যান্।

প্রেরিত্‌ 20:30

এমন্‌ কি, তমা নিজো ভিদিরেত্তুন্ মানুচ্চুনে উদিনে গোজেনর্ সত্যগানরে মিজে বানেবার্ চেষ্টা গুরিবাক্ যেন বিশ্বেজিগুনোরে নিজো দলত্ টানি পারন্।

১ করিন্হীয় 11:19

খালিক্ তমা ভিদিরে কধার্ অমিল্ অবঅ যেন গোজেনর্ চোগেদি তমা ভিদিরে যগাজ্যে মানুচ্ কন্না, সিয়েন ধরা পড়ে।

২ করিন্হীয় 11:26

মুই বোউত্ দেশ্ ঘুজ্জ্যং। বান্, দাগেত্, নিজো জাদর্ মানুচ্‌ আর অযিহূদীগুনোত্যে মুই দজাত্ পোজ্জ্যং। সিয়েন বাদে শঅরত্, ধূল্যেচর-চাগালাত, সাগরত্ আর ভন্ড ভেইয়ুনো ইধুয়ো মুই দজাত্ পোজ্জ্যং।

গালাতীয় 2:4

কয়েক্কো ভন্ড ভেই ভিদিরে ভিদিরে সমানার্ কারনে কধাগান উঠ্যে। খ্রীষ্ট যীশু উগুরে বিশ্বেজি ইজেবে আমার্ যে স্বাধীনতা আঘে সেই স্বাধীনতাগানর্ দুষ্ ধুরিবাত্যে ইগুনে ভিদিরে ভিদিরে সোম্মোন্ যেন আমারে চাগর্ বানেই পারন্।

ফগদাং পেইয়্যে 3:1

সার্দি শঅরর্ মন্ডলীর দূত্‌তো ইধু এ কধাগান লেগ- গোজেনর্ সাত্‌টো আত্মা আর সাত্‌টো তারা যিবে ধুরি আঘে তে এই কধাগান কর্: মুই তর্ কামর্ কধানি কোই পারং। জেদা আঘচ্ বিলিনে তর্ গম সুনাঙ্ আঘে, মাত্তর্ আজলে তুই মরা।