মথি লেখ্যে গম্ হবর্ 13:44 - Chakma Bible

⁴⁴ স্বর্গ-রেজ্যগান্ ভূইয়ো ভিদিরে লুগেই রাগেয়্যে ধন ধোক্ক্যেন্। এক্কো মান্‌জ্যে সিয়েন্ তোগেই পেইনে আরঅ লুগেই রাগেল। সে পরেদি তে হুজি মনে গেলঅ আর তার যেদক্কানি এলঅ বেক্কানি বিজিনে সে ভূইয়ান কিনিলো।

মথি লেখ্যে গম্ হবর্ 13:44 ပူးပေါင်းရင်းမြစ်များ

ইয়োব 28:13

মান্‌জ্যে তার মূল্যগান্ হবর্ ন-পান; জেদাগুনোর দেজত্ সিয়েন পাহ্ ন-যায়।

গম্ উপদেজ্ 16:16

সনাত্তুন্ বেশ্ জ্ঞান পানা কত্তমান্ গম্! আর রূবোত্তুন বেশ্ বিচের বুদ্ধি পানা কত্তমান্ গম!

গম্ উপদেজ্ 17:16

জ্ঞান পেবাত্তে বিবেচনা নেইয়্যে ভুল্ মান্‌জ্য আঢত্ টেঙা থেলে কি লাভ? তার দঅ বুদ্ধি নেই।

গম্ উপদেজ্ 18:1

যে মানুচ্চো নিজোরে সমাজত্তুন্ ফারগ্ গুরি রাগায় তে নিজো আওজ্‌চান পূরেবাত্তে চায়, আরে সিয়েনি বুদ্ধিগোজ্যে সল্লানির উল্লোমি অয়।

গম্ উপদেজ্ 23:23

যে কনঅ মূল্যে ওক্ সত্য, জ্ঞান, শিক্ষ্যে আর বিচেরবুদ্ধি পাহ্; কনঅ কিজুর্ বদলে সিয়েনি অন্যরে ন-দুয়ো।

যিশাইয় 55:1

লগেপ্রভু কত্তে, “ও তিরেস্ পেইয়্যে মানুচ্চুন্, তুমি বেক্কুনে পানি কায়-কুরে এজঅ; যিবের টেঙা-পোজে নেই তেয়ো এইনে কিনি হেই যোক্। এজঅ, টেঙা ছাড়া, এনেবাদে আংগুর-রস আর দুধ কিনো।

মথি লেখ্যে গম্ হবর্ 13:24

যেরেদি তে মানুচ্চুনোরে শিক্ষ্যে দিবাত্তে আর এক্কো হিত্ত্য কলঅ। হিত্ত্যবো এবাবোত্যে: স্বর্গ-রেজ্যগান্ এমন্ এক্কো মান্‌জ্য ধোক্ক্যেন্ যিবে নিজো ভূইয়োত্ গম্ বীজি ফেলেল।

মথি লেখ্যে গম্ হবর্ 13:46

এক্কো মংগা মুক্তা তোগেই পেইনে তে যেইনে তার্ যিয়েনি এলঅ বেক্কানি বিজিনে সেই মুক্তাবো কিনিলো।

মথি লেখ্যে গম্ হবর্ 13:47

“আরঅ, স্বর্গ-রেজ্যগান্ এমন্ এক্কো দাঙর্ জাল ধোক্ক্যেন্ যিয়েন সাগরত্ ফেলা অলঅ আর নানান্ বাবোত্যে মাছ ধরা পড়িলাক্।

মথি লেখ্যে গম্ হবর্ 19:21

যীশু তারে কলঅ, “যুনি তুই পুরোপুরি খাটি অবাত্তে চাজ্ সালে যেইনে তর্ বেক্ সোম্বোত্তিগানি বিজিনে নাঢা মানুচ্চুনোরে দান্ গর্। সেক্কে তুই স্বর্গত্ ধন পেবে। সে পরেদি এইনে মঅ শিচ্চ্য অগি।”

মথি লেখ্যে গম্ হবর্ 19:27

সেক্কে পিতরে তারে কলঅ, “চাহ্, আমি বেক্কানি ছাড়িনে তঅ শিচ্চ্য ওইয়্যেই; আমি কি পেবং?”

মথি লেখ্যে গম্ হবর্ 19:29

আর যে কেঅ মত্তে ঘর-বাড়ি, ভেই-বোন, মা-বাপ, পুয়ো-ঝি বা জাগা-জোবিন্ ছাড়ি দুয়োন্, তে সিয়েনির একশতগুন্ বেশ্ পেবঅ আর উমর জিংকানিয়ো দিয়্যে অবঅ।

মথি লেখ্যে গম্ হবর্ 6:21

কিয়া তঅ ধন যিদু থেবঅ তঅ মনান্অ সিধু থেবঅ।

লূকে লেখ্যে গম্ হবর্ 14:33

শেজদি যীশু কলঅ, সেবাবোত্যেগুরি তমা ভিদিরে যুনি কেঅ চিন্তে-ভাবনা গুরিনে তার্ বেক্কানি ছাড়িনে ন-এজে সালে তে মঅ শিচ্চ্য ওই ন-পারে।

যোহন 6:35

যীশু তারারে কলঅ, “মুয়ই সেই জিংকানি-রুটিগান্। যে মইধু এজে তাত্তুন্ কনদিন্অ পেট্ ন-পুরিবো। যে মঅ উগুরে বিশ্বেজ্ গরে তাত্তুন্ আর কনদিন্অ পানি তিরেচ্‌ ন-পেবঅ।

রোমীয় 15:4

পবিত্র বোইবোত্ যিয়েনি আগে লেগা ওইয়্যে সিয়েনি আমার্ শিক্ষ্যাত্যে লেগা ওইয়্যে, যাতে সেই বোইবোত্তুন্ আমি ধৈজ্জ্য আর উচ্চোমি পেই আর সিয়েনর্ কারনে আজা পেই।

কলসীয় 2:3

খ্রীষ্ট ভিদিরে বেক্‌ জ্ঞানানি আর বুদ্ধিগানি লুগেইয়্যে আঘে।

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

ইব্রীয় 10:34

আর যিগুনে জেলোত্ যেয়োন তারার্ দুঘে দুঘী ওইয়োন। তমার পযাপিরানি লুট ওই যানাগান তুমি হুজি মনে মানি লোইয়ো, কিয়া তুমি কোই পারিদা যে, আরঅ গম আর থিদেবর্ ধন তমাত্যে আঘে।

ফগদাং পেইয়্যে 3:18

সেনত্যে মুই তরে এ উপদেচ্‌‌চান দোঙর-তুই মত্তুন্ আগুনোত্ পুজ্জ্যে খাটি সনা কিনি লঅ যেন তুই থাগোইয়্যে ওই পারচ্। মত্তুন্ ধূব্ কাবর কিনিনে পিন্‌ যেন তর্ লাংদা থানার লাজ্‌চান দেগা ন-যায়। মত্তুন্ চোগোত্ দিবার মলম কিনি লঅ যেন তুই দেগচ্।