মথি লেখ্যে গম্ হবর্ 13:36 - Chakma Bible

³⁶ পরেদি যীশু মানুচ্চুনোরে ফেলেইনে ঘরত্ সোমেল। সেক্কে তা শিচ্চ্যগুনে এইনে তারে কলাক্, “ভূইয়োর সে শ্যামাঘাসর্ হিত্ত্যবো আমারে বুঝেই দে।”

মথি লেখ্যে গম্ হবর্ 13:36 ပူးပေါင်းရင်းမြစ်များ

মথি লেখ্যে গম্ হবর্ 13:1

সেদিন্যে যীশু ঘরত্তুন্ নিগিলিনে সাগর পারত্ গেলঅ, যিয়েনত্ তে শিক্ষ্যে দিবাত্যে বুয়োল।

মথি লেখ্যে গম্ হবর্ 13:11

যীশু জোব্ দিলো, স্বর্গ-রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে মাত্তর্ তারারে জানিবাত্তে দিয়্যে ন-অয়,

মথি লেখ্যে গম্ হবর্ 13:18

“ইক্কিনে তুমি চাষাবলাবোর্ হিত্ত্যর্ অত্তগান্ শুনো। যেক্কে কনজনে স্বর্গ-রেজ্যর্ কধা শুনিনেয়ো ন-বুঝোন্ সেক্কে শদান্নো এইনে তা মনত্ যে কধানি কুয়ো ওইয়্যে সিয়েনি কাড়ি লয়। তে পধ কুরে ছিদি পোজ্যে বীজিগুনো মাধ্যমে এবাবোত্যে মানুচ্চুনো পৌইদ্যেনে কুয়ো ওইয়্যে।

মথি লেখ্যে গম্ হবর্ 13:25

যেরেদি যেক্কে বেক্কুনে ঘুমোত্ পড়িলাক্ সেক্কে সে মানুচ্চোর্ শত্রু এইনে গম ভিদিরে শ্যামাঘাসর বীজি ফেলেইনে গেলঅ।

মথি লেখ্যে গম্ হবর্ 14:22

ইয়েনর্ পরেদি যীশু শিচ্চ্যগুনোরে উগুম্ দিলো যেন তারা নৌকোত্ উদিনে তা আগে আগে সাগরর্ অন্য পারত্ যান্, আর ইন্দি তে মানুচ্চুনোরে পাধেই দের্।

মথি লেখ্যে গম্ হবর্ 15:39

ইয়েনর্ পরেদি যীশু মানুচ্চুনোরে বিদেয় দিইনে নৌকোত্ উদিনে মগদন চাগালাত্ গেলঅ।

মথি লেখ্যে গম্ হবর্ 9:28

যীশু ঘরত্ সোমেলে পরেদি সেই কান্ মানুচ্চুনে তাইধু এলাক্। সেক্কে তে তারারে কলঅ, “তুমি কি বিশ্বেজ্ গরঅ যে, মুই এ কামান্ গুরি পারং?”

মার্ক 4:34

হিত্ত্য বাদে তে তারারে শিক্ষ্যে ন-দিদো, মাত্তর্ শিচ্চ্যগুনে যেক্কে তা সমারে গায় গায় থেদাক্ সেক্কে তে বেক্কানি তারারে বুঝেই দিদো।

মার্ক 6:45

যীশু ইয়েনর্ পরেদি তা শিচ্চ্যগুনোরে উগুম্ দিলো যেন তারা নৌকোত্ উদিনে তা আগে আগে সাগরর্ অন্য পারত্ বৈৎসৈদা আদামত্ যান্, আর ইন্দি তে মানুচ্চুনোরে পাধেই দিয়্যে ধুরিলো।

মার্ক 7:17

ইয়েনর্ পরেদি যীশু যেক্কে মানুচ্চুনোরে ফেলেইনে ঘরত্ সোমেল, সেক্কে শিচ্চ্যগুনে সে কধাগানর্ অত্তগান্ তাত্তুন্ পুযোর্ গুরিলাক্।

মার্ক 8:9

কমেদি চের্ আজার্ মরদ্ সিয়েনত্ এলাক্। ইয়েনর্ পরেদি তে মানুচ্চুনোরে বিদেয় দিলো আর শিচ্চোগুনো সমারে এক্কান্ নৌকোত্ উদিনে দল্‌মনুথা চাগালাত্ গেলঅ।