মথি লেখ্যে গম্ হবর্ 13:31 - Chakma Bible

³¹ যীশু তারারে আর এক্কো হিত্ত্য কলঅ। হিত্ত্যবো এবাবোত্যে: “স্বর্গ-রেজ্যগান এমন্ এক্কো শোজ্য-বীজি ধোক্ক্যেন্ যিগুন্ এক্কো মান্‌জ্যে নেযেইনে নিজো ভূইয়োত্ ফেলেল।

মথি লেখ্যে গম্ হবর্ 13:31 ပူးပေါင်းရင်းမြစ်များ

যিহিষ্কেল 47:5

সে পরেদি তে আর এক আজার্ আত্ মাবিলো, মাত্তর্ পানি সেক্কে গাঙ্ ওই যানায় মুই পার্ ওই ন-পারিলুং, কিত্যে পানি বাড়ি যেইয়্যে আর সাজুরেদে ধোক্ক্যেন গভীন্ ওইয়্যে। সিয়েন্ এবাবোত্যে গাঙ্ ওইয়্যে যিয়েন্ কনজনে আঢিনে পার্ ওই ন-পারন্।

মথি লেখ্যে গম্ হবর্ 13:24

যেরেদি তে মানুচ্চুনোরে শিক্ষ্যে দিবাত্তে আর এক্কো হিত্ত্য কলঅ। হিত্ত্যবো এবাবোত্যে: স্বর্গ-রেজ্যগান্ এমন্ এক্কো মান্‌জ্য ধোক্ক্যেন্ যিবে নিজো ভূইয়োত্ গম্ বীজি ফেলেল।

মথি লেখ্যে গম্ হবর্ 17:20

যীশু তারারে কলঅ, তমার কম্ বিশ্বেজর কারনে ন-পারিলা। মুই তমারে ঘেচ্চেকগুরি কঙর্, যুনি এক্কো সোজ্য বীজি ধোক্ক্যেন্ বিশ্বেজ্অ তমার্ থেদঅ সালে তুমি এ মুড়োবোরে কধা, ইয়োত্তুন সুরিনে উবোত্ যাহ্, আর সেক্কে সিবে সুরি যেবঅ। তমার পক্ষে কিচ্চু আগাত্যে ন-অবঅ।

লূকে লেখ্যে গম্ হবর্ 17:6

প্রভু কলঅ, এক্কো সোজ্য-বিজি ধোক্ক্যেন্অ যুনি তমার্ বিশ্বেজ্ থায় সালে তুমি এই তুত গাচ্চোরে কোই পারিবা, শিঙোর্ সমত্ উদি যেইনে নিজোরে সাগরত্ গারেই থঅ; আর সে গাচ্চো তমা কধা শুনিবো।

লূকে লেখ্যে গম্ হবর্ 19:11

যীশু সেক্কে যিয়েনত্ এলঅ সিয়েনত্তুন্ যিরূশালেমান বেশ্ দূরোত্ নয়, আর যিগুনে তা কধা শুনোদন্ সিগুনে ভাবদন্, গোজেন রেজ্যগান্ সবরে ফগদাং পেবঅ। সেনত্তে যীশু তারারে শিক্ষ্যে দিবাত্যে এ কধাগান্ কলঅ:

লূকে লেখ্যে গম্ হবর্ 20:9

ইয়েন পরেদি যীশু মানুচ্চুনোরে এ হিত্ত্যবো কলঅ: এক্কো মান্‌‌‌‌জ্যে এক্কান আংগুর-খেদ্ গুরিলো আর চাষাবলাগুনো ইধু সিয়েন্ বাগা দিইনে ভালোক্ দিনোত্যে বিদেশত্ গেলঅ।