মথি লেখ্যে গম্ হবর্ 13:23 - Chakma Bible

²³ গম্ ভূইয়োত্ পোজ্যে বীজিগুনোর্ মাধ্যমে তারা পৌইদ্যেনে কুয়ো ওইয়্যে যিগুনে সে কধানি শুনিনে বুঝোন্ আর ফল দুয়োন্। কনজনে দে একশগুন, কনজনে দে ষায়েট্গুন্ আর কনজনে দে ত্রিশগুণ।”

মথি লেখ্যে গম্ হবর্ 13:23 ပူးပေါင်းရင်းမြစ်များ

যিহিষ্কেল 18:31

তমা বেক্ অন্যেয়ানি তমা নিজোত্তুন্ দূর গরঅ আর তমা রিবেঙানি আর মনানি নুয়ো গুরি তুলো। কিত্তে তুমি মুরিবা?

যিহিষ্কেল 36:26

মুই তমা ভিদিরে নুয়ো রিবেং আর নুয়ো মন দিম; মুই তমার্ দরমর রিবেঙান্ দূর্ গুরিনে নরম রিবেং দিম।

মথি লেখ্যে গম্ হবর্ 12:33

“গম্ গাজত্ গম্ গুলোগুলি অন্, আরঅ বজং গাজত্ বজং গুলোগুলি অন্, কিয়া গুলোগুলিলোই গাজ্‌‌চুন চিনে যায়।

মথি লেখ্যে গম্ হবর্ 13:8

মাত্তর্ কয়েক্কো বীজি গম্ ভূইয়োত্ পড়িনে কনবোত্ একশগুন, কনবোত্ ষায়েত্‌গুন আর কনবোত্ ত্রিশগুন শোজ্য অলাক্।”

মথি লেখ্যে গম্ হবর্ 3:10

গাজ গড়াত্ কুড়োল্ বাজেয়্যে আঘে। যে গাজত্ গম্ ফল ন-ধরে সিবে কাবিনে আগুনোত্ ফেলে দিয়্যে অবঅ।

মথি লেখ্যে গম্ হবর্ 3:8

গম্ ওইয়্যে, তুমি যে পাপত্তুন্ মনানি ফিরেয়ো সিয়েনির্ যগাজ্যে ফল্ তমা জিংকানিত্ দেগঅ।

মার্ক 10:15

মুই তমারে ঘেচ্চেক্‌‌‍গুরি কঙর্, চিগোন পুয়ো-ঝিগুনো ধোক্ক্যেন্ গুরি গোজেনর শাসন মানি ন-নিলে কেঅ কনমতে গোজেন রেজ্যত্ সোমেই ন-পারিবাক্।”

মার্ক 4:20

সেনত্তে সিয়েনত্ কনঅ ফল ন-অয়। আর গম্ ভূইয়োত্ ফেলেয়্যে বীজিগুনো মাধ্যমে তারা পৌইদ্যেনে কুয়ো ওইয়্যে যিগুনে সেই কধানি শুনিনে সিয়েনি মানি লন্ আর ফল দুয়োন্। কেঅ দে ত্রিশগুন্, কেঅ দে ষায়েট গুন্ আরঅ কেঅ দে একশগুন্।”

লূকে লেখ্যে গম্ হবর্ 13:9

সে পরেদি যুনি ফল ধরে দঅ গম্ সিয়েন ন-অলে তুমি সিবে কাবি ফেলেবা।’ ”

লূকে লেখ্যে গম্ হবর্ 8:15

গম্ ভূইয়োত্ পোজ্যে বীজ্‌‌চুনো মাধ্যমে তারা পৌইদ্যেনে কুয়ো ওইয়্যেদে যিগুনে গম্ আর সরল্ মনে সেই কধানি শুনিনে দরমর গুরি ধুরি রাগান্ আর থির্ থেইনে জিংকানিত্ পাগানা ফল দেগান্।

লূকে লেখ্যে গম্ হবর্ 8:8

আরঅ কয়েক্কো বীজ্ গম্ ভূইয়োত্ পড়িলাক্ আহ্ দাঙর্ ওইনে একশ গুণ ফসল বাড়িলাক্।” এ কধাগান কনার্ পরেদি যীশু শেজদি কলঅ, “যিবের্ শুনিবার্ কান্ আঘে তে শুনোক্।”

যোহন 15:16

তুমি মরে বেঈ ন-লঅ, মাত্তর্ মুয়ই তমারে বেঈ লোইনে কামত্ লাগেয়োং যেন তমা জিংকানিত্ গুলো ধরন্ আর তমার্ সেই গুলোগুন্ যেন থিগি থায়। সালে মঅ নাঙে বাবা ইধু যিয়েনি মাগিবা সিয়েনি তে তমারে দিবো।

যোহন 8:47

যে মানুচ্চো গোজেনর্, তে গোজেনর্ কধা শুনে। তুমি গোজেনর্ নয় বিলি গোজেন কধা ন-শুনো।”

প্রেরিত্‌ 16:14

যিগুনে শুনোদন্ তারা ভিদিরে থুয়াতীরা শঅরর্ লুদিয়া নাঙে এক্কো মিলে এলঅ। তে বিগুনী রংয়র্ কাবর বেবসা গুরিদো। যিহূদী ন-অলেয়ো তে গোজেনর্ উবোসনা গুরিদো। প্রভু লুদিয়ার্ মনান্ এমন্‌ গুরিনে মিলি দিলো যাতে তে পৌলর কধা মন দিইনে শুনিনে বিশ্বেজ্ গরে।

প্রেরিত্‌ 17:11

থিষলনীকীর্ যিহূদীগুনোত্তুন্ বিরয়া শঅরর্ যিহূদীগুনো মনানি বোউৎ বেশ্ খুলোমেলা এলঅ। তারা জদবদে আওচ্ গুরিনে গোজেনর্ কধা শুনিনে সিয়েনি মানি ললাক্। পৌলে যিয়েনি কোইয়্যে সিয়েনি সত্য নাহি চেবাত্যে পত্তিদিন্ তারা বোইয়োত্ তোগেদাক্।

২ করিন্হীয় 9:10

যিবে চাষাবলাবোত্যে বিজি আর হানাত্যে রুটি যোগেই দে তে তমারে সিদিবাত্যে বীজ্-অ যোগেব আর তার্ পরিমাণান্ বাড়েই দিবো। আর তে তমার্ গম কামর্ ফল বোউত্ দিবো।

ফিলিপীয় 4:17

কনঅ বক্‌শিজ্ যে মুই মাগঙর্ সিয়েন নয়, মাত্তর্ মুই এমন্‌ ফলর্ আজা গরঙর্ যিগুন তমা নাঙে জমা অনাত্ থেবঅ।

কলসীয় 1:10

ইয়েন্দোই যেন তুমি গম কাম্ গুরিনে ফলবান অ আর গোজেনরে আরঅ গমেডালে জানি পারঅ; আর এবাবোত্যেগুরি যেন বেক্কানিত্ প্রভুরে হুজী গুরিবাত্যে তার যগাজ্জ্যে ওইনে চলি পারঅ।

কলসীয় 1:6

এ গম্ হবরান গোদা পিত্‌থিমীত ছিদি পড়িনে ফল ধরের্ আর দিন দিন উজেই যার্। যেদিন্ন্যে তুমি এ গম্ হবরান শুন্ন্য আর গোজেনর্ দোয়্যের কধা ঘেচ্চ্যেক্ গুরি কোই পাজ্জ্য সে দিন্নোত্তুন্ ধুরি সিয়েন তমা ভিদিরেয়ো ঠিগ্ সেবাবোত্যেগুরি কাম গরের্।

১ থিষলনীকীয় 4:1

আরঅ কং ভেইলগ্, গোজেনরে হুজি গুরিবাত্যে কেধোক্ক্যেন গুরি চলানা উচিত সেই শিক্ষ্যেগান্ দঅ তুমি আমাত্তুন্ পেইয়ো, আর ঘেচ্চ্যেকগুরি তুমি সেবাবোত্যে গুরি চলর্। তো প্রভু যীশুর্ ওইনে আমি তমারে কোজোলি গুরির্ আর উপদেচ্‌ দিত্তে যেন তুমি আরঅ বেশ্ গুরিনে সেবাবোত্যেগুরি চলঅ।

২ থিষলনীকীয় 2:10

আর ভস্তর্ পধেদি উজেই যেইয়্যে মানুচ্চুনোরে থোগেইবার নানান্ বাবোত্যে পাজি ছলনার্ ভিদিরে। এ মানুচ্চুনে ভস্ত অবাক্, কিয়া পাপত্তুন্ উদ্ধোর্ পেবাত্যে তারা সত্যগানরে কোচ্‌ ন-পান্ আর সিয়েন মানিয়ো ন-লন্।

ইব্রীয় 4:2

ইস্রায়েলীগুনো ইধু যেধোক্ক্যেন গম হবর্ ফগদাং গরা ওইয়্যে সেধোক্ক্যেন গুরি আমা ইধুয়ো গরা ওইয়্যে। মাত্তর্ সেই গম হবরত্ ইস্রায়েলীগুনোর্ কনঅ লাভ ন অয়, কিয়া তারা সিয়েনি শুনিনে বিশ্বেজ্ ন-গরন।

ইব্রীয় 6:7

যে মাদিগানে বার্ বার্ ঝরর্ পানি চুজি লোইনে আল্ল্যাগুনোর দরকারী শাক্-পাদ্‌তানি জর্মায় সেই মাদিগান গোজেনত্তুন্ বর্ পায়।

ইব্রীয় 8:10

প্রভু আরঅ কয়, “যেরেদি মুই ইস্রায়েলীয়গুনোত্যে যে বেবস্থাগান থিদেবর্ গুরিম। সিয়েন অলঅ, মর্ আইন-কানুনানি মুই তারার্ মন ভিদিরে থোম্ আর তারার্ রিবেঙত্অ সিয়েনি লিগি রাগেম। মুই তারার্ গোজেন ওম্, আর তারা মঅ মানুচ্‌ অবাক্।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।