মথি লেখ্যে গম্ হবর্ 13:15 - Chakma Bible

¹⁵ এই বেক্ মানুচ্চুনোর মনানি বাজে আর কানানি নাঢা যেইয়্যে, আর তারা তারার্ চোগ্‌কুন নাঢি রাগেয়োন, যেন তারা চোগেদি ন-দেগন্, কানদি ন-শুনোন্ আর মনানদি ন-বুঝোন্, আর গম্ অবাত্তে মইদু ফিরি ন-এজন্।

মথি লেখ্যে গম্ হবর্ 13:15 ပူးပေါင်းရင်းမြစ်များ

গীতসংহিতা 119:70

তারার মনানি পেদডাম ধোক্ক্যেন দাঙর্, মাত্তর্ মুই তর্ বেক উগুমানিলোই হুজি অং।

গম্ উপদেজ্ 16:30

যে মানুচ্চো চোগো ইজিরে দে তে কুজুরোমি গরে; যে মানুচ্চো ঠুট্‌‌তো বেঙা গরে তে বজং কাম গুরিবো বিলিনে ঠিগ্ গোজ্যে।

যিশাইয় 44:20

তে ছেই হাইদ্যে ধোক্ক্যেন গুরি কাম্ গরে আর তার ঠগাইদ্যে মনানে তারে দজাত্ ফেলায়। তে নিজোরে উদ্ধোর্ গুরি ন-পারে বা নয়ো কয়, “মঅ ডেন্ আঢর্ এ জিনিস্‌‍‍ছান কি মিজে নয়?”

যিশাইয় 57:18

মুই মান্‌জ্যর্ বেক্ বেবহারানি দেখ্যং, তো মুই তারারে গম্ গুরিম। মুই তারারে পরিচালনা গুরিম আর যিগুনে আবিলেচ্ গরন তারারে বুঝেম্।

যিশাইয় 6:10

সে পরেদি তে মরে আরঅ কলঅ, “তুই এ মানুচ্চুনোর্ মনানি বাজে বাবোত্যে গুরি দে, তারার্ কানানি নাঢি দে, আর তারার চোগ্‌‌‌‌‌কুনো নাঢি দে। সিয়েন ন-গুরিলে তারা চোগেদি দেগিবাক্, কানেদি শুনিবাক্, মনেদি বুঝিবাক্ আর পাপত্তুন্ মনানি ফিরেইনে গম্ অবাক্। ”

যিরমিয় 17:14

ও লগেপ্রভু, মরে গম্ গর, সেক্কে মুই গম্ ওম; মরে উদ্ধোর্ গর্, সেক্কে মুই উদ্ধোর্ পেম, কিত্তে তুয়ই মর্ বাঈনী গুরিবার মানুচ্।‍

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

যিরমিয় 3:22

লগেপ্রভু কোইয়্যেদে, “ও ভান্ন্যেই পধেদি যেইয়্যে পুয়োছাগুন, ফিরি এজঅ; তমার্ ভান্ন্যেই পধেদি যেইয়্যে পিড়েনি মুই গম্ গুরি দিম।” সেক্কে ইস্রায়েলীয়গুনে কবাক্, “অয়, আমি তইধু এবং, কিত্তে তুয়ই আমার গোজেন লগেপ্রভু।

যিরমিয় 33:6

তো মুই ইয়েন্দোই স্বাস্থ্য আর সুস্থতা আনিম; মঅ মানুচ্চুনোরে মুই গম্ গুরিম আর সত্যর্ সুগ্-শান্দি অমকদগুরি পেবাত্তে দিম।

হোশেয় 14:4

লগেপ্রভু কত্তে, “মুই তারারে ভান্ন্যেই পধেদি যানাত্তুন্ ফিরেই আনিম আর কনঅ শর্ত ছাড়া তারারে কোচ্‌পেম, কিত্যে মঅ রাগ্‌‌‌‌‌কান তারা উগুরেত্তুন্ সুরি যেইয়্যে।‌‌

সখরিয় 7:11

“মাত্তর্ তারা সিয়েনি শুনিবাত্তে ন-চান্; একবুস্যে গুরি তারা পিজেদি ফিরিনে তারার্ কানানি নাঢি রাগেয়োন।

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

মার্ক 4:12

যেন তারা রিনি চান্ আর রিনি চান, যেদক্কন সং ন-দেগন; তারা শুনোদে থাদোক্ আর শুনোদোক্, যেদ্ক্কন ন-বুঝোন। সিয়েন ন-অলে তারা অয়ত গোজেন ইন্দি ফিরিবাক্ আর খেমা পেবাক্। ”

লূকে লেখ্যে গম্ হবর্ 19:42

তে কলঅ, “হায়, শান্তি পেবাত্যে যিয়েনি দরকার্, তুই, অয় তুই যুনি এচ্চ্যে সিয়েন্ বুঝি পাত্তে! মাত্তর্ ইক্কিনে সিয়েন তর্ চোগো আন্দালত্ রোইয়্যে।

প্রেরিত্‌ 28:27

এ বাবোত্যে মানুচ্চুনোর্ মনানি বাজে আর কানানি নাঢা যেইয়্যে, আর তারা তারার্ চোগ্‌‌কুন্অ নাঢি রাগেয়োন, যেন তারা চোগেদি ন-দেগন্, কানেদি ন-শুনোন্ আর মনানদি ন-বুঝোন্, আহ্ গম্ অবাত্তে মইধু ফিরি ন-এজন।

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

প্রেরিত্‌ 7:57

ইয়েন্দোই তারা কানত্ আংগুল্ দিলাক্ আর রঅ ছাড়িনে একসমারে স্তিফান উগুরে ঝাবেই পল্ল্যাক্।

২ তীমথিয় 4:4

তারা গোজেনর্ সত্যগান পৌইদ্যেনে ন-শুনিনে হিত্য-কধা শুনিবাত্যে চেবাক্।

ইব্রীয় 5:11

এ পৌইদ্যেনে বোউত কধা আমার কবার্ আঘে মাত্তর্ সিয়েনি বুঝেইনে কনা আগাত্ত্যে, কিয়া আত্মিক সত্যগান তুমি সহজে বুঝি ন-পারঅ।