মথি লেখ্যে গম্ হবর্ 13:12 - Chakma Bible

¹² কিয়া যিবের্ আঘে তারে আরঅ দিয়্যে অবঅ, আর সেক্কে তার্ বোউত্ অবাক্। মাত্তর্ যিবের্ নেই তার যিগুন্ আঘন্ সিগুন্অ তাত্তুন্ নেযা অবঅ।

মথি লেখ্যে গম্ হবর্ 13:12 ပူးပေါင်းရင်းမြစ်များ

মথি লেখ্যে গম্ হবর্ 21:43

ইয়েনত্তে তমারে কঙর্, গোজেন রেজ্যগান্ তমাত্তুন্ নেযা অবঅ আর এমন্ মানুচ্চুনোরে দিয়্যে অবঅ যিগুনো জিংকানিত্ সেই রেজ্যর্ যগাজ্যে ফল দেগা যেবঅ।

মথি লেখ্যে গম্ হবর্ 25:29

যিবের্ আঘে তারে আরঅ দিয়্যে অবঅ আর সেক্কে তার্ বোউত্ অবাক্। মাত্তর্ যিবের্ নেই তার্ যিগুন্ আঘন্ সিগুন্অ তাত্তুন্ নেযা অবঅ।

মার্ক 12:9

“সালে কদে চাং, আংগুর খেদ গিরোজ্‌‌সো কি গুরিবো? তে এইনে সেই চাষাবলাগুনোরে মারে ফেলেব আর আংগুর খেদ্‌‌তান অন্যগুনো আঢত্ দিবো‍‍।

লূকে লেখ্যে গম্ হবর্ 10:42

মাত্তর্ এক্কান্ বানা দরকারী বিষয় আঘে। মরিয়মে সেই গম্ বিষয়ান বেঈ লোইয়্যে। সিয়েন তাত্তুন্ নেযা ন-অবঅ।”

লূকে লেখ্যে গম্ হবর্ 12:48

মাত্তর্ কোই ন-পারিনে যে সাজা-পেবার্ কাম্ গোজ্যে তার কম্ সাজা অবঅ। যিবেরে বেশ্ দিয়্যে অয় তাত্তুন্ বেশ্ দাবি গরা অবঅ; আর মান্‌‌‌জ্যে যিবে ইধু বেশ্ থোইয়োন তাত্তুন্ তারা বেশ্ মাগিবাক্।

লূকে লেখ্যে গম্ হবর্ 16:2

সেক্কে থাগোইয়্যে মানুচ্চো তারে ডাগিনে পুজোর্ গল্ল, তঅ পৌইদ্যেনে মুই ইয়েনি কি শুনঙর্? তঅ কামঅ ইজেব্‌পান দে, কিয়া তুই আর আজল্ চাগর্ ইজেবে থেই ন-পারিবে।

লূকে লেখ্যে গম্ হবর্ 16:25

মাত্তর্ অব্রাহামে কলঅ, ইদোত্ তুলি চাহ্, তুই যেক্কে বাঁজি এলে সেক্কে কদক্ সুগ্ ভোগ্ গোজ্যস্ আর লাসারে কদক্ দুঘ্ পেইয়্যে। মাত্তর্ ইক্কিনে তে ইধু সান্তনা পার্ আর তুই দুঘ্ পর্।

লূকে লেখ্যে গম্ হবর্ 8:18

উজিয়ার্ অ, সেনত্তে কিবাবোত্যেগুরি শুন্ন্য সে পৌইদ্যেনে মনযোগ্ দুয়ো, কিয়া যিবের্ আঘে তারে আরঅ দিয়্যে অবঅ, মাত্তর্ যিবের্ নেই তার্ যিগুন্ আঘন্ বিলি তে মনে গরে, সিগুন্অ তাত্তুন্ নেযা অবঅ।”

লূকে লেখ্যে গম্ হবর্ 9:26

যুনি কেঅ মরে নিইনে আর মঅ কধালোই লাজান্, সালে মান্‌জ্য পুয়োবো যেক্কে নিজোর্ মহিমালোই, বাপর্ আর পবিত্র স্বর্গদূত্তুনোর্ মহিমালোই এবঅ সেক্কে তেয়ো সেই মানুচ্চো পৌইদ্যেনে লাজেব।

যাকোব 4:6

মাত্তর্ গোজেনর্ দোয়্যেগান আরঅ বেশ্। সেনত্যে বোইবোত্ লেগা আঘে, “গোজেনে বার্‌বো গুনোর্ বিরুদ্ধে থিয়্যেই, মাত্তর্ নম্রগুনোরে দোয়্যে গরে।”

ফগদাং পেইয়্যে 2:5

ভাবি চাহ্, তুই কত্তমান অজলত্তুন্ কত্তমান তলেদি লামি যেয়োচ্। এ অবষ্থাগানত্তুন্ তুই মন ফিরে আর পত্তমে যে কামানি গুরিদে সিয়েনত্ ফিরি যাহ্। তুই যুনি মনান ন-ফিরেচ্ সালে মুই তইধু এইনে তর্ চেরাগটগ্‌কো তা জাগানত্তুন্ সোরেই ফেলেম।