মথি লেখ্যে গম্ হবর্ 12:41 - Chakma Bible

⁴¹ বিচের দিনোত্ নীনবী শঅর মানুচ্চুনে উদিনে এ কালর্ মানুচ্চুনোরে দুষ্ দেগেই দিবাক্, কিয়া নীনবীর মানুচ্চুনে যোনার প্রচারর্ কারনে পাপত্তুন্ মনানি ফিরেয়োন্। আর চঅ, ইয়েনত্ যোনাত্তুন্অ আরঅ দাঙর্ এক্কো আঘে।

মথি লেখ্যে গম্ হবর্ 12:41 ပူးပေါင်းရင်းမြစ်များ

যিশাইয় 54:17

তর্ বিরুদ্ধে বানেয়্যে কনঅ আত্যের্ ন-টিগিবাক্; তরে দুষি গোজ্যে পত্তি মান্‌জ্যর যুক্তি খোন্দেইনে তুই তারারে দুষি গুরিবে। ইয়েনই অলঅ লগেপ্রভুর্ চাগরুনোর অধিকার আর তারার্ যগাজ্যে পাওনা।”

যিরমিয় 3:11

লগেপ্রভু মরে কলদে, ভান্ন্যেই পধেদি যেইয়্যে ইস্রায়েল আর অবিশ্বেজি যিহূদাত্তুন্ নিজোরে গম্ দেগেয়্যে।

যোনা 3:4

যোনা সে শঅরত্ সোমেইনে এক দিনো পথ গেলঅ আর এ কধাগান ফগদাং গুরিলো, “আর চল্লিশ দিন পরেদি নীনবীগান ভস্ত ওই যেবঅ।”

মথি লেখ্যে গম্ হবর্ 12:39

যীশু তারারে কলঅ, এই কালর্ পাজি আর অবিশ্বেজি মানুচ্চুনে চিহ্নো তগান্, মাত্তর্ ভাববাদী যোনার চিহ্নো বাদে আর কনঅ চিহ্নো তারারে দেগা ন-অবঅ।

মথি লেখ্যে গম্ হবর্ 12:42

বিচের দিনোত্ দোগিণ দেজর্ রাণী উদিনে এ কালর্ মানুচ্চুনোরে দুষ্ দেগেই দিবো, কিয়া শলোমন রাজার জ্ঞানর্ কধাবাত্তা শুনিবাত্তে তে পিত্‌থিমীর শেজ দুযিত্তুন্ এচ্চ্যে। আর চঅ, ইয়েনত্ শলোমনত্তুন্অ বেশ্ আরঅ দাঙর্ এক্কো আঘে।

মথি লেখ্যে গম্ হবর্ 12:45

যেরেদি সেই ভুদ্‌তো যেইনে নিজোত্তুন্ বেশ্ বজং আরঅ সাত্তো ভুত সমারে আনে আর সিয়েনত্ সোমেইনে বজত্তি গরা ধরে। সেক্কে সে মানুচ্চোর্ পত্তম্ দজাত্তুন্ শেজ্ দজাগান্ আরঅ বজং ওই উদে। এ কালর্ পাজি মানুচ্চুনোর অবস্থায়ো সেবাবোত্যে অবঅ।”

মথি লেখ্যে গম্ হবর্ 12:6

মুই তমারে কঙর্, উবোসনা-ঘরত্তুন্অ বেশ্ দাঙর্ একজন ইয়োত্ আঘে।

মথি লেখ্যে গম্ হবর্ 16:4

এ কালর্ পাজি আর অবিশ্বেজি মানুচ্চুনে চিহ্নো তগান্, মাত্তর্ যোনার চিহ্নো বাদে আর কনঅ চিহ্নো তারারে দেগা ন-অবঅ।” ইয়েনর্ পরেদি যীশু তারারে ফেলেই গেলঅ।

মথি লেখ্যে গম্ হবর্ 17:17

জোবত্ যীশু কলঅ, “অবিশ্বেজি আর পাজি মানুচ্চুন! আর কয়দিন মুই তমা লগে লগে থেম্? কয়দিন তমারে সোজ্য গুরিম? পুয়োবোরে ইয়েনত্ মইধু আনঅ।”

মথি লেখ্যে গম্ হবর্ 23:36

মুই তমারে ঘেচ্চেকগুরি কঙর্, এই কাল মানুচ্চুনেই সেই বেক্ লো-গানির্ দায়ী অবাক্।

লূকে লেখ্যে গম্ হবর্ 11:32

বিচের দিনোত্ নীনবী শঅর মানুচ্চুনে উদিনে এ কালর্ মানুচ্চুনোরে দুষ্ দেগেই দিবাক্, কিয়া নীনবীর মানুচ্চুনে যোনার প্রচারর্ কারনে পাপত্তুন্ মনানি ফিরেয়োন্; আর চঅ, ইয়েনত্ যোনাত্তুন্অ আরঅ দাঙর্ এক্কো আঘে।

যোহন 3:31

যিবে উগুরেত্তুন্ এজে তে বেক্কুনো উগুরে। যিবে পিত্‌থিমীত্তুন্ এজে তে পিত্‌থিমীর, আর তে পিত্‌থিমীর কধা কয়। মাত্তর্ যে স্বর্গত্তুন্ এজে তেয়ই বেক্কুনো উগুরে।

যোহন 4:12

তুই আমা পূরোণিমানুচ্ যাকোবত্তুন্ দঅ দাঙর্ নয়। এ কুয়োবো তে আমারে দিয়্যে। তে নিজে আর তা পুয়োগুনে এ কুয়োবোত্তুন্ পানি হেদাক্ আর তার্ য়েমানুনেয়ো হেদাক্।”

রোমীয় 2:27

তঅ ইধু দঅ লেক্ক্যে রীতি-সুদোম আঘে আর তর্ চুনু মাঢাবো চামান কাবা ওইয়্যে। মাত্তর্ তুই যুনি রীদি-সুদোম ন-মানচ্ সালে যিবের্ চুনু মাঢাবো চামান কাবা ন-অয় অদচ রীদি-সুদোম পালন গরের্, তে কি আইন ন-মানিবাত্যে তরে দুষি ন-ধুরিবো?

ইব্রীয় 11:7

যিয়েন সেক্কেয়ো দেগা ন-যায় সেই পৌইদ্যেনে গোজেনে নোহরে উজিয়ার্ গোজ্জ্যে। নোহ গোজেন-ভক্ত এলঅ বিলি গোজেনর্ কধা বিশ্বেজ্ গুরিনে এক্কান জাহাজ বানেয়্যে, যেনে তা ঘোর্‌বোবু রোক্ষ্যে পায়। নোহ তার্ বিশ্বেজ্‌চান্দোই জগদ্‌তানরে দুষি বিলিনে প্রমাণ গোজ্জ্যে আর গোজেন ইধু নিদ্দুজি বিলিনে মানি লবার্ অধিকার পেয়্যে, যিয়েন বানা বিশ্বেজর্ কারনে পাহ্ যায়।