মথি লেখ্যে গম্ হবর্ 12:32 - Chakma Bible

³² মান্‌জ্য পুয়োবোর্ বিরুদ্ধে কনজনে কনঅ কধা কলে তারে খেমা গরা অবঅ, মাত্তর্ পবিত্র আত্মার বিরুদ্ধে কধা কলে তারে খেমা গরা ন-অবঅ-এই যুগত্অ নয়, এযেত্তে যুগত্অ নয়।

মথি লেখ্যে গম্ হবর্ 12:32 ပူးပေါင်းရင်းမြစ်များ

ইয়োব 36:13

গোজেন উগুরে ভোক্তিনেইয়্যে মানুচ্চুনে রাগ জমা রাগান; তে বানিলেও তারা সাহায্যত্তে ন-ডাগন্।

মথি লেখ্যে গম্ হবর্ 11:19

যেক্কে মান্‌জ্যপুয়োবো এইনে হানা-দানা গুরিলো সেক্কে বেক্কুনে কদন্, ‘উইয়ো চঅ, এক্কো পেদুক্ আর মদখুর্, খাজানা-তুলিয়্যে আর বজং মানুচ্চুনোর সমাজ্যে।’ মাত্তর্ জ্ঞানান্ যে খাটি সিয়েনর্ প্রমানান্ তা কামানি ভিদিরে আঘে।”

মথি লেখ্যে গম্ হবর্ 12:31

ইয়েনত্তে মুই তমারে কঙর্, মান্‌জ্যর্ বেক্ পাপ্পানি আর গোজেন বিরুদ্ধে অগমানর্ কধানি খেমা গরা অবঅ, মাত্তর্ পবিত্র আত্মার বিরুদ্ধে অগমানর্ কধানি খেমা গরা ন-অবঅ।

মথি লেখ্যে গম্ হবর্ 12:8

ইদোত্ রাগঅ, মান্‌জ্য পুয়োবো জিরেবার্ দিন্নোর্ গিরোজ্‌।”

মথি লেখ্যে গম্ হবর্ 13:22

কাদা ঝুবো ভিদিরে পোজ্যে বীজিগুনো মাধ্যমে তারা পৌইদ্যেনে কুয়ো ওইয়্যে যিগুনে সে কধানি শুনোন্, মাত্তর্ সংসারর্ চিন্তে-ভাবনা আর ধন-সোম্বোত্তির্ মেয়্যেলোই সেই কধাগানরে চাপি রাগায়। সেনত্তে সেক্কে কনঅ ফল ন-অয়।

মথি লেখ্যে গম্ হবর্ 13:39

যে শত্রুবো বীজি ফেলেয়্যে তে অলঅ শদান্, আর শোজ্য কাবিবার অক্তবো অলঅ এ যুগোর্ থুম্ সময়। যিগুনে শোজ্য কাবিবাক্ তারা অলাক্ স্বর্গদূত।

মথি লেখ্যে গম্ হবর্ 13:40

শ্যামাঘাস তুবেইনে যেধোক্ক্যেন্ আগুনোত্ পুড়ি দিয়্যে অয়, যুগোর্ থুম্ অক্তত্অ ঠিগ্ সেধোক্ক্যেন্ অবঅ। মান্‌জ্যপুয়োবো তা স্বর্গদূত্‌তুনোরে পাধেই দিবো।

মথি লেখ্যে গম্ হবর্ 13:55

ইবে কি সেই গাজ কালিগরর্ পুয়োবো নয়? তা মাবো নাঙান্ কি মরিয়ম নয়? আর তা ভেইয়ুন কি যাকোব, যোষেফ, শিমোন আর যিহূদা নয়?

মথি লেখ্যে গম্ হবর্ 8:20

যীশু তারে কলঅ, “শিয়েলর্ গাঢ্ আঘে আর পেগোর্ পেগোবা আঘে, মাত্তর্ মান্‌জ্য পুয়োবোর্ মাঢা থবার্ জাগা কনমিক্ক্যে নেই।”

মার্ক 10:30

তে এ যুগোত্ তার একশঅ গুন্ বেশ্ ঘর-বাড়ি, ভেই-বোন, মা, পুয়ো-ঝি আর জাগা-জোবিন্ পেবঅ আর সমারে সমারে অত্যেচার্‌‌‍অ পেবঅ; আর এজেত্তে যুগোত্ তে উমর জিংকানি পেবঅ।

মার্ক 3:28

মুই তমারে ঘেচ্চেকগুরি কঙর্, মান্‌‌‌‌জ্যর্ বেক পাপ্পানি আর গোজেনর্ বিরুদ্ধে অগমানর্ কধানি খেমা গরা অবঅ,

মার্ক 3:29

মাত্তর্ পবিত্র আত্মার্ বিরুদ্ধে অগমানর্ কধানি কনদিন্‌‌অ খেমা গরা ন-অবঅ। সে মানুচ্চোর্ পাপ্পানি উমরত্তে থেবঅ।”

লূকে লেখ্যে গম্ হবর্ 12:10

মান্‌জ্যপুয়োবোর্ বিরুদ্ধে কেঅ কনঅ কধা কলে তারে ক্ষেমা গরা অবঅ, মাত্তর্ যুনি কেঅ পবিত্র আত্মার্ বিরুদ্ধে অগমানর্ কধা কয় তারে ক্ষেমা গরা ন-অবঅ।

লূকে লেখ্যে গম্ হবর্ 16:8

সেই চাগর্‌বো অসৎ অলেয়ো বুদ্ধি গুরি কাম্ গুরিলো বিলি গিরোজে তারে নাঙ্ গিনিলো। ইয়েন্দোই বুঝো যায় যে, এ জগদর্ মানুচ্চুনে নিজো ধোক্ক্যেন্ মানুচ্চুনো সমারে আচার-বেবহারে পঅর্ রেজ্যর্ মানুচ্চুনোত্তুন্-অ বেশ্ বুদ্ধিবলা।

লূকে লেখ্যে গম্ হবর্ 18:30

তারা বেক্কুনে এ যুগোত্ বোউত্ বেশ্ পেবাক্ আর এজেত্তে যুগোত্ উমর্‌‌‌‌অ জিংকানি পেবাক্।”

লূকে লেখ্যে গম্ হবর্ 23:34

সেক্কেনে যীশু কলঅ, “বাহ্, ইগুনোরে ক্ষেমা গর্, কিয়া ইগুনে কি গত্তন্ সিয়েন কোই ন-পারন্।” তারা চাম্বা চেইনে যীশুর লাম্বা সিলুম্মো নিজো ভিদিরে ভাগাভাগি গুরি নিলাক্।

লূকে লেখ্যে গম্ হবর্ 7:34

আর মান্‌জ্যপুয়োবো এইনে হানা-দানা গোজ্যে বিলি তুমি কত্তে, চঅ, এ মানুচ্চো পেদুক্ আর মদখুর্, খাজানা তুলিয়্যে আর বজং মানুচ্চুনোর্ সমাজ্যে।

যোহন 7:12

ঝাগ ভিদিরে মানুচ্চুনে যীশু পৌইদ্যেনে পুযু পুযু গুরি নিজো ভিদিরে ভালোক্কানি কধা কুয়ো ধুরিলাক্। কেঅ কেঅ কলাক্, “তে গম্ মানুচ্‌।” আরঅ কেঅ কেঅ কলাক্, “নয়, তে মানুচ্চুনোরে ভুল্ পধেদি নেযার্।”

যোহন 7:39

যীশু উগুরে বিশ্বেজ্ গুরিনে যিগুনে পবিত্র আত্মাগানরে পেবাক্ সেই পবিত্র আত্মাগান পৌইদ্যেনে যীশু এ কধাগান কলঅ। পবিত্র আত্মাগানরে সেক্কেয়ো দিয়্যে ন-অয় কিয়া সেক্কেয়ো যীশু তা মহিমাগান্ ফিরি ন-পায়।

যোহন 7:52

ফরীশীগুনে নীকদীমরে জোব্ দিলাক্, “তুইয়ো কি গালীলো মানুচ্‌? পবিত্র বোইবোত্ তোগেই চাহ্, গালীলোত্ কনঅ ভাববাদীর জোর্মেবার্ কধা নেই।”

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

ইফিষীয় 1:21

আগাজত্ যিগুনো আঢত্ বেক্ শাসন, খেমতা, বল্ আর রাজাগিরি আঘে তারারে তে খ্রীষ্টর্ অধীন গোজ্জ্যে। আর যিবেরে যে নাঙ্ দিয়্যে অদঅ সাৎ, সিয়েন তে এ যুগোত্ ওক্‌ বা এজেত্তে যুগোত্ ওক্‌, বেক্‌ নাঙান উগুরে খ্রীষ্টর্ নাঙান্।

১ তীমথিয় 1:13

যুনিয়ো মুই আগে খ্রীষ্টরে বদ্‌নাঙ গত্তুং আর অত্যেচারী আহ্ ভান্ন্যেইরাগী এলুং তো মরে তে এ কামত্ বেঈ লোইয়্যে। মরে তে দোয়্যে গোজ্জ্যে, কিয়া মর্ অবিশ্বেজত্যে মুই হবর্ ন-পেইনে সিয়েনি বেক্কানি গত্তুং।

১ তীমথিয় 1:15

এ কধাগান বিশ্বেজ্‌বলা আর পুরোপুরি গুরিনে মানি লবার্‌অ যগাজ্জ্যে যে, পাপত্তুন্ পাপীগুনোরে উদ্ধোর্ গুরিবাত্যে খ্রীষ্ট যীশু জগদত্ এচ্চ্যে।

১ তীমথিয় 4:8

কিয়্যেগানদি ব্যায়ামত্ কিজু লাভ অয় সত্য, মাত্তর্ গোজেন-ভোক্তিলোই বেক্কানিন্দি লাভ্ অয়; সিয়েনত্যে এ জিংকানিত্ আর পর জিংকানিত্যে আজা আঘে।

১ তীমথিয় 6:17

যিগুনে এ জগদত্ থাগোইয়্যে তারারে এ উগুমান দে যেন তারা দেমাগ্ ন-গরন আর কানগ্‌‌কন্ন্যে ধন উগুরে নির্ভর ন-গুরিনে গোজেন উগুরে নির্ভর গরন। তেয়ই ভোগ্ গুরিবাত্যে বেক্ জিনিস্‌‌চানি খুলো আঢে আমারে দান গরে।

২ তীমথিয় 4:10

কিয়া দীমা ইধুগোর্ জগদ্‌তানরে কোচ্‌পেইনে মরে ফেলেইনে থিষলনীকীত্ যেয়্যেগোই। ইয়েনবাদে ক্রীষ্কেন্ত গালাতিয়াত্ আর তীতে দালমাতিয়াত্ যেয়্যে;

তীত 2:12

এই দোয়্যেগানে আমারে শিক্ষ্যে দেত্তে যেন আমি গোজেন উগুরে ভোক্তি-নেইয়্যে আর জগদর্ কামনা-বাসনারে এলাফেলা গুরিনে এ জগদত্ নিজোরে দোঙেই রাগেইনে গোজেন-ভোক্তি সমারে গম্ জিংকানি কাদেই,

যাকোব 1:27

রানী মিলে আর বাপ্-মা নেইয়্যেগুনোর্ দুঘোত্ তারার্ দেগাশুনো গরানা আর জগদর্ বেক্‌ কাজরানিত্তুন্ নিজোরে সাব্ রাগানা অলঅ বাবা গোজেনর্ চোগেদি খাটি আর সত্য ধর্ম।