মথি লেখ্যে গম্ হবর্ 12:31 - Chakma Bible

³¹ ইয়েনত্তে মুই তমারে কঙর্, মান্‌জ্যর্ বেক্ পাপ্পানি আর গোজেন বিরুদ্ধে অগমানর্ কধানি খেমা গরা অবঅ, মাত্তর্ পবিত্র আত্মার বিরুদ্ধে অগমানর্ কধানি খেমা গরা ন-অবঅ।

মথি লেখ্যে গম্ হবর্ 12:31 ပူးပေါင်းရင်းမြစ်များ

যিশাইয় 1:18

লগেপ্রভু আরঅ কোইয়্যেদে, “ইক্কিনে এজঅ, আমি বুঝোপাড়া গুরিই। যুনিয়ো তমার্ বেক্ পাপ্পানি দোক্ দোক্ক্যে রাঙা ওইয়্যে তো সিয়েনি বরফ ধোক্ক্যেন ধুব্ অবঅ; যুনিয়ো সিয়েনি রাঙা রঙর্ ওইয়্যে তো সিয়েনি ভেড়া কেশ ধোক্ক্যেন্ ধুব্ অবঅ।

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

যিহিষ্কেল 33:11

তুই তারারে কঅ, মুই প্রভু লগেপ্রভু, মর্ জিংকানির নাঙে কঙর্, পাজি মানুচ্চুনোর মরণত্তে মুই কনঅ হুজি ন-অং, বরং তারা যেন ভান্ন্যেই পধত্তুন্ ফিরিনে বাঁজন্ সিয়েন্দোই মুই হুজি অং। ও ইস্রায়েল জাদ্, তুমি ফিরো, তমা ভান্ন্যেই পধত্তুন্ তুমি ফিরো। কিত্তে তুমি মুরি যেবা?

লেবীয় 24:16

ভান্ন্যেই নাঙে যে লগেপ্রভুর নাঙ্‌ নিবো তারে মারে ফেলা অবঅ। ইস্রায়েলীয়গুনে তারে পাত্তর মেলা দিইনে মারে ফেলেবাক্। ইস্রায়েলীয় ওক্‌ বা তারা ভিদিরে বজত্তি গোজ্যে অন্য জাদর মানুজোই ওক্‌, যে কনজনে ভান্ন্যেই নাঙে লগেপ্রভুর নাঙান্‌ নিবাক্‌ তারে মারে ফেলা অবঅ।

লূকে লেখ্যে গম্ হবর্ 12:10

মান্‌জ্যপুয়োবোর্ বিরুদ্ধে কেঅ কনঅ কধা কলে তারে ক্ষেমা গরা অবঅ, মাত্তর্ যুনি কেঅ পবিত্র আত্মার্ বিরুদ্ধে অগমানর্ কধা কয় তারে ক্ষেমা গরা ন-অবঅ।

প্রেরিত্‌ 7:51

ও একবুচ্চ্যে জাদ্! অযিহূদীগুনো ধোক্ক্যেন্ তমার কানানি আর মনানি, আর তুমিয়ো ঠিগ্ তমা পূরোণি মানুচ্চুনো ধোক্ক্যেন্। তুমি আমিযে পবিত্র আত্মাগানরে মানা গুরি থাগঅ।

ইব্রীয় 10:26

গোজেনর্ সত্যগানরে জানানার্ পরেদি যুনি আমি ইচ্চ্যে গুরিনে পাপ গরানাত্ থেই সালে পাপত্যে আমার আর্ কনঅ উৎসর্ব নেই;

ইব্রীয় 10:29

সালে গোজেনর্ পুয়োবোরে যে ঈচ্ গোজ্জ্যে, যে লো-গান্দোই তে সিজি ওইয়্যে গোজেনর্ সেই বেবস্থার্ লো-গানরে যে অপবিত্র মনে গোজ্জ্যে আর যে দোয়্যে গরে সেই পবিত্র আত্মাগানরে যে অগমান গোজ্জ্যে, ভাবি চঅ, তে আরঅ কত্তমান বেশ্ সাজা পেবার্!

ইব্রীয় 6:4

কিয়া যিগুনে একবার্ পহ্‌রান দেক্ক্যন, স্বর্গীয় দানর্ সুয়োদ্‌তান আর পবিত্র আত্মার্ আভা পেইয়োন,

১ যোহন 1:9

আমি যুনি আমার পাপ্পানি স্বিগের্ গুরিই সালে তে সেক্কেনে আমার পাপ্পানি ক্ষেমা গরে আর বেক্‌ অন্যেয়ত্তুন্ আমারে সিজি গরে, কিয়া তে বিশ্বেজ্‌বলা আর কনদিনঅ অন্যেয় ন-গরে।

১ যোহন 5:16

যুনি কেঅ তা ভেইয়োরে এন্‌ গুরি পাপ গত্তে দেগে যিয়েন মরেদে ধোক্ক্যেন নয়, মাত্তর্ তে গোজেন ইধু মাগি চেবঅ আর সেক্কে তে তারে বাজেই রাগেব। মুই ইয়েনত্ তারা কধা কঙর্ যিগুনে পাপ গত্তন্ অদচ তারার্ পাপ্পানি মরেদে ধোক্ক্যেন নয়। মাত্তর্ মরেদে ধোক্ক্যেন পাপ্অ আঘে। সে পৌইদ্যেনে কোজোলি গুরিবার কধা মুই তমারে ন-কঙর্।