মথি লেখ্যে গম্ হবর্ 12:27 - Chakma Bible

²⁷ তুমি কত্তে মুই অসিজি আত্মাগুনোরে ধাবাং কারন বেল্‌‌‌সবূলে মরে খেমতা দিয়্যে সিয়েনি গুরিবাত্যে। ঠিগ আঘে, সালে তমা মানুচ্চুনোরে কন্না খেমতা দিয়্যে কা বল্লোই তারারে ধাবান্? তুমি ঠিগ্ কধা কর্ না কি, তমা মানুচ্চুনে সিয়েন্ বিচের্ গুরিবাক্।

মথি লেখ্যে গম্ হবর্ 12:27 ပူးပေါင်းရင်းမြစ်များ

মথি লেখ্যে গম্ হবর্ 10:25

ছাত্র পক্ষে মাষ্টর ধোক্ক্যেন্ অনা আর চাগর পক্ষে গিরোজ ধোক্ক্যেন্ অনা যদেষ্ট। ঘর গিরোজরে যেক্কে তারা বেল্‌সবূল কোইয়োন সেক্কে ঘরর্ অন্য বেক্কুনোরে আরঅ কদক্ বেশ্ গুরি না বেল্‌সবূল কবাক্।

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

মথি লেখ্যে গম্ হবর্ 9:34

মাত্তর্ ফরীশীগুনে কলাক্, “তে ভুদ্‌তুনোর রাজার সাহায্যলোই ভুদ্‌তুনোরে ধাবেই দি পারে।”

লূকে লেখ্যে গম্ হবর্ 11:19

মুই যুনি এবাবোত্যেগুরি তারারে ধাবাং, কেধোক্ক্যেন গুরি তঅ মানুচ্চুনে ধাবান্? তঅ নিজো মানুচ্চুনে প্রমাণ গুরিবাক্ যে তুমি ঠিগ নয়!

লূকে লেখ্যে গম্ হবর্ 19:22

সেক্কে তে তারে কলঅ, তুই পাজি চাগর্ ! তঅ মুয়ো কধালোই মুই তর্ বিচের্ গুরিম্। তুই দঅ কোই পারচ্, মুই আঘাত্যে মানুচ্; যিয়েন্ ন-থুবাং সিয়েন লোই থাং আর যিয়েন ন-লাগাং সিয়েন্ কাবং।

রোমীয় 3:19

আমি কোই পারিই মোশির্ রীদি-সুদোম তারাত্যে যিগুনে সেই রীদি-সুদোমর্ অধীন। সেনত্তে যিহূদী- অযিহূদী কারর্ কিচ্চু কবার্ নেই, বেক্ মানুচ্চুন্ গোজেন ইধু দুষি ওই আঘন্।