মথি লেখ্যে গম্ হবর্ 12:25 - Chakma Bible

²⁵ তারা কি ভাবদন্ সিয়েন যীশু কোই পারিদো আর তারারে কলঅ, যে রেজ্যগান নিজো ভিদিরে ভাগ্ ওই যায় সে রেজ্যগান্ ভস্ত অয়। আর যে শঅরান্ বা পরিবার্‌‌বো নিজো ভিদিরে ভাগ্ ওই যায় সে শঅর্ বা পরিবার ন-টিগে।

মথি লেখ্যে গম্ হবর্ 12:25 ပူးပေါင်းရင်းမြစ်များ

১ রাজাবলী 16:21

ইয়েনর্‌ পরেন্দি ইস্রায়েলীয়গুনে দ্বিদলত্‌ ভাগ্‌ ওই গেলাক্‌। তারার্‌ অদ্দেক্‌ মান্‌জ্যে চেলাক্‌ গীনতের পূঅ তিব্‌নিরে রাজা গুরিবাত্তে আর বাগি অদ্দেক্ মান্‌‌জে চেলাক্‌ অম্রিরে রাজা বানেবাত্তে।

গীতসংহিতা 139:2

মুই যিয়েনি গরং সিয়েনি বেক্কানি দঅ তুই হবর্ পাজ্; তুই দূরোত্তুন্ মঅ মন কধানি বুঝোচ্।

যিশাইয় 9:21

মনঃশি ইফ্রয়িমর আর ইফ্রয়িম মনঃশির য়েরা হেবাক্, আর তারা এক সমারে যিহূদা বিরুদ্ধে উদিবাক্। এজঅ সং তা আঢ্‌‌‌‌তান তুল্যে আঘে।

যিরমিয় 17:10

মুই লগেপ্রভু মনান তোগেইনে চাং আর মনরে জগা চাং; মুই মান্‌‍‌জ্যর আদাউদো আর তার্ কামর্ পাওনা মজিম ফল্ দুয়োং।‍‍

আমোষ 4:13

মনত্ রাগা, যিবে মুড়ো-মুড়ি বানায়, বোইয়্যের্ বানায় আর মান্‌‌‌‌জ্য ইধু নিজোর্ চিন্তেগানি ফগদাং গরে, যিবে পহ্‌‌‌‌রানরে আন্ধার্ গরে আর পিত্‌‌‌‌থিমীর মুড়ো-মুড়ি উগুরেদি আঢে সিবে নাঙান্ বেগত্তুন্ খেমতাবলা লগেপ্রভু গোজেন।

মথি লেখ্যে গম্ হবর্ 9:4

যীশু তারার্ মন কধা কোই পারিনে কলঅ, “তুমি মনে মনে ভান্ন্যেই চিন্তে কিত্তে গরর্?

মার্ক 2:8

তারা যেদক্কানি ভাবদন্ সিয়েনি যীশু নিজোর্ মনত্ সেক্কেনে বুঝি পারিলো। ইয়েনত্তে তে তারারে কলঅ, “তুমি কিত্ত্যে মনে মনে সিয়েনি ভাবর্?

যোহন 21:17

পরেদি তে তিনবার্ শিমোন-পিতররে কলঅ, “যোহনর্ পুয়ো শিমোন, ঘেচ্চ্যেক্‌গুরি কি মুই তর্ পরাণর্?” পিতরে এবার্ মনত্ দুঘ্ পেলঅ, কিয়া যীশু এই তিনবার্ তারে পুযোর্ গুরিলো, “মুই কি ঘেচ্চ্যেক্‌গুরি তর্ পরাণর্?” ইয়েনত্যে পিতর যীশুরে কলঅ, “প্রভু, তুই বেক্কানি হবর্ পাজ্; তুই দঅ হবর্ পাজ্, তুই মর্ ভারী পরাণর্।” যীশু তারে কলঅ, “মঅ ভেড়াগুনোরে চরা।

১ করিন্হীয় 2:11

মান্‌জ্য ভিদিরে এমন্‌ কন্না আঘে, যে অন্য মান্‌জ্যর্ মন কধা কোই পারে? মান্‌জ্য ভিদিরে যে আত্মাগান্ আঘে তেয়ই বানা তার্ নিজোর্ মনর্ কধা কোই পারে। সে বাবোত্যে, গোজেনর্ আত্মা বাদে গোজেনর্ মন কধা অন্য কনজনে কোই ন-পারন।

গালাতীয় 5:15

মাত্তর্ যুনি তুমি একজন আরেকজন সমারে কোল্-কোজ্জ্যে গরঅ সালে উজিয়ার্! এবাবোত্যে গুরিলে তুমি দঅ একজন আরেকজনরে ভস্ত গুরি ফেলেবা।

ইব্রীয় 4:13

সৃট্টির কিচ্চু গোজেন ইধু লুগেইয়্যে নেই। যিবে ইধু আমার ইজেব দিয়্যে পরিবো তা চোগো মুজুঙোত্ বেক্কানি মেল্যে আর ফগদাং পেইয়্যে।

ফগদাং পেইয়্যে 16:19

সেই নাঙ্-গোজ্জ্যে শঅরান তিন ভাগে ভাগ ওই গেলঅ আর নানান্ জাদর্ শঅরানি ভাঙি পড়ি গেলঅ। যেরেদি সেই নাঙ্-গোজ্জ্যে বাবিল কধা গোজেনর্ মনত্ পড়িলো, আর তে তার্ রাগে দর্‌গরেপারা মদ গলচ্চো ভোরেইনে বাবিলরে হেবাত্যে দিলো।

ফগদাং পেইয়্যে 2:23

তার্ পুয়ো-ছাগুনোরেয়ো মুই মারে ফেলেম। সেক্কে বেক্‌ মন্ডলীগুনে কোই পারিবাক্ যে, মুই মান্‌জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।