মথি লেখ্যে গম্ হবর্ 12:20 - Chakma Bible

²⁰ ন্যায়বিচেরানরে জিদেই ন-দেনা সং তে বুধি যেইয়্যে নল্লো ন-ভাঙিবো আর এক্কা এক্কা জুলি থেইয়্যে চেরাগ বুদ্দি ন-মারেবা।

মথি লেখ্যে গম্ হবর্ 12:20 ပူးပေါင်းရင်းမြစ်များ

২ রাজাবলী 18:21

তুই দঅ বিশ্বেজ্ গোজ্যস্‌ সেই বুদি যেইয়্যে নল, অর্থাৎ মিসর উগুরে। যে সেই নল্লো উগুরে বিশ্বেজ্ গুরিবো সিবেই তা আত্তান্‌ কানা গুরি দিবো। মিসর রাজা ফরৌণ উগুরে যিগুনে বিশ্বেজ্ গরন্‌ তারা উগুরে তে সেধোক্ক্যেন গরে।

গীতসংহিতা 147:3

যিগুনোর্ মনানি ভাঙি যেইয়্যে তে তারারে দোল্ গুরিবো; তারার বেক্ ঘা গানি তেয়ই বানি দে।

গীতসংহিতা 51:17

ভাঙিপোজ্যে মনানই গোজেনর মানি লোইয়্যে উৎসর্ব; ও গোজেন, বুযিপোজ্যে (নত আহ্ নম্র) মনানিরে তুই তুচ্ছো ন-গুরিবে।

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিহিষ্কেল 34:16

যিগুনে আজি যেইয়োন্ মুই তারারে তোগেম্ আর যিগুনে ভান্ন্যেই পধেদি যেইয়োন তারারে ফিরেই আনিম। মুই আহতগুনোরে ঘা-গানি বানি দিম্ আর বল্‌‌পোজ্যেগুনোরে সবল্ গুরিম্, মাত্তর্ পক্তামক্তা আর বোলিবন্দগুনোরে মুই ভস্ত গুরিম, কিত্যে মুই ন্যায়বিচেরর্ মাধ্যমে মর্ পালুনোরে দেগাশুনো গুরিম।

লেবীয় 10:20

জোব্‌পান শুনিনে মোশি হুজি অলঅ।

মথি লেখ্যে গম্ হবর্ 11:28

“তুমি যিগুনে অরান্ ওইয়ো আর ভুধি বুগিনে বেড়র্, তুমি বেক্কুনে মইধু এজঅ; মুই তমারে জিরেবাত্তে দিম্।

মথি লেখ্যে গম্ হবর্ 11:7

যোহন শিচ্চ্যগুন ফিরি যাদন্, এমন্ সময়োত্ যীশু মানুচ্চুনো ইধু যোহন পৌইদ্যেনে কুয়ো আরাম্ভ গুরিলো, “তুমি ধূল্যেচর-চাগালাত্ কি চেবাত্তে যেইয়ো? বোইয়্যেরত্ দুল্যে নল্-খাগড়া?

লূকে লেখ্যে গম্ হবর্ 4:18

“গোজেন আত্মাগান্ মঅ উগুরে আঘে, কিয়া তেয়ই মরে নেযেয়্যে যেন মুই নাঢা মানুচ্চুনো ইধু গম্ হবর্ ফগদাং গরং । তে মরে বন্দীগুনো ইধু স্বাধীনতার্ কধা, কান্ মানুচ্চুনো ইধু দেগিবার্ কধা ফগদাং গুরিবাত্তে পাধেয়্যে। যিগুনো উগুরে অত্যেচার্ অর্, তে মরে সিগুনোরে উদ্ধোর্ গুরিবাত্তে পাধেয়্যে।

২ করিন্হীয় 2:14

গোজেনরে ভালেদি জানেই যে, আমি খ্রীষ্ট সমারে মিজেয়্যেই বিলিনে গোজেনে তার্-জিদেনার পদথ্ নিত্য আমারে চালেই নেযার্। খ্রীষ্টরে জানানা এক্কান তুম্বাজ ধোক্ক্যেন। গোজেনে তার্ জিদেনার্ পদথ্ সেই তুম্বাজ্‌চান আমা মাধ্যমে বেক্‌ জাগাইধু ছিদিই দে।

২ করিন্হীয় 2:7

তুমি বরং ইক্কিনে তারে ক্ষেমা গরঅ আর সান্তনা দুয়ো, যেন অমকদ দুঘোত্ তে আজা ন-আরায়।

ফগদাং পেইয়্যে 6:2

যিবে তা উগুরে বৈ এলঅ তা আঢত্ এক্কান ধনু এলঅ। তারে এক্কো মুকুট দিয়া অলঅ আর তে জিত্যেদে ধোক্ক্যেন নিগিলিনে জয় গত্তে গত্তে গেলঅ।