14 সেক্কে ফরীশীগুনে বারেদি গেলাক্ আর যীশুরে মারে ফেলেবাত্তে তা বিরুদ্ধে তেম্মাং গরা ধুরিলাক্।
বেন্যেমাদান্ আজল্ ধর্মগুরুগুনে আর বুড়ো নেতাগুনে বেক্কুনে যীশুরে মারে ফেলেবার্ কধাগান্ ঠিগ্ গুরিলাক্।
সেক্কেনে উদ্ধোর-পরব্ আর সদানেইয়্যে রুটি পরবর্ বানা আর দ্বিদিন বাগি। আজল্ ধর্মগুরুগুনে আর ধর্ম-মাষ্টরুনে ভিদিরে ভিদিরে যীশুরে ধুরিনে মারে ফেলেবার্ পথ্তান্ তগাদন্।
সেক্কে ফরীশীগুনে বারেদি সমাজ-ঘরত গেলাক্ আর কিবাবোত্যেগুরি যীশুরে মারে ফেলা যায় সে পৌইদ্যেনে রাজা হেরোদ দল মানুচ্চুনো লগে সল্লা গরা ধুরিলাক্।
আঝল্ ধর্মগুরুগুনে আর ধর্ম-মাষ্টরুনে মানুচ্চুনোরে দোরেদাক্, আর তারা যীশুরে ভিদিরে ভিদিরে মারে ফেলেবাত্যে পধ্ তগাদন্।
সেক্কে তারা অমকদ রাগ্ গুরিলাক্ আর যীশুরে নিইনে কি গরা যায় সিয়েন্ নিজো ভিদিরে কুয়ো-কি গরা ধুরিলাক্।
সেক্কে যিহূদী নেতাগুনে তারে মারিবাত্যে আরঅ পাত্তর্ তুবেলাক্।
সেক্কে যিহূদী নেতাগুনে আরঅ যীশুরে ধুরিবাত্তে চেলাক্, মাত্তর্ তে তারা আঢত্তুন্ ছুদি গেলঅ।
সে দিনোত্তুন্ ধুরি যিহূদী নেতাগুনে যীশুরে মারে ফেলেবাত্তে কুজুরোমি গরা ধুরিলাক্।
আজল্ ধর্মগুরু আর ফরীশীগুনে উগুম্ দুয়োন্দে যে, যীশু কুধু আঘে সিয়েন্ যুনি কেঅ কোই পারে সালে তে যেন হবরান্ তারারে জানায় যাতে তারা যীশুরে ধুরি পারন্।
যীশুর এ কধানত্যে যিহূদী নেতাগুনে তারে মারে ফেলেবাত্যে ফন্দি গরা ধুরিলাক্, কিয়া তে যে বানা জিরেবার্ দিনুনোর সুদোম্ ভাঙে সিয়েন্ নয়, গোজেনরে নিজোর্ বাপ্ বিলি ডাগিনে নিজোরে গোজেন সং অ গোজ্যে।
ইয়েন্দোই সেই মানুচ্চুনে যীশুরে ধুরিবাত্তে চেলাক্, মাত্তর্ সেক্কেয়ো তার সময় ন-অয় বিলি কনজনে তা কিয়্যেত্ আঢ্ ন-দিলাক্।
মানুচ্চুনে যে যীশু পৌইদেনে এ বেক্কানি কুয়োকি গত্তন্ সিয়েনি ফরীশীগুনে শুনিলাক্। সেক্কে আজল্ ধর্মগুরুগুনে আর ফরীশীগুনে যীশুরে ধুরিবাত্যে কয়েক্কো চাগররে পাধেই দিলাক্।
কয়েকজনে যীশুরে ধুরিবাত্তে চেলাক্ মাত্তর্ কনজনে তা কিয়্যেত্ আঢ্ ন-দিলাক্।