মথি লেখ্যে গম্ হবর্ 11:28 - Chakma Bible

²⁸ “তুমি যিগুনে অরান্ ওইয়ো আর ভুধি বুগিনে বেড়র্, তুমি বেক্কুনে মইধু এজঅ; মুই তমারে জিরেবাত্তে দিম্।

মথি লেখ্যে গম্ হবর্ 11:28 ပူးပေါင်းရင်းမြစ်များ

ইয়োব 14:1

মিলে পেদত্‌ জোর্মেয়্যে মানুচ্চুনোর্‌ জিংকানি কয়েকদিনোর্‌, আর সিয়েন্‌ দুঘে ভরা।

ইয়োব 5:7

যেধোক্ক্যেন্ সত্য যে আগুনো ঝিলান্‌ উগুরেন্দি উদে, সেধোক্ক্যেন্ সত্য, মান্‌জ্যে দুঘ্‌ পেবাত্তে জর্মান।

গীতসংহিতা 116:7

ও মর্ পরাণান, আরঅ এক্কানা অলর্ অ, কিত্তে লগেপ্রভু তরে বোউত্ ভালেদি গোজ্যে।

গীতসংহিতা 32:4

কিত্যে সেক্কেনে দিনে-রেদে মঅ উগুরে তর্ আঢঅ চাপ্পান্ গুয়োর্ এলঅ; হরান্যেকালর্ গরমে যেধোক্ক্যেন্ অয় সেধোক্ক্যেন গুরি মর্ কি্য়্যের্ বলান কুমি যার্।

গীতসংহিতা 38:4

মর্ অন্যেয়ানি ভিদিরে মুই চোম্মোংগোই; সিয়েনি এমন্ গুয়োর ওইয়্যে যিয়েনি মুই বুয়োই ন-পারং।

গীতসংহিতা 94:13

যেনে দযার্ দিনোত্ তে বল্ পায়, যেদকদিন সং পাজি মানুচ্চুনোত্যে গাত্ কুড়োনা থুম্ ন-অয়।

উপদেশক 1:14

বেলান তলেদি যিয়েনি গরা অয় সিয়েনি বেক্কানি মুই দেগিলুং, দেগিলুং বেক্কানি বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 1:8

বেক্কানি ঘুরি ঘুরি এজে আর বল্‌পোজ্যে অয়; সে পৌইদ্যেনে কবার্ কধা কারর্ নেই। চোগ্‌কুনে যেদক্ দেগিদাক্ সাৎ আরঅ দেগিবাত্তে চায়, কানানিয়ে যেদক্ শুনিদো সাৎ আরঅ শুনিবাত্তে চায়।

উপদেশক 4:8

কনঅ এক্কো মানুচ্ এক্কুবারে গায় গায়-তার্ পুয়োও নেই, ভেইঅ নেই; তো তার্ কামর্ শেজ্ নেই আর ধন-সোম্বোত্তিলোই তা চোগ্ ন-ভরে। তে পুযোর্ গুরিলো, “কাত্তে মুই কাম্ গরঙর্? কিত্তে রঙ্গ-ফুত্তিত্তুন্ নিজোরে সোরেই রাগেয়োং?” ইয়েন্ বাহ্‌জে, অমকদ দুঘোর্ কধা।

যিশাইয় 1:4

হায়! তারা এক্কো পাপে ভরা জাদ, দুষোর্ ভারে ভোজ্যে মানুচ্, অন্যেয় গুরিয়্যেগুনোর্ বংশ, ভান্ন্যেই কাম গোজ্যে পুয়ো। তারা লগেপ্রভুরে ছাড়ি যেইয়োন্ আর ইস্রায়েলর্ সেই পবিত্র মানুচ্চোরে এলাফেলা গোজ্যন্ আর তা পিজেদি ফিজ্যন্।

যিশাইয় 11:10

সেদিন্যে যিশয়র গড়াগান্ বেক্ জাদ্‌তুনোত্তে বাবতা ধোক্ক্যেন্ ওইনে থিয়্যেব; বেক জাদ্‌তুনে তাইদু এগত্তর্ অবাক্ আর তার জিরেবার জাগায়ান্ বাঈনী গরে পারা অবঅ।

যিশাইয় 28:12

তে তারারে কোইয়্যেদে, “ইয়েনই সেই জিরেবার্ জাগা, বল্‌‌পোজ্যে মানুচ্চুনে ইয়োত্ জিরেদোক্। চঅ, ইয়েন সেই আরামর্ জাগা।” মাত্তর্ তারা সিয়েন ন-শুনিলাক্।

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

যিশাইয় 66:2

ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

যিরমিয় 31:25

মুই বল্‌পোজ্যেগুনোরে তাজা গুরিম আর বল্‌পোজ্যেগুনোর মনানি দরমর গুরিম‍।” ‍‍‍‍‍‍‍‍‍‍‍‍‍

যিরমিয় 35:16

রেখবর পুয়ো যিহোনাদবর বংশধরুনে তারার পুরোণি মানুচ্চুনোর দিয়্যে উগুমানি পালেই এত্তন, মাত্তর্ তুমি মঅ কধালোই বাধ্য ন-অ।

যিরমিয় 6:16

লগেপ্রভু তা মানুচ্চুনোরে কত্তে, “তুমি চেরান্ পধ মুয়োত্ থিয়্যেইনে রিনি চঅ পুরোণ পধ কধা পুযোর্ গরঅ; গম্ পথ্‌‌তান্ কুদু সিয়েন পুযোর্ গুরিনে সেই পধেদি আঢঅ। সেক্কে তুমি নিজো নিজো মনত্ জিরেন পেবা। মাত্তর্ তুমি কোইয়োদে, ‘আমি সে পধেদি ন-চলিবোং।’

মথি লেখ্যে গম্ হবর্ 11:29

মঅ জুঙোলান্ তমা উগুরে তুলি নেযঅ আর মত্তুন্ শিগো, কিয়া মঅ খাচ্চ্যত্তান্ নরম আর চিদে।

মথি লেখ্যে গম্ হবর্ 23:4

তারা গুয়োর্ গুয়োর্ বুধি বানিনে মান্‌জ্য কানা উগুরে চাপি দুয়োন্, মাত্তর্ সিগুন সোরেবাত্তে নিজে এক্কো আঙুল্অ লাড়েবাত্তে ন-চান্।

যোহন 6:37

বাবা মরে যিগুনোরে দে তারা বেক্কুনে মঅ ইধু এবাক্। যে মইধু এজে মুই তারে কনবাবদে বারেদি ফেলেই ন-দিম্,

যোহন 7:37

পরব শেজ্ দিন্নো এলঅ আজল্ দিন। সেদিন্ন্যে যীশু থিয়্যেইনে রঅ ছাড়িনে কলঅ, “কারর্ যুনি পানি তিরেচ্‌ পায় সালে তে মইধু এইনে পানি হেই যোক্।

প্রেরিত্‌ 15:10

সালে আমা পূরোণি মানুচ্চুনে বা আমি যে পোজাভুগি বুয়োই ন-পারিই সেই পোজা ভুগিবো অযিহূদী বিশ্বেজিগুনো কানাত্ তুলি দিইনে কিত্ত্যে তুমি গোজেনরে যগা চেবার্ চেষ্টা গরর্?

প্রেরিত্‌ 20:35

মুই যিয়েনি গোজ্জ্যং সিয়েনি বেক্কানি তমারে দেগেয়োং, এবাবোত্যেগুরি জদবদে কাম্ গুরিনে বল্‌পোজ্যেগুনোরে সাহায্য গরানা উচিত্ আর প্রভু যীশুর্ এ কধাগান আমাত্তুন্ ইদোত্ রাগানা উচিত, পানাত্তুন্ দেনাত্ আরঅ বেশ্ আশিদ্‌বাদ আঘে।

গালাতীয় 5:1

খ্রীষ্ট আমারে স্বাধীন গোজ্জ্যে যেন আমি স্বাধীন থেই পারিই। সেনত্যে তুমি থির্ থাগঅ, যেন কেঅ আরঅ তমারে চাগর্ বানেই ন-পারে।

২ থিষলনীকীয় 1:7

আর তুমি যিগুনে দুঘ্ পর্ তে আমা সমারে তমারেয়ো রেহাই দিবো। যেক্কে প্রভু যীশু তার্ খেমতাবলা স্বর্গদূত্‌তুনোরে নিইনে জ্বোল্‌জোল্যে আগুনো ভিদিরে স্বর্গত্তুন ফগদাং অবঅ সেক্কেনে ইয়েনি বেক্কানি অবঅ। যিগুনে গোজেনরে ন-জানন্ আর যিগুনে প্রভু যীশু পৌইদ্যেনে গম হবরর্ কধানি ন-মানন্ তারারে তে সেক্কে সাজা দিবো।

ইব্রীয় 4:1

গোজেনর দিয়্যে জিরেবার জাগানত্ যেবার যে এগেমান্ এলঅ সেই এগেমান্ আমাত্যেয়ো খাদে। সেনত্যে আমার উজিয়ার উয়ো পরিবো, যেন কেঅ সেই এগেম্ গোজ্জ্যে বর্ পানার্ যোগ্য নয় বিলি দেগা ন-যায়।

ফগদাং পেইয়্যে 22:17

পবিত্র আত্মাগানে আর বৌবো কত্তে, “আয়”। আর যে এ কধাগান শুন্যে তেয়ো কোগ্, “আয়”। যিবের্ তিরেস্ পেইয়্যে তে এজোক্ আর যে পানি হেবাত্যে চায় তে মাগানা জিংকানি-পানি হেই যোক্।