মথি লেখ্যে গম্ হবর্ 11:24 - Chakma Bible

²⁴ মুই তমারে ঘেচ্চেক্‌গুরি কঙর্, বিচার দিনোত্ সদোমর অবস্থা বরং তমাত্তুন্অ বেশ্ বোউত্ সোজ্য গরেদে ধোক্ক্যেন্ অবঅ।”

মথি লেখ্যে গম্ হবর্ 11:24 ပူးပေါင်းရင်းမြစ်များ

যিরমিয় 23:14

ইয়েন বাদেয়ো যিরূশালেম ভাববাদীগুনো ভিদিরে এ দর্‌গরেপারা বেপারান দেখ্যং, তারা সিনেলী গরন আর মিজে জিংকানি কাদান্। তারা অন্যেয়গুরিয়্যেগুনোর আঢ্‌তানি এমন দরমর গরন যিয়েনত্তে কনজনে সে পাজিগানিত্তুন ন-ফিরোন। তারা বেক্কুনে মইধু সদোম আর ঘমোরা মানুচ্চুনো ধোক্ক্যেন।‍‍‍‍‍‍‍‍‍‍‍‍

আবিলেচ্ 4:6

যে সদোমানরে মুহূত্তো ভিদিরে উল্ল্যে ফেলা ওইয়্যে, যিবে বিরুদ্ধে কনঅ মান্‌জ্যর্ আঢ্ ন-উদে, সেই সদোমর্ পাপত্তুন্‌অ বেশ্ মঅ মানুচ্চুনোর অন্যেয়ান বেশ্।

যিহিষ্কেল 16:48

মঅ কধাগান সত্য যে, তর্ যিগুনে আর তুই যিয়েনি গোজ্যস্ তর্ বোন্নো সদোমে আর তা ঝিগুনে কনদিন্‌অ সিয়েনি ন-গরন। মুই প্রভু লগেপ্রভু এ কধাগান কঙর্।

মথি লেখ্যে গম্ হবর্ 10:15

মুই তমারে ঘেচ্চেকগুরি কঙর্, বিচের দিনোত্ সেই আদামত্তুন্ বরং সদোম আর ঘমোরা শঅরর্ অবস্থা বজমান্ সোজ্য গরেদে ধোক্ক্যেন্ অবঅ।

মথি লেখ্যে গম্ হবর্ 11:22

মুই তমারে ঘেচ্চেকগুরি কঙর্, বিচের দিনোত্ সোর আর সীদোনর অবস্থা বরং তমাত্তুন্ বেশ্ বোউত্ সোজ্য গরেদে ধোক্ক্যেন্ অবঅ।

মথি লেখ্যে গম্ হবর্ 23:14

ফক্কর্ ধর্ম-মাষ্টর আর ফরীশীগুন, অভিশাব্ পোড়োক্ তমার্! এক কিত্তেদি তুমি মানুচ্চুনোরে দেগেবাত্তে লাম্বা লাম্বা গুরি তবনা গরঅ, অন্য কিত্তেদি রানি মিলেগুনোর্ সোম্বোত্তিগানি গজক্ গরঅ। ইয়েনত্তে তমার্ বোউত্ বেশ্ সাজা অবঅ।

মার্ক 6:11

কনঅ জাগার্ মানুচ্ যুনি তমারে মানি ন-লন্ বা তমা কধা ন-শুনোন্, সালে সে জাগায়ান্ ফেলে যেবার অক্তত্ তমা টেঙর্ ধূল্যেগানি ঝাড়ি ফেলেয়ো যেন সিয়েনই তারা বিরুদ্ধে সাক্ষি অয়।”

লূকে লেখ্যে গম্ হবর্ 10:12

মুই তমারে কঙর্, বিচের দিনোত্ সেই আদামত্তুন্ বরং সদোম শঅর মানুচ্চুনো অবস্থা বোউত্ সোজ্য গরেদে ধোক্ক্যেন্ অবঅ।