মথি লেখ্যে গম্ হবর্ 11:22 - Chakma Bible

²² মুই তমারে ঘেচ্চেকগুরি কঙর্, বিচের দিনোত্ সোর আর সীদোনর অবস্থা বরং তমাত্তুন্ বেশ্ বোউত্ সোজ্য গরেদে ধোক্ক্যেন্ অবঅ।

মথি লেখ্যে গম্ হবর্ 11:22 ပူးပေါင်းရင်းမြစ်များ

যিরমিয় 25:22

সোর আর সীদোনর বেক্ রাজাগুনোরে; সাগরর্ ওপারত্ দেজর্ রাজাগুনোরে;

যিরমিয় 27:3

সে পরেদি যিদুক্কুন দূতে ইদোম, মোয়াব, অম্মোন, সোর আর সিদোনর রাজাগুনোত্তুন যিরূশালেমত্ যিহূদার রাজা সিদিকিয় ইধু এচ্চ্যন্ তারারে দিইনে সে রাজাগুনো ইধু হবর্ পাদেবে।

যিহিষ্কেল 29:18

ও মান্‌‌‌‌‌‌জ্যর পুয়োবো, বাবিলর রাজা নবূখদ্‌নিৎসর সোরের বিরুদ্ধে যুদ্ধোর সময় তার সৈন্যদলরে এদক্ বেশ্ খাদেয়্যেদে যে, তারার্ বেক্কুনোর মাঢার্ চুল উদি যেইয়্যে আর কানাগানির চামাড়ানি উদি যেইয়্যে। তো সোরর বিরুদ্ধে তে যে যুদ্ধো চালেয়্যে সিয়োত্ তার বা তা সৈন্যদলর কনঅ লাভ ন-অয়।

যোয়েল 3:4

ইক্কিনে ও সোর, সীদোন আর পলেষ্টীয়ার বেক্ চাগালাগান, মঅ লগে তমার্ কি কুদুম্মো? তুমি কি মঅ উগুরে হেনা সুজোর্? যুনি তুমি মঅ উগুরে হেনা সুজো সালে তুমি যিয়েন গুরিবে সিয়েনই মুই লগে লগে খুব যাদিমাদি তমা নিজো মাঢা উগুরে ফিরেই দিম।

মথি লেখ্যে গম্ হবর্ 10:15

মুই তমারে ঘেচ্চেকগুরি কঙর্, বিচের দিনোত্ সেই আদামত্তুন্ বরং সদোম আর ঘমোরা শঅরর্ অবস্থা বজমান্ সোজ্য গরেদে ধোক্ক্যেন্ অবঅ।

মথি লেখ্যে গম্ হবর্ 11:21

“অভিশাব্ পেইয়্যে কোরাসীন, অভিশাব্ পেইয়্যে বৈৎসৈদা! তমা ভিদিরে যেদক্কানি আমক্ অবার্ কাম্ গরা ওইয়্যে সিয়েনি যুনি সোর আর সীদোন শঅরত্ গরা অদঅ সালে ভালোক্ দিন আগে তারা বস্তা ফাদা পিনিনে ছেই গুলিনে পাপত্তুন্ মনানি ফিরেদাক্।

মথি লেখ্যে গম্ হবর্ 11:24

মুই তমারে ঘেচ্চেক্‌গুরি কঙর্, বিচার দিনোত্ সদোমর অবস্থা বরং তমাত্তুন্অ বেশ্ বোউত্ সোজ্য গরেদে ধোক্ক্যেন্ অবঅ।”

মথি লেখ্যে গম্ হবর্ 12:36

মাত্তর্ মুই তমারে কঙর্, মান্‌জ্যে যেদক্কানি বাজে কধা কন্, বিচের দিনোত্ সিয়েনির পত্তি কধার্ ইজেব্ তারার্ দিয়্যে পড়িবো।

লূকে লেখ্যে গম্ হবর্ 10:14

ঘেচ্চেক্‌গুরি, বিচের দিনোত্ সোর আর সীদোনর্ অবস্থা বরং তমাত্তুন্অ বেশ্ বোউত্ সোজ্য গরেদে ধোক্ক্যেন্ অবঅ।

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।

২ পিতর 2:9

ইয়েনিত্তুন্ দেগা যেদঅ, যিগুনে প্রভুরে ভোক্তি গরন্ তারারে তে দজাত্তুন্ রোক্ষ্যে গুরি জানে। ইগুনবাদে যিগুনে গোজেনভক্ত নয়, বিশেজ্‌গুরি যিগুনে তারার্ পাপ-খাচ্চ্যদর্ ভান্ন্যেই আওজ্ মজিম চলন্ আর শাসনানি তুচ্চো গরন্, তে তারার্ সাজা পেবাত্যে বিচেরর্ দিন্নো সং থোই জানে।

২ পিতর 3:7

আর গোজেনর্ সেই একই কধালোই ইক্কিনে আগাজ্‌চান আর পিত্‌থিমীগান আগুনোত্ পুড়ি দিবাত্যে থুয়ো ওইয়্যে; গোজেন উগুরে ভোক্তি নেইয়্যে মানুচ্চুনোর বিচের আর ভস্তর্ দিন্নো সং সিয়েন রোক্ষ্যে গরা অর্।

১ যোহন 4:17

এবাবোত্যে গুরি কোচ্‌পানাগানে আমা মনভিদিরে পেলেং পেলেং অয়, যেন বিচের দিনোত্ আমি সাহস পেই, কিয়া এই জগদত্ আমা জিংকানিগান তা জিংকানিগান ধোক্ক্যেন।

ফগদাং পেইয়্যে 20:11

সিয়েন পরেদি মুই এক্কান দাঙর্ ধুব্ সিংহাসন আর সিয়েন উগুরে একজনরে বৈ থাগদে দেগিলুং। তা মুজুঙোত্তুন্ পিত্‌থিমীগান আর আগাজ্‌চান ধেই গেলঅ, তারার্ জাগায়ান আর কনমিক্ক্যে ন-থেলঅ।

ফগদাং পেইয়্যে 20:12

সে পরেদি মুই দেগিলুং, চিগোন-দাঙর্ বেক্‌ মরা মানুচ্চুনে সেই সিংহাসনান মুজুঙোত্ থিয়্যেই আঘন্। ইয়েনর্ পরেদি কয়েক্কো বোই খুলো অলঅ। সে পরেদি আর এক্কো বোই খুলো অলঅ। সিবে এলঅ জিংকানি-বোই। এ মরা মানুচ্চুনোর কাম পৌইদ্যেনে সেই বোইয়ুনোত্ যেধোক্ক্যেন গুরি লেগা ওইয়্যে সেই মজিম তারার্ বিচের্ অলঅ।