মথি লেখ্যে গম্ হবর্ 11:21 - Chakma Bible

²¹ “অভিশাব্ পেইয়্যে কোরাসীন, অভিশাব্ পেইয়্যে বৈৎসৈদা! তমা ভিদিরে যেদক্কানি আমক্ অবার্ কাম্ গরা ওইয়্যে সিয়েনি যুনি সোর আর সীদোন শঅরত্ গরা অদঅ সালে ভালোক্ দিন আগে তারা বস্তা ফাদা পিনিনে ছেই গুলিনে পাপত্তুন্ মনানি ফিরেদাক্।

মথি লেখ্যে গম্ হবর্ 11:21 ပူးပေါင်းရင်းမြစ်များ

ইয়োব 42:6

সেনত্তে মুই যিয়েনি কোইয়োং সিয়েনি ইক্কিনে ফিরেই নেযাঙর্, আর ধূল্যে আর ছেইয়ো ভিদিরে বোইনে আবিলেচ্ গরঙর্।”

যিরমিয় 13:27

মুই তর্ সিনেলী আর কামনাবলা ডাগনি আর লাজ্ নেইয়্যে বেশ্যের্ কামানি দেখ্যং; দেখ্যং মুড়োই মুড়োই আর মাঢে মাঢে এই জঘন্য কামানি। যিরূশালেম, অভিশাব তরে! আর কয়দিন তুই অসিজি থেবে?”

যোয়েল 3:4

ইক্কিনে ও সোর, সীদোন আর পলেষ্টীয়ার বেক্ চাগালাগান, মঅ লগে তমার্ কি কুদুম্মো? তুমি কি মঅ উগুরে হেনা সুজোর্? যুনি তুমি মঅ উগুরে হেনা সুজো সালে তুমি যিয়েন গুরিবে সিয়েনই মুই লগে লগে খুব যাদিমাদি তমা নিজো মাঢা উগুরে ফিরেই দিম।

আমোষ 1:9

লগেপ্রভু কত্তে, “সোরর তিনেন্ পাপ, এন্ কি, চেরান্ পাপর্ কারনে মুই হামাক্কায় তারে সাজা দিম, কিত্যে ভেইয়ো লগে ভেইয়োর্ চুক্তি এলাফেলা গুরিনে তে কয়েক্কান আদামর্ বেক মানুচ্চুনোরে বন্দী গুরিনে ইদোম আঢত্ তুলি দিয়্যে।

মথি লেখ্যে গম্ হবর্ 11:22

মুই তমারে ঘেচ্চেকগুরি কঙর্, বিচের দিনোত্ সোর আর সীদোনর অবস্থা বরং তমাত্তুন্ বেশ্ বোউত্ সোজ্য গরেদে ধোক্ক্যেন্ অবঅ।

মথি লেখ্যে গম্ হবর্ 15:21

পরেদি যীশু সে জাগায়ান্ ছাড়িনে সোর আর সীদোন চাগালাত্ গেলঅ।

মথি লেখ্যে গম্ হবর্ 18:7

কদক্ দর্‌গরেপারা এই পিত্‌থিমীগান পাপ পধেদি নেযেবাত্তে তারার্ বিশ্বেজ্‌চানি আরেই ফেলাদন! অবুচ্চ্যই সিয়েনি দঅ ঘুদিবো; মাত্তর্ কত্তমান দর্‌গরেপারা যিবেলোই সিয়েনি ঘদে!

মথি লেখ্যে গম্ হবর্ 26:24

মান্‌জ্য পুয়োবো পৌইদ্যেনে পবিত্র বোইয়োত্ যেবাবোত্যেগুরি লেগা আঘে ঠিগ্ সেবাবোত্যেগুরি তে মুরি যেবঅ ঠিগ্, মাত্তর্ কি দর্‌‍গরেপারা সেই মানুচ্চো, যে মান্‌জ্য পুয়োবো লগে বেঈমানী গরে! তে মান্‌জ্যর্ জর্ম ন-অলে বরং তাত্যেই গম্ অদঅ।”

মার্ক 6:45

যীশু ইয়েনর্ পরেদি তা শিচ্চ্যগুনোরে উগুম্ দিলো যেন তারা নৌকোত্ উদিনে তা আগে আগে সাগরর্ অন্য পারত্ বৈৎসৈদা আদামত্ যান্, আর ইন্দি তে মানুচ্চুনোরে পাধেই দিয়্যে ধুরিলো।

মার্ক 7:24

ইয়েনর্ পরেদি যীশু সে জাগায়ান্ ছাড়িনে সোর চাগালাত্ গেলঅ। তে এক্কান ঘরত্ সোমেল আর চেলদে যেন কেঅ হবর্ ন-পান্, মাত্তর্ তে লুগি থেই ন-পারিলো।

মার্ক 7:31

ইয়েনর্ পরেদি যীশু সোর চাগালাগান্ ছাড়িনে সীদোন শঅর ভিদিরেদি গালীল সাগর কায়কুরে দিকাপলি চাগালার্ আদামানিত্ গেলঅ।

মার্ক 8:22

পরেদি যীশু আর তা শিচ্চ্যগুনে বৈৎসৈদা আদামত্ গেলাক্। সিদুগো মানুচ্চুনে এক্কো কান্ মান্‌জ্যরে যীশু ইধু আনিলাক্ আর মানুচ্চো কিয়্যেত্ আঢ্‌‌তানি রাগেবাত্তে যীশুরে কোজোলী গরা ধুরিলাক্।

লূকে লেখ্যে গম্ হবর্ 4:26

মাত্তর্ তারার্ কারঅ ইধু এলিয়রে পাদা ন-অয়, বানা সীদোন চাগালার্ সারিফত আদামর্ রানি মিলেবো ইধু পাদা ওইয়্যে ।

লূকে লেখ্যে গম্ হবর্ 6:17

যীশু তা শিচ্চ্যগুন্ সমারে লোইনে মুড়োত্তুন্ লামিনে এক্কান্ সং জাগাত্ যেইনে থিয়্যেল। সিয়েনত্ তার ভালোক্কুন্ শিচ্চ্য এগত্তর্ ওইয়োন্। ইগুন বাদেয়ো যিহূদিয়াত্তুন্, যিরূশালেমত্তুন্ আর সোর আহ্ সীদোন নাঙে সাগর পারর্ দ্বিয়েন্ শঅর চাগালাত্তুন্অ বোউত্ মানুচ্ সিয়েনত্ এলাক্।

লূকে লেখ্যে গম্ হবর্ 9:10

যীশু যে শিচ্চ্যগুনোরে পাধেয়্যে তারা ফিরি এলাক্ আর কি কি গোজ্যন্ বেক্কানি তারা যীশুরে কলাক্। সেক্কে যীশু তারারে লোইনে বৈৎসৈদা আদাম কায় এক্কান্ মানুচ্ নেইয়্যে জাগাত্ গেলঅ।

যোহন 1:44

ফিলিপে এলঅ বৈৎসৈদা আদামর্ মানুচ্। আন্দ্রিয় আর পিতরেয়ো সেই একই আদাম মানুচ্‌।

যোহন 12:21

তারা ফিলিপ ইধু এইনে তারে কোজোলি গুরিনে কলাক্, “এইয়্যে শুন্, আমি যীশুরে দেগিবাত্তে চেই।” ফিলিপে অলঅ গালীল রেজ্যর্ বৈৎসৈদা আদাম মানুচ্।

প্রেরিত্‌ 12:20

সে সময়োত্ হেরোদে সোর আর সীদোন শঅর মানুচ্চুনো উগুরে রাগে আগুন অলঅ। সেক্কে সিধুগো মানুচ্চুনে এক সমারে মিলিনে হেরোদ লগে দেগা গুরিবাত্যে গেলাক্। বাস্ত নাঙে রাজার্ ঘুমাইদ্যে ঘরর্ বিশ্বেজি চাগর্‌বোরে নিজোর্ পক্ষে আনিনে তারা রাজা লগে এক্কান মিট্‌মাট গুরিবাত্তে চেলাক্, কিয়া রাজা হেরোদ দেজত্তুন্ তারার্ দেজত্ হানা এদঅ।

প্রেরিত্‌ 27:3

আমা জাহাজ্‌চান তার্ কেল্যে সীদোনত্ থামেল। যুলিয় পৌল সমারে ভারী গম্ বেবহার গুরিলো আর তারে তা সমাজ্যেগুনো ইধু যেবার অনুমতি দিলো যেন তা সমাজ্যেগুনে তারে দরকারি পযাপিরা দি পারন্।

যিহূদা 1:11

অভিশাব্ পাদোক্ সেই মানুচ্চুনে! যিগুনে কয়িনো পধেদি যেইয়োন, লাভত্যে বিলিয়মর্ ভুল আঢত্ নিজোরে ইরি দুয়োন আর কোরহ ধোক্ক্যেন উল্লোমি গুরিনে ভস্ত ওই যেইয়োন।

ফগদাং পেইয়্যে 11:3

মাত্তর্ মুই মর্ দ্বিজন সাক্ষীরে এন্‌ খেমতা দিম যে কারনে তারা বস্তা পিনিনে এক আজার দ্বিশ ষায়েট দিন সং ভাববাদী ইজেবে কধা কবাক্।”

ফগদাং পেইয়্যে 6:12

সে পরেদি মুই দেগিলুং, তে যেক্কে ছ'লম্বর সীলমহ্‌রবো ভাঙিলো সেক্কে ভারী ভূজোল্ বেলঅ। বেলান্ এক্কুবারে কালা ওই গেলঅ আর গোদা চানান্ লো ধোক্ক্যেন রাঙা ওই উদিলো।