মথি লেখ্যে গম্ হবর্ 10:41 - Chakma Bible

⁴¹ কনঅ ভাববাদীরে যুনি কনজনে ভাববাদী বিলি মানি লয় সালে ভাববাদীবো যে বক্‌শিজ্‌চান পেবঅ তেয়ো সে বক্‌শিজ্‌চান পেবঅ। এক্কো গোজেন ভক্ত মান্‌জ্যরে যুনি কনজনে গোজেন ভক্ত মানুচ্ বিলি মানি লন্ সালে গোজেন ভক্ত মানুচ্চো যে বক্‌শিজ্‌চান পেবঅ তেয়ো সে বক্‌শিজ্‌চান পেবঅ।

মথি লেখ্যে গম্ হবর্ 10:41 ပူးပေါင်းရင်းမြစ်များ

পত্থম 20:7

ইক্কিনে তুই তারে তা নেক্কো ইধু ফিরেই দে। মানুচ্চো এক্কো ভাববাদী। তে তত্তেই তবনা গুরিবো, আর সেক্কে তঅ পরাণান্‌ রোক্ষ্যে পেবঅ। মাত্তর্‌ যুদি তারে ফিরেই ন-দুয়োচ্‌, সালে মনত্ রাগেচ্‌, তুই আর তঅ মানুচ্চুনে মরন আঢত্তুন্‌ রেহাই ন-পেবাক্।”

যিশাইয় 3:10

তুমি গম্ মানুচ্চুনোরে কঅ, তারার্ ভালেদি অবঅ, কিত্তে তারা তারার্ কামর সুফল ভোগ্ গুরিবাক্।

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

মথি লেখ্যে গম্ হবর্ 25:44

সেক্কে তারা তারে কবাক্, প্রভু, কক্কে তর্ পেট্ পুরের্ বা পানি তিরেস্ পেইয়্যে দেগিনে, বা গর্বা ওইয়োচ্ দেগিনে, বা উত্যেবুত্যে দেগিনে, বা অসুগ্ বা জেলখানাত্ আগচ্ হবর্ পেইনে সাহায্য ন-গুরিই?

মথি লেখ্যে গম্ হবর্ 25:45

“জোবত্ তে তারারে কবঅ, ‘মুই তমারে ঘেচ্চেকগুরি কঙর্, তুমি যেক্কে এই সামান্য মানুচ্চুনো ভিদিরে কনঅ একজনত্তে সিয়েন্ ন-গরঅ সেক্কে সিয়েন্ মত্তেয়ো ন-গরঅ।’ ”

মথি লেখ্যে গম্ হবর্ 6:1

উজিয়ার্, মান্‌জ্যরে দেগেবাত্তে ধর্মকাম্ ন-গোজ্য; যুনি গরঅ সালে তমা স্বর্গর্ বাবাত্তুন্ কনঅ বক্‌শিজ্ ন-পেবা।

মথি লেখ্যে গম্ হবর্ 6:18

যেনে অন্যগুনে হবর্ ন-পান্ যে, তুই উবোস্ আগচ্। সালে তঅ বাপ্পো, যিবেরে দেগা ন-গেলেয়ো মুজুঙোত্ আঘে, বানা তেয়ই সিয়েনি দেগিবো। তঅ বাপ্পো, যিবে গুমুরোত্ বেক্কানি দেগে, তেয়ই তরে বক্‌শিজ্ দিবো।

মথি লেখ্যে গম্ হবর্ 6:4

যেন তর্ দান গরানাগান্ গুমুরোত্ অয়। সেক্কে তঅ বাপ্পো, যিবে গুমুরোত্ বেক্কানি দেগে, তেয়ই তরে বক্‌শিজ্ দিবো।

মথি লেখ্যে গম্ হবর্ 6:6

মাত্তর্ তুই যেক্কে তবনা গরচ্ সেক্কে ঘর ভিদিরে যেইনে দোরান্ বানিবে আর তঅ বাপ্পো, যিবেরে দেগা ন-গেলেয়ো মুজুঙোত্ আঘে, তাইধু তবনা গর্। তঅ বাপ্পো, যিবে গুমুরোত্ বেক্কানি দেগে, তেয়ই তরে বক্‌শিজ্ দিবো।

মথি লেখ্যে গম্ হবর্ 7:8

যিগুনে চান্ তারা পত্তিজনে পান্; যে তগায় তে পায়; আর যে দোরানত্ বাজ্জ্যেই তাত্তে দোরান্ খুলো অয়।

প্রেরিত্‌ 16:15

ইয়েন্দোই তে আর তা ঘরর্ বেক্কুনে বাপ্তিষ্ম ললাক্। ইয়েন পরেদি তে ইয়েন কোইনে আমারে বাত্ত্যেল, “যুনি মরে তুমি প্রভুর্ উগুরে বিশ্বেজি বিলি মনে গরঅ সালে মঅ ঘরত্ এইনে থাগগি।” এ কধাগান্ কোইনে তে আমারে কোজোলি গুরিনে তা ঘরত্ নেযেল।

রোমীয় 16:23

মুই যিবের্ ঘরত্ থাং আর মন্ডলী মানুচ্চুনে যিবে ঘরত্ এক সমারে এগত্তর্ অন্ সেই গাইয় তমারে ভালেদি জানার্। এ শঅরর্ টেঙা-পৌইজ্যের্ ইজেব্ রাগেবার ভারান্ যিবে উগুরে আঘে সেই ইরাস্ত আর আমা ভেই কার্ত তমারে ভালেদি জানাদন্।

১ করিন্হীয় 9:17

যুনি মুই নিজোর্ আয়োজে প্রচার গরং সালে দঅ মঅ বক্‌‌শিষ্‌‌চান আঘে, আর যুনি নিজোর্ আয়োজে ন-য়ো গরং তো মঅ উগুরে সেই ভারান্ আঘে বিলিনে মুই সিয়েন গরং।

ইব্রীয় 6:10

গোজেনে দোল্ বিচেরক্; সেনত্যে তমা কামানি আর তা মানুচ্চুনোরে সেবা-যত্তন্ গুরিনে তুমি তারে যে কোচ্‌পানা দেগেয়ো আর দেগর্, সিয়েন তে ভুলি ন-যেবঅ।

২ যোহন 1:8

তুমি সজাক্ থাগঅ, যেনে তমার কামর্ ফল ন-আরেইনে তুমি বক্‌শিজোর্ বেক্কান পেই পারঅ।