মথি লেখ্যে গম্ হবর্ 10:37 - Chakma Bible

³⁷ যে কনজনে মত্তুন্ বেশ্ মা-বাবরে কোচ্‌পায় তে মর্ যোগ্য নয়। আর যে কনজনে পুয়ো বা ঝি-রে মত্তুন্ বেশ্ কোচ্‌পায় তে মর্ যোগ্য নয়।

মথি লেখ্যে গম্ হবর্ 10:37 ပူးပေါင်းရင်းမြစ်များ

পত্থম 21:11

চিগোন চিজি ইশ্মায়েলর এ বেপারান্‌দোই অব্রাহাম মনর্ অবস্থা অমকদ ভাঙি পুড়িলো ।

সখরিয় 13:3

তো যুনি কনজনে ভাববাদী ইজেবে কধা কন্ সালে তা নিজোর্ মা-বাবে তারে কবাক্, তত্তুন্ মরা পুরিবো, কিত্যে তুই লগেপ্রভুর নাঙে মিজে কধা কোইয়োচ্। তে ভাববাদী ইজেবে কধা কলে পরেদি তা নিজো মা-বাবে তারে আত্যের্‌লোই মারে ফেলেবাক্।‌‌‌

মথি লেখ্যে গম্ হবর্ 22:37

যীশু তারে কলঅ, “বেগত্তুন্ দাঙর্ আর বেগত্তুন্ দরকারী উগুম অলঅ, ‘তুমি পত্তিজনে তমার্ রিবেঙান্, পরাণান্ আর বেক্ মনান্দোই তমা প্রভু গোজেনরে কোচ্‌পেবা।’

মথি লেখ্যে গম্ হবর্ 22:8

পরেদি তে তার্ চাগরুনোরে ডাগিনে কলঅ, মেলার্ হানা যুক্কোল্, মাত্তর্ যিগুনোরে মুই বাত্যেয়োং তারা ইয়েনর্ যগাজ্যে নয়।

লূকে লেখ্যে গম্ হবর্ 14:26

যে মঅ ইধু এবঅ তে যেন নিজোর্ বাব্-মা, মোগ্ আর পুয়ো-ছা, ভেই-বোন, এমন্‌ কি, নিজোরেয়ো মত্তুন্ বেচ্‌ কম কোচ্‌‌পেইয়্যে বিলি মনে গরে। সিয়েন ন-অলে তে মঅ শিচ্চ্য ওই ন-পারে।

লূকে লেখ্যে গম্ হবর্ 20:35

মাত্তর্ মিলে-মরদ যিগুনে মরণত্তুন্ জেদা ওইনে এজেত্তে যুগ্‌‌‌‌কো পার্ ওই যেবার্ যগাজ্যে বিলি যিগুনোরে ধরা অবঅ, তারা মেলা ন-গুরিবাক্।।

লূকে লেখ্যে গম্ হবর্ 21:36

সজাক্ থেয়ো আর নিত্য তবনা গরঅ যেন যিয়েনি ঘুদিবো সিয়েনি পার্ ওই যাদে আর মান্‌জ্য পুয়োবো মুজুঙোত্ যেইনে থিয়্যেবার্ তুমি বল্ পঅ।”

যোহন 5:23

যেন বাবরে যেবাবোত্যেগুরি বেক্কুনে সর্মান গরন্ সেবাবোত্যেগুরি পুয়োবোরেয়ো সর্মান গরন্। পুয়োবোরে যে সর্মান ন-গরে, যে তারে দিপাধেয়্যে সেই বাপ্পোরেয়ো তে সর্মান ন-গরে।

দ্বি’লম্বর বিররণ 33:9

নিজোর বাপ-মারে দাঙর্ গুরি ন-দেগানা, নিজোর ভেইয়োরে স্বীগের্ ন-গরানা, নিজোর পূঅ-ঝিগুনোরে অস্বীগের্ গরানা, তে তর্‌ কধানি চুগি দিয়্যে আর তর্‌ বেবস্থাগান্‌ রোক্ষে গোজ্যে।

ফগদাং পেইয়্যে 3:4

মাত্তর্ সার্দিত তর্ এন্ কয়েক্কো মানুচ্‌ আঘন যিগুনে তারার্ কাবর-চুগোর্, অত্তাৎ চালচলনান্ কাজর্ ন-গরন্। তারা যগাজ্জ্যে মানুচ্‌ বিলিনে ধুব্ কাবর পিনিনে মঅ সমারে আঢাউদো গুরিবাক্।

১ শমূয়েল 2:29

সালে মর্‌ ঘরত্‌ যেদক্কানি উৎসর্ব গুরিবাত্তে মুই উগুম দুয়োং তুমি কিত্তে সিদুক্কুন য়েমান-উৎসর্ব আর অন্য উৎসর্বগুনোর অসর্মান গরর্‌? মর্‌ মানুচ্ ইস্রায়েলীয়গুনোর উৎসর্বগুনোর বেগত্তুন গম্‌ ভাক্কুন দিইনে নিজোরে পক্তামক্তা গুরিনে কিত্তে তুই মত্তুন্‌ বেশ্‌ তর্‌ পূঅগুনোরে দাঙর্‌ গুরি দেগর্‌?