মথি লেখ্যে গম্ হবর্ 10:28 - Chakma Bible

²⁸ যিগুনে বানা কিয়্যেগান মারে ফেলেই পারন্ মাত্তর্ আত্মাগানরে মারি ন-পারন্ তারারে ন-দোরেয়ো। যিবে কিয়্যে আর আত্মা দ্বিয়েনরে নরগত্ ভস্ত গুরি পারে বরং তারেই দরঅ।

মথি লেখ্যে গম্ হবর্ 10:28 ပူးပေါင်းရင်းမြစ်များ

২ রাজাবলী 17:39

বরং তমার গোজেন লগেপ্রভুরে তবনা গুরিবা। তমার বেক্‌ শত্রুগুনো আঢত্তুন্‌ তেয়ই তমারে উদ্ধোর্‌ গুরিবো।”

ইয়োব 37:24

ইয়েনত্তে মান্‌জ্যে তারে ভোক্তি গুরিনে দরান্; যিগুনে নিজোরে জ্ঞানি মনে গরন তারান্দি তে কনঅ নজর্ ন-দে।”

গীতসংহিতা 119:120

তঅ দরে মঅ কিয়্যেগান গির্‌গিরে উদে; তঅ সুদোমানি মুই দরাং।

উপদেশক 5:7

বেশ্ স্ববন দেগানা আর বেশ্ কধা কনা বাহ্‌জে, মাত্তর্ তুই গোজনরে ভোক্তিগুরিনে দরা।

যিশাইয় 51:12

লগেপ্রভু কত্তে,“আমি, মুয়ই তমারে সান্তনা দুয়োং। তুমি কিত্তে মান্‌জ্যরে দরর্? তারা দঅ মুরি যেবাক্। মান্‌জ্যর্ পুয়োগুনে ঘাস ধোক্ক্যেন কানক্কন্যে।

যিশাইয় 51:7

“যিয়েন ঠিগ্ তুমি যিগুনে সিয়েন হবর্ পহ্ আর যিগুনোর মনত্ মঅ শিক্ষ্যেগান আঘে, তুমি শুনো। তুমি মানজ্যর্ ঈচ্ গরানাগানি বা তারার্ অগমান গরানাগানি ন-দোরেয়ো,

যিশাইয় 66:2

ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

যিরমিয় 5:22

তুমি কি মরে ন-দোরেবা? মঅ মুজুঙোত্ কি তুমি গির্‌ ন-গিরেবা? মুয়ই এক্কান উমরর্ মানা ইজেবে কোরোলিলোই সাগর দুযিগান ঠিগ্ গোজ্যং, যেনে সাগরানে সিয়েন পার্ ওই ন-পারে। সিয়েনর তুবোলুন্ জোরে এলেয়ো সিয়েন ফোলেই ন-পারিবো; সিয়েন গুজুরি উদিলেয়ো পার্ ওই যেই ন-পারে।‌‌‍

মথি লেখ্যে গম্ হবর্ 10:26

মাত্তর্ তুমি তারারে ন-দোরেয়ো, কিয়া লুগেয়্যে বেক্কানি ফগদাং অবঅ আর গুমোর্ বেক্কানি জানা অবঅ।

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

মথি লেখ্যে গম্ হবর্ 5:22

মাত্তর্ মুই তমারে কঙর্, যে কনজনে তা ভেইয়ো উগুরে রাগ্ গরে তে বিচেরর্ দায়ত্ পড়িবো। যে কনজনে তা ভেইয়োরে কয়, তুই বেকুব্, তে দাঙর্ তেম্মাঙর্ বিচেরর্ দায়ত্ পড়িবো। আর যে তা ভেইবোরে কয়, তুই বিবেক্ নেইয়্যে, তে নরগ আগুনো দায়ত্ পড়িবো।

যোহন 5:29

যিগুনে গম্ কাম গোজ্যন্ সিগুনে জিংকানি পেবাত্যে উদিবাক্, আর যিগুনে অন্যেয় কাম্ গুরিনে সময় কাদেয়োন্ সিগুনে সাজা পেবাত্যে উদিবাক্।

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”

ইব্রীয় 10:31

জেদা গোজেন আঢত্ পড়ানা কি দর্‌‌গরেপারা।

ইব্রীয় 11:35

মিলেগুনে তারার্ মরা মানুচ্চুনোরে আরঅ জেদা অবস্থায় ফিরি পেইয়োন। অন্যগুনে নিজোর্ আওজ্ মজিম জেলোত্তুন্ ছড়ান্ পেলেয়ো আর দুঘোত্ ভুগ্‌কোন, যেনে তারা মরণত্তুন্ জেদা ওইনে আরঅ গম জিংকানির্ অধিকারী অন্।

যাকোব 4:12

বানা এক্কো আঘে যিবে রীদি-সুদোম দে আর বিচের্ গরে। তেয়ই বাজেই পারে আর ভস্ত গুরি পারে। তুই কন্না যে তর্ পাড়াল্ল্যেগুনোর্ দুষ্‌চানি তোগেইনে বেড়র্?

১ পিতর 3:14

গোজেনর্ আওজ্‌ মজিম চলিবাত্যে যেইনে যুনি তমাত্তুন্ দুগ্অ ভুগো পড়ে সালে তুমি বর্ পেইয়্যে। যিগুনে তমারে দুঘ্ দুয়োন তারারে তুই ন-দোরেচ্ বা দুঘোত্ ওলোজোলো ন-ওচ্,

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।