মথি লেখ্যে গম্ হবর্ 10:23 - Chakma Bible

²³ কনঅ আদাম মান্‌জ্যে যেক্কে তমা উগুরে অত্যেচার গুরিবাক্ সেক্কে অন্য আদামত্ ধেই যেয়ো। মুই তমারে ঘেচ্চেকগুরি কঙর্, ইস্রায়েল দেজর্ শঅর আর আদামত্ তমা কামানি থুম্ অবার্ আগেদি মান্‌জ্যপুয়োবো এবঅ।

মথি লেখ্যে গম্ হবর্ 10:23 ပူးပေါင်းရင်းမြစ်များ

যিরমিয় 26:21

রাজা যিহোয়াকীম আর তার বেক সেনাপতিগুন আর রাজকর্মচারীগুন যেক্কে ঊরিয়র কধা শুনিলাক্ সেক্কে রাজা তারে মারে ফেলেবার চেরেস্‌‌তা গুরিলো। মাত্তর্ ঊরিয় সে কধাগান শুনিনে দরে মিসর দেজত্ ধেই গেলঅ।‍

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

মথি লেখ্যে গম্ হবর্ 16:28

মুই তমারে ঘেচ্চেকগুরি কঙর্, ইয়োত্ এমন কয়েকজন আগন্ যিগুনো ইধু মান্‌জ্য পুয়োবোরে রাজা ইজেবে রাজাগিরি গরানা ন-দেগানা সং তারা কনমতে মুরি ন-যেবাক্।”

মথি লেখ্যে গম্ হবর্ 2:13

পন্ডিত্‌তুনে যানার্ পরেদি প্রভুর এক্কো দূতে স্ববনত্ যোষেফরে দেগা দিইনে কলঅ, “উদ্, পুয়োবো আর তা মাবোরে লোইনে মিসর দেজত্ ধেই যাহ্ আর মুই যেদকদিন সং ন-কং সেদকদিন সং সিধু থেচ্, কিয়া পুয়োবোরে মারে ফেলেবাত্তে হেরোদে তারে তোগেব।”

মথি লেখ্যে গম্ হবর্ 23:34

সেনত্যে মুই তমারে কঙর্, মুই তমা ইধু ভাববাদী, জ্ঞানী মানুচ্ আর ধর্ম-মাষ্টরুনোরে পাদাঙর্। তুমি তারাত্তুন্ কয়েকজনরে খুন্ গুরিবা আর কয়েকজনরে ক্রুশোত্ দিবা। কয়েকজনরে তমা সমাজ-ঘরত্ চাবুক্ মারিবা আর এক আদামত্তুন্ অন্য আদামত্ লোড়েইনে বেড়েবা।

মথি লেখ্যে গম্ হবর্ 23:36

মুই তমারে ঘেচ্চেকগুরি কঙর্, এই কাল মানুচ্চুনেই সেই বেক্ লো-গানির্ দায়ী অবাক্।

মথি লেখ্যে গম্ হবর্ 24:27

দেবা ঝিমিলেনি যেবাবোত্যেগুরি পূগেদি দেগা দিইনে পোজিমেদি সং ঝিমিলায় মান্‌জ্য পুয়োবোর্ এজানায়ো সেবাবোত্যে অবঅ।

মথি লেখ্যে গম্ হবর্ 24:30

এমন্ সময়োত্ আগাজত্ মান্‌জ্য পুয়োবোর্ চিহ্নো দেগা দিবো। সেক্কে পিত্‌থিমীর্ বেক্ মানুচ্চুনে দুঘে বুগ্ চাবেড়েবাক্। তারা মান্‌জ্য পুয়োবোরে খেমতা আর মহিমার লগে মেঘ ভিদিরে এত্তে দেগিবাক্।

মথি লেখ্যে গম্ হবর্ 24:34

মুই তমারে ঘেচ্চেক্‌গুরি কঙর্, যেক্কে ইয়েনি অবঅ সেক্কেয়ো এই কালর্ কিজু মানুচ্ বাঁজি থেবাক্।

মথি লেখ্যে গম্ হবর্ 24:48

মাত্তর্ যুনি সেই চাগর্‌বো পাজি, তে নিজে মনে মনে কয়, মঅ গিরোজ্‌সো ফিরি এত্তে বোউত্ দেরি অবঅ ।

মথি লেখ্যে গম্ হবর্ 25:13

হিত্ত্যবোর্ শেজদি যীশু কলঅ, ইয়েনত্তে সজাক্ থাগঅ, কিয়া সেই দিন্নো বা সেই সময়বোর্ কধা তুমি হবর্ ন-পঅ।

মথি লেখ্যে গম্ হবর্ 26:64

সেক্কে যীশু তারে কলঅ, “অয়, তুই ঠিগই কোইয়োচ্। মাত্তর্ মুই তমারে ইয়েন্অ কঙর্, ইয়েনর্ পরেদি তুমি মান্‌জ্য পুয়োবোরে বেগত্তুন্ খেমতাবলা গোজেন ডেনেদি বুয়োই থাগদে আর মেঘ সমারে এত্তে দেগিবা।”

মথি লেখ্যে গম্ হবর্ 4:12

পরেদি যীশু শুনিলো যোহনরে জেলখানাত্ বন্দী গুরি রাগা ওইয়্যে। সেক্কে তে গালীলোত্ গেলগোই আর নাসরত্ আদামান্ ফেলেইনে সবূলূন আর নপ্তালি চাগালা ভিদিরে সাগর পারর্ কফরনাহূম শঅরত্ যেইনে রলঅ।

মার্ক 13:26

সে সময়োত্ মানুচ্চুনে মান্‌‌জ্যপুয়োবোরে দাঙর্ খেমতালোই আর মহিমালোই মেঘ ভিদিরে পিত্‌‌থিমীত্ এবাত্তে দেগিবাক্।

লূকে লেখ্যে গম্ হবর্ 18:8

মুই তমারে কঙর্, তে তারা পক্ষে ন্যায় বিচের্ গত্তে দেরি ন-গুরিবো। মাত্তর্ মান্‌জ্যপুয়োবো যেক্কে এবঅ সেক্কে কি তে পিত্‌থিমীত্ বিশ্বেজ্ দেগিবো?”

লূকে লেখ্যে গম্ হবর্ 21:27

সে অক্তত্ দাঙর্ খেমতালোই আর মহিমালোই মান্‌জ্যপুয়োবোরে তারা মেঘ ভিদিরে গুরি এত্তে দেগিবাক্।

যোহন 7:1

ইয়েন পরেদি যীশু গালীল রেজ্যগান ভিদিরে আঢাউদো গরা ধুরিলো। যিহূদী নেতাগুনে তারে মারে ফেলেবাত্তে চেইয়োন্ বিলি তে যিহূদিয়া রেজ্যগানত্ আঢাউদো বন্ধ গুরি দিলো।

প্রেরিত্‌ 17:10

রেত্ অলে পরেদি বিশ্বেজি ভেইয়ুনে পৌল আর সীলরে বিরয়াত্ পাধেই দিলাক্। সিধু লুমিনে তারা যিহূদীগুনোর্ সমাজ-ঘরত গেলাক্।

প্রেরিত্‌ 17:14

বিশ্বেজি ভেইয়ুনে সেক্কে পৌলরে সাগর পারত্ পাধেই দিলাক্, মাত্তর্ সীল আর তীমথিয় বিরয়াত্ থেলাক্।

প্রেরিত্‌ 20:1

যাগুলুগ্ থামানার্ পরেদি পৌলে শিচ্চ্যগুনোরে ডাগিনে পাদেল। তারারে উচ্চোমি তুলি দিবার্ পরেদি তারাত্তুন্ বিদেয় লোইনে তে ম্যাসিডোনিয়া ইন্দি লদ্ দিলো।

প্রেরিত্‌ 8:1

শৌলে সিধু স্তিফানর খুনর্ পক্ষে কধা কর্। সেদিন্যে যিরূশালেমর খ্রীষ্টীয় মণ্ডলীর মানুচ্চুনো উগুরে অমকদ অত্যেচার অলঅ। সিয়েন্দোই দিপাধেয়্যেগুন বাদে বাদবাগি বেক্ বিশ্বেজিগুন যিহূদিয়া আর শমরিয়া রেজ্যর্ বেক্ জাগানিত্ ছিদি পড়িলাক্।