মথি লেখ্যে গম্ হবর্ 1:19 - Chakma Bible

¹⁹ মরিয়ম নেক্কো যোষেফে গম্ মানুচ্ এলঅ, মাত্তর্ তে মান্‌জ্য মুজুঙোত্ মরিয়মরে লাজত্ ফেলেবাত্তে ন-চেলঅ; ইয়েনত্তে তে ভিদিরে ভিদিরে তারে ন-লবঅ বিলি ঠিগ্ গুরিলো।

মথি লেখ্যে গম্ হবর্ 1:19 ပူးပေါင်းရင်းမြစ်များ

পত্থম 38:24

ইয়েন পেরায় তিনমাস পরেদি যিহূদা শুনিলোদে, তার পূদবো তামরে বেশ্যে-হাংগি গোজ্যে, আর সিয়েন পরেদি তে ইক্কু পিদিলী ওইয়্যে। এ কধাগান্‌ শুনিনে যিহূদা কলঅ, “তারে নিগিলেই আনিনে পুড়ি ফেলা ওক্।”

পত্থম 6:9

ইয়েন অলঅ নোহ জীংকানির্ কধা। নোহ এক্কো গম্‌ মানুচ্‌ এলঅ। তা সময়ানত্‌ মানুচ্চুনো ভিদিরে তেয়ই এলঅ গম্‌। গোজেন লগে তার দোল্‌ উদো-লোলি এলঅ।

লেবীয় 19:20

অন্য মান্‌জ্য লগে বৌ চাহ্ ওইয়্যে অথচ টেঙা দিইনে ছাড়ি নেযানা ন-অয় বা সুর্ কাগোজ্ দিয়া ন-অয় এধোক্ক্যেন কনঅ চাগরানীর্‌ লগে যুনি কনজনে কিয়্যেদি মিজেন্‌ সালে তাত্তুন্‌ জোরিবানা দিয়া পুরিবো। সে দ্বিজনরে মারে ফেলানা ন-চলিবো কিত্যে মিলেবোরে ছাড়ি নেযানা ন-অয়।

লেবীয় 20:10

যুনি কনজনে তার্‌ পাড়াল্যে মোগো সমারে, অত্তাৎ অন্য কনঅ মান্‌জ্যর্‌ মোগো সমারে সিনেলী গরে সালে বেভিচারী আর বেভিচারিনী দ্বিজনরেই মারে ফেলা পুরিবো।

মার্ক 10:4

তারা কলাক্, “তে ছুড়্ কাবোজ্ লিগিনে মোগোরে ছাড়ি দেনার্ উগুম্ দিয়্যে।”

মার্ক 6:20

মাত্তর্ হেরোদে যোহনরে দোরেদ বিলি তে সিয়েন গুরি ন-পারে। যোহনে যে এক্কো গোজেন্‌ভক্ত আর পবিত্র মানুচ্ হেরোদে সিয়েন হবর্ পেদঅ, সেনত্তে তে যোহনরে দযাত্তুন্ রোক্ষ্যে গুরিদো। যোহনর্ কধা শুনিবার সলাত্ মনত্ খুব দুঘ্ পেলেয়ো হেরোদে তা কধানি শুনিবাত্তে গম্ পেদঅ।

লূকে লেখ্যে গম্ হবর্ 2:25

সেক্কে যিরূশালেমত্ শিমিয়োন নাঙে এক্কো ধার্মিক আর গোজেনভক্ত মানুচ্ এলঅ। গোজেনে কক্কে ইস্রায়েলীয়গুনো দুঃখানি দূর্ গুরিবো সেই সময়ানত্তে তে বাজ্জেই আঘে। পবিত্র আত্মা তা উগুরে এলঅ আর তাইধু ফগদাং গোজ্যেদে যে, মুরি যেবার্ আগেদি তে প্রভুর সেই মশীহরে দেগিবো।

প্রেরিত্‌ 10:22

সেই মানুচ্চুনে কলাক্, “সেনাপতি কর্ণীলিয় আমারে পাধেয়্যে। তে এক্কো ধার্মিক মানুচ্‌ আর তে গোজেনরে ভোক্তি গরে। বেক্‌ যিহূদীগুনে তারে নাঙ্ গিনোন্। গোজেনর্ এক্কো দূত্ তারে উগুম দিয়্যে যেন তে তরে তা ঘরত্ ডাগি নেযেইনে তঅ কধা শুনে।”

প্রেরিত্‌ 27:39

বেন্ন্যে মাদান্ তারা জাগায়ান্ চিনি ন-পারিলাক্, মাত্তর্ এমন্‌ এক্কান চিগোন সাগর্ দেগিলাক্ যিয়েনর কুলোচরান্ বালুলোই ভরা এলঅ। সেক্কে তারা ঠিগ্ গুরিলাক্, সম্ভব অলে জাহাজ্‌‌চান সেই পারত্ তুলি দিবাক্।

২ করিন্হীয় 1:15

এ কধাগান যে সত্য সিয়েন কোই পারিনে মুই আগেই তমা ইধু যেম্ বিলিনে থিগ্ গোজ্জ্যং, যেন্‌ তুমি দ্বিবার আশিদ্‌বাদ পেই পারঅ।

দ্বি’লম্বর বিররণ 22:20

মাত্তর্‌ কধাগান যুনি সত্য অয় আর মিলেবোর গাবুরী অবস্থার কনঅ প্রমাণ পাহ্ ন যায়,