মথি লেখ্যে গম্ হবর্ 1:12 - Chakma Bible

¹² যিকনিয় পুয়ো শল্‌টিয়েল-ইস্রায়েল জাদরে বাবিলোত বন্দী গুরি নেযেবার পরেদি ইবের্ জর্ম ওইয়্যে; শল্‌টিয়েল পুয়ো সরুব্বাবিল;

মথি লেখ্যে গম্ হবর্ 1:12 ပူးပေါင်းရင်းမြစ်များ

২ রাজাবলী 24:14

ইয়েনিবাদে যিরূশালেমর বেক্কুনোরে, অত্তাৎ বেক্‌ কাম্‌গুরিয়্যেগুনোরে আর যুদ্ধোগুরিয়্যেগুনোরে, বেক্‌ কালিগর আর কামারুনোরে-বেক্কুনে মিলিনে দশ আজার মান্‌জ্যরে তে বন্দী গুরি নেযেল। দেজত্‌ নাদা মানুচ্চুন্‌ বাদে আর কনজন ন-রলাক্‌।

২ রাজাবলী 25:27

যিহূদার রাজা যিহোয়াখীনোর বন্দী অনার্‌ সাত্রিশ বজরত্‌ ইবিল-মরোদকে বাবিলো রাজা অলঅ। তে সে বজরত্‌ বার মাস সাদেশ্‌ দিনোত্‌ যিহোয়াখীনরে জেলোত্তুন্‌ ইরি দিলো।

১ বংশধর 3:17

বন্দী যিকনিয়ো পুয়োগুন অলাক্‌ শল্টীয়েল,

ইষ্রা 3:2

সে পরেদি যোষাদকর্ পুয়ো যেশূয় আর তা সমাজ্যে ধর্মগুরুগুন আর শল্টীয়েলর্ পুয়ো সরুব্বাবিল আর তা সমাজ্যেগুনে পূজ্যে-উৎসর্বর অনুষ্ঠানত্যে গোজেনর্ মানুচ্ মোশির রীদি-সুদোমর লেগা মজিম্ ইস্রায়েলর্ গোজেনর্ পূজোবো বানেলাক্।

ইষ্রা 5:2

সেক্কে শল্টীয়েলর পুয়ো সরুব্বাবিল আর যোষাদকর পুয়ো যেশূয় যিরূশালেমত্ গোজেনর্ ঘরান আরঅ বানেবাত্যে আঢ্ দিলাক। গোজেনর্ ভাববাদীগুনেয়ো তারারে সাহায্য গরা ধুরিলাক।

নহিমিয় 12:1

যিদুক্কুন্‌ ধর্মগুরু আর লেবীয়গুনে শল্টীয়েলর পূঅ সরুব্বাবিল আর যেশূয়োর লগে বন্দীদজাত্তুন্‌ ফিরি এচ্ছ্যন্‌ তারা অলাক্‌: ধর্মগুরুগুনো ভিদিরে সরায়, যিরমিয়, ইষ্রা,

যিরমিয় 22:24

লগেপ্রভু কোইয়্যেদে, “ও যিহূদার রাজা যিহোয়াকীমর পুয়ো যিহোয়াখীন, মঅ জিংকানিগানর নাঙে কঙর্, তুই যুনি মঅ ডেন্ আঢর্ সীলমঅরর আংটি অদে তো মুই তরে খুলি ফেলেই দিদুং।

যিরমিয় 22:28

এ যিহোয়াখীনে কি এন্ এক্কো ঈচ্ গরেপারা ভাঙা পিলে যিবেরে কনজনে ন-চায়? কিত্তে তারে আর তা পুয়ো-ছাগুনোরে তারার হবর্ ন-পেইয়্যে এক্কান দেজত্ ছিদি ফেলা অবঅ?

যিরমিয় 22:30

লগেপ্রভু কোইয়্যেদে, “তুই লেগ্, এ মানুচ্চোর যেন কনঅ পুয়ো-ছা নেই। তে তার জিংকানিকালত্ ফোলেই ন-পারিবো আর তার কনঅ পুয়ো-ছায়ো গম্ ন-অবাক। তারাত্তুন কনজনে দায়ূদোর সিংহাসনত্ ন-বজিবাক্ বা যিহূদা দেজঅ উগুরে রাজাগিরি ন-গুরিবাক্।”

হগয় 1:1

রাজা দারিয়াবসর রাজাগিরির দ্বিবজরত্ শল্টীয়েলর পুয়ো সরুব্বাবিলে এলদে যিহূদার শাজন্‌ গুরিয়্যে আর যিহোষাদকর পুয়ো যিহোশূয় এলদে দাঙর্ ধর্মগুরু। সেই বজরর্ ছয় মাসর পত্তম দিনোত্ লগেপ্রভু ভাববাদী হগয়রে দিইনে তারারে কলঅ,

হগয় 1:12

সেক্কে শল্টীয়েলর পুয়ো সরুব্বাবিল, যিহোষাদকর পুয়ো ধর্মগুরু যিহোশূয় আর অন্য বেক্ মানুচ্চুনে তারার্ গোজেন লগেপ্রভুর কধা মজিম আর তার পাদেয়্যে ভাববাদী হগয়র কধা মজিম কাম গুরিলাক্, কিত্যে তারা লগেপ্রভুরে দোরেলাক্।

হগয় 1:14

ইয়েনর্ পরেদি লগেপ্রভু যিহূদার শাজন্‌গুরিয়্যে সরুব্বাবিলর, দাঙর্ ধর্মগুরু যিহোশূয়র আর বাদবাগি বেক্ মানুচ্চুনোর মনানি জাগেই তুলিলো। সেক্কে তারা বেক্কুনে এইনে তারার্ বেগত্তুন্ খেমতাবলা লগেপ্রভুর ঘরর কাম গরানা আরাম্ভ গুরি দিলাক্।

হগয় 2:2

তুই শল্টীয়েলর পুয়ো যিহূদার শাজন্‌গুরিয়্যে সরুব্বাবিলরে, যিহোষাদকর পুয়ো দাঙর্ ধর্মগুরু যিহোশূয়রে আর বাদবাগি বেক মানুচ্চুনোরে পুযোর্ গর্,

হগয় 2:23

ও শল্টীয়েলর পুয়ো মর্ চাগর্ সরুব্বাবিল, মুই লগেপ্রভু সেদিন্যে তরে নিইনে মর্ সীলমহ্‌‌‌রর আংটি ধোক্ক্যেন গুরিম, কিত্যে মুই তরে বেঈ লোইয়োং।’ মুই বেগত্তুন্ খেমতাবলা লগেপ্রভু এ কধাগান কঙর্।”

মথি লেখ্যে গম্ হবর্ 1:11

যোশিয় পুয়ো যিকনিয় আর তা ভেইয়ুন-ইস্রায়েল জাদরে বাবিল দেজত্তুন্ বন্দী ইজেবে নেযেবার অক্তত্ ইগুনে এলাক্।

মথি লেখ্যে গম্ হবর্ 1:13

সরুব্বাবিল পুয়ো অবীহূদ; অবীহূদ পুয়ো ইলীয়াকীম; ইলীয়াকীম পুয়ো আসোর;

মথি লেখ্যে গম্ হবর্ 1:17

এধোক্ক্যেনগুরি অব্রাহামত্তুন্ ধুরি দায়ূদ সং চৌদ্দো পুরুচ্; দায়ূদোত্তুন্ বাবিলোত্ বন্দী গুরি নেযেবার্ অক্ত সং চৌদ্দো পুরুচ্; বাবিলোত্ বন্দী অনার পরেত্তুন্ ধুরি খ্রীষ্ট সং চৌদ্দো পুরুচ্।

লূকে লেখ্যে গম্ হবর্ 3:27

যূদা যোহানার পুয়ো, যোহানা রীষার পুয়ো, রীষা সরুব্বাবিল পুয়ো, সরুব্বাবিল শল্টীয়েলর পুয়ো, শল্টীয়েল নেরির পুয়ো;